時光機。
UNCLE SAM既空軍機地,竟然研發咗時光機。

企係巨大既機器面前,一時之間我唔知應該比咩反應。
改變時間既機器。
我曾經有過時間魔法,所以深明可以操控時間係件幾咁可怕既事。
輕則改變歷史,重則改變世界既體系。
表面上的確如此……

實際上時間魔法係一無是處。


時間係改變唔到。
既有既事實一早已經決定好哂,就算去改變都毫無意義。

表面上係我利用咗時間魔法回到過去,埋下咗外神既種子,然之後一下子反攻咗呢個世界,成為世界既唯一神。
實際上時間線只係單向,我並無改變到過去。
簡單嚟講就係,喺我用時間魔法回到過去之前,外神就已經存在。
外神的確係由我製造出嚟。
但同時係既有事實。
我使用時間魔法,並無令過去既事發生改變。
與之相反,我使用時間魔法,只不過係順應住時間既齒輪而行。



世界上所有既事都係命中注定。
由世界誕生之初,一早已經決定好我成為神,我會使用到時間魔法「改變」過去。
係神、管理員之上,有一樣謎之存在,更為上位既不明存在。
我推斷呢啲係星球既意志。

話題扯遠咗。
返返嚟時光機到先。
總結依家既情報︰



之前同阿斯塔錄既大戰,令到背叛咗我既白雪同埋約翰去咗唔知邊個世界到。
戰後後蠍子失蹤。
本來都無乜事發生,但係天照發現咗白雪已經返咗嚟。
阿斯塔錄同天照唔知謀劃緊乜,於是乎我就主動出擊,嚟到合眾國呢到。
依家既時間係三零一八年。
原來一千年前既時間發生咗場第三次世界大戰,結果似乎令到全人類毀滅。
一千年前,合眾國研發咗兩部時光機,但係當時殘存既人類並無用到。
一千年後,三零一八年,某個人利用咗時光機返去一千年前。
呢個三零一八年出現既人,實在好可疑,絕對唔似係現世既人類。

假定,惡魔可以自由穿梭時間。
咁樣既話,就無可能係惡魔利用時光機回到過去。
咁仲有三個可能。

一係白雪。


但係白雪應該跟從咗惡魔,咁無必要利時光機去回到過去。

二係蠍子。
蠍子既行動一向都難以預測,亦都唔知佢其實想點。
佢好多行動都無去思考過……大概啦。
所以,佢無啦啦用時間魔法返返去過去都係件合理既事。
但前提係,無空間魔法既佢,究竟點可能嚟到呢個世界?
但空間魔法既話,應該永遠困住喺RPG世界至係。

最大機會係約翰。
次元既魔女。
如果真係佢既話,佢返去過去究竟有咩目的?
唔會係純粹阻止第三次世界大戰下話。

過去發生既事係永遠改變唔到。


未知既事亦一早決定好哂。
但係,無人知道未來、知道未知。

時光機仲有一部。
就好似同我講緊,叫我搭上去一樣。

改變過去絕無意義。
但係我依家要去既,並唔係改變過去。
而係去,打低最後既BOSS。
阿斯塔錄。

最終既決戰。
 
已有 0 人追稿