自殺以後，進入了RPG的世界: ☣毒魔

號稱能夠毒死藍鯨嘅猛毒對眼前嘅少女無效。
毫無疑問，佢嘅身體能夠免疫毒素。

眼前嘅怪物，擁有猶如少女一樣嘅身體。
一對巨鉗喺空中飄浮。
由屁股伸出嚟嘅巨型毒尾。
與其話係少女，不如話係一隻擁有人型嘅蠍子。

我覺得攰了。
無論人點樣努力都好，都無辦法打得贏非人之物。




妄想能夠打贏神嘅人類。
被稱為至高生命體嘅人類。
喺超越人智嘅存在之下居然如此嘅無力。
連打低眼前嘅蠍子都做唔到又點可能殺你死真真正正管理世界嘅神明呢？

於是乎，我投降了。
以前嘅我或者會拼死一戰。
但對我嚟講，保護伊莉沙白係我首要目標。

爛尾一條，你就攞去啦。




但請你唔好對佢出手。

我唔知我嘅說話，佢能理解到咩程度。
我只可以盡我所能，表達投降嘅意思。

蠍子皺眉。
係語言不通定係拒絕我嘅投降呢？

我再一次抱起伊莉沙白狂奔。
我無殺死蠍子嘅手段。




我就只可以不斷逃走。

突然，我腳部一痛，成個人仆喺地上面。
係鉗，蠍子鉗住我隻腳。
我只可以笑一笑，對住伊莉沙白咁講咗包：「走啦。」

「快啲走啊！」
我大聲呼喝，趕佢走。
佢原本平淡而無表情嘅臉孔開始扭曲。
係傷心、驚慌嘅神緒。

於是，我再一次微笑。
「走。」

蠍子鉗住我，一下拉左我返去。




我一轉身，用步槍將佢塊臉射個稀巴爛。
只見佢皮膚突然變硬，將子彈彈開。

伊莉沙白返咗嚟。
佢走到我地之間。
鐵盒。
銀之鑰匙。
召喚異界之物。

蠍子大概都知道鐵盒嘅事。
佢都唔敢亂郁。
異界之物。
不屬此世之物。
但，又係對我地無比重要之物。





「佢係我唯一嘅親人，就請你放過佢！」
我聲嘶力竭。

然後，我眼白白咁睇住伊莉沙白被殺死。

一切嚟得太突然。

我唯一嘅摯愛，一下子就消亡咗。
我生存落去嘅動力，一下子無咗。
啊......

女兒就咁樣死咗。

鐵盒被打開。
裡面只有一封信。




以西班牙文寫嘅「多謝」。
銀鑰匙並不存在。
伊莉沙白嘅寶物，就只有一封信。
但我嘅寶物一下子就無咗。

「咁嘅話，你同我又有咩分別。」

不知名嘅聲音喺四邊響起。
金髮尖耳嘅細路女，抱住咗伊莉沙白。
伊莉沙白未死？
唔係，已經死咗。

細路女講咗句令人在意嘅說話。

「願佢喺來世得到幸福。」