戰火連天。
黑雲四起。
年份係二零一九年。
憑住時光機成功回到過去。

歐洲戰場。
法國南部某座城市。

西班牙想要搶攻呢到,但係攻咗好耐都攻唔到入去。
見到漫天既煙火,城市化成廢墟,先再一次認知到第三次世界大戰發生咗既呢個事實。


明明我死咗之後,就不過係短短幾年,點會變成咁?

似乎,第三次世界大戰係因為UNCLE SAM而起。
2018年尾,UNCLE SAM分裂咗成為兩個國家。
一個係以宗教為名,解決異端。
另一個國為認為去到2019年,世界應該要世俗化,脫離宗教束縛。

以英、法為首既歐洲列強,承認宗教既必要性,認為世俗派係動亂之源,幫手鎮壓世俗派。
呢返舉動,隨即引起中俄兩國既強烈批評,世俗派得到兩大國家支持。
就係咁,自冷戰以嚟,世界再次分為兩大陣營,宗教派、世俗派。



英國、法國、德國、意大利、加拿大、巴西、以色列。
中國、俄羅斯、日本、韓國、西班牙、印度。

UNCLE SAM化為戰場,兩派人分割咗成個國家,然後各自建立自己既政權。
除咗美洲戰場,歐洲、太平洋都開始咗戰爭。
西班牙對英法聯軍。
西班牙政府唔知發生咩事,試圖去強攻法國。
面對英法聯軍,就算西班牙軍力再強,都打唔入法國。
似乎會等埋UNCLE SAM世俗派既支援,再強攻過去?



西班牙政府既舉動實在太過奇怪。
無啦啦由冷戰,一下子跳入咗去正式交戰既狀態。
而且成個歐洲大部份成員都係宗教派。
單憑西班牙既實力要同成個歐洲作對,實在係件無可能既事。

企係屋頂上既我,親眼目睹呢場戰爭。
四圍都係啲唔高既細屋仔,密密麻麻形成大街小巷。
兩邊陣營係到爆發咗場巷戰。

分唔清邊邊係法國,邊邊係西班牙。
本質上,兩邊既人都係一樣。
係RPG世界,我見過好多唔同既戰爭。
有魔界對人類。
有魔物對魔界。


有外神對神。
但係同呢一場戰爭唔同,起碼唔可以單單憑肉眼去分唔同既陣營。
本質上,大家都只不過係人類。
甚至係同樣膚色,同樣武器。

人類算係乜嘢?
我無辨法理解呢一場戰爭。
身為神既角度嚟睇,呢個世界既人會為咗奇奇怪怪既理由而戰鬥。

但今次實在係太奇怪。
由宗教戰爭演變而成既世界大戰。
講到宗教戰爭,就我諗起呢個世界既神。
自稱為天使既佢哋,同呢場戰爭有咩關係?

戰火之中,我睇見一個少女企係街道上面。


抱住個鐵盒,仰望天空散落既火塵。
漫天既煙梢令到少女臉孔染上黑色,同佢既金髮形成相反。

好快趣,就有一班軍人圍住佢。
唔知係法軍定係西班牙軍,亦唔知係抱有善意定係惡意咁埋去個少女身。

天使出現咗。
正確嚟講,係管理者。
呢個星球既管理者之一,加百列。

「呢個就係你地創造既世界?」我問天使。

軍人拎起槍,指住少女。
戲謔既表情。
玩弄生命既表情。



「我地完全中立。」天使回答。

唔會直接干涉世界既運作。
直接。
間接?

佢哋同惡魔之間,究竟有咩協議?

「身為管理者,無可能無時無刻對人類進行救贖。」

「但我係神。」
我舉起手,用蜘蛛結界綁住哂堆軍人。

「你係咪變咗?」



我笑一笑,然後由屋頂跳落少女身邊。
已有 0 人追稿