自殺以後，進入了RPG的世界: 溫蒂妮與阿撒托斯

我企前一步，企喺佢地兩個之間。
背後係蜘蛛，而前面嘅係海龍王。
呢個係作為蠍子女王嘅我，僅能做嘅一點小事。

「我已經記返起一切。」

淡然嘅一句說話，始終無法阻止到海龍王。

「讓開。」





我明白我呢一刻講咩都無用，佢咩都聽唔入耳，語言已經失效，我哋三人彼此之間都無法再互相理解。
海龍王殺意已決，執著對瀕死嘅蜘蛛作出最後一擊。

「讓開，唔係連你都殺埋。」

唔係講笑，亦唔係威脅。
佢已經無放我在內，張開咗嘴巴，極寒之氣流入無盡空洞。
龍王嘅極冰吐息，如同字面意思一樣，如果我唔避開嘅話，將會連同蜘蛛一齊，浸沒喺冰藍嘅光芒之中。

我無防禦嘅手段。




基本上只要正面比龍息打中，就必定死亡。
但我並無迴避，坦然咁面對住佢——

面對住眼前呢個比過去所支配，淪為執念嘅奴隸嘅最強生物。
亦姐係，前世嘅自己。

作為第四段人生，望見第三段人生嘅海龍王，難免覺得有啲可悲。
我係蠍子女王，亦即係海龍王溫蒂妮嘅來生。

人不能無目標而活。




過去不斷咁追求同一個目標，幾段人生都只為殺死一個人而活。
由依家嘅我睇嚟，不過多麼嘅可笑。
你嘅憎恨之情，我明白。
畢竟我就係你。

點解唔可以放低一切？
就算無目標，悠閒、自由咁過自己嘅生活，唔好咩？

但講咩都無意義。
海龍王溫蒂妮已經比白雪所支配。

「係時候，逆轉。」

蜘蛛抱住殘缺嘅身體，滿頭鮮血企咗喺身。





有反轉嘅手段？

空間魔法已經比海龍王看破咗。
預測到轉移嘅時機，即使用空間魔法，都唔會趕得切，比龍息更快咁逃離現場！

那是，邪神嘅微笑。
勝算在握嘅表情。
恰如蜘蛛一樣，望到獵物墮入咗蛛網一樣，貪婪嘅笑容。

然後，佢只係拋出咗四粒字：「時間魔法。」

自由穿梭唔同時間線嘅特殊技能。
就算被稱之為最強嘅特殊技能都不失為過。
呢個就係蜘蛛嘅殺手鐧？
的而且確，能夠自由穿越過去未來，一切嘅攻擊都變得毫無意義。




但佢復活嗰陣，唔係失去咗呢一招技能咩？

海龍王，畢竟都係另一個我。
佢都思考緊同一樣嘢。

——然後就墮入咗陷阱之中。
節奏被打亂了。
由海龍王主導嘅戰場，只因四粒字，一下子變成咗蜘蛛嘅領域。

意思以致一秒嘅遲緩，足以致命。

魔法的確發動咗。

但唔係時魔法，係空間魔法！
時間魔法四粒字只係佯攻！




實際上係空間魔法！
一下就貼緊咗海龍王，零距離——

不愧係龍王，轉眼就反應過嚟。

結束了。

瞬間轉移半頃之後，龍王立即反應過嚟，一下就捏碎咗蜘蛛。
就似係拍死烏蠅一樣嘅簡單。
破碎嘅蟲血，慢慢咁滴咗落嚟。

呢一擊，並唔完全殺得死蜘蛛。
彌留之間，殘存嘅最後一口氣。
再一次逆轉戰局嘅四粒字——





空間魔法。

世界一下就改變咗。
並唔係世界改變，而係返返嚟。
我哋三個人，返到去異世界。
如同RPG一樣嘅世界。

話明遊戲，管理員就一定有權限——

「發動管理員權限。」

龍王就無力咁跌落地上。

蜘蛛脫皮，從殘碎嘅皮囊之中，走出一個全新嘅蜘蛛。

「抱歉。」

蜘蛛講出一句唔符合佢性格嘅說話。
究竟係發自真心，定係裝模作樣，呢點都唔太重要。
重點係，佢居然同白雪道歉。

第一次，亦係最後一次嘅道歉。
然後，發動權限，直接將龍王抹殺。
自星球誕生起就存在嘅至高龍王，就此殞落。

龍王消失後，化作一點光。
靈魂之光，同我靈魂一樣，同等嘅存在。

「再一次轉生啦，今次你就轉生做一隻蟲啦，就好似我一樣。」

終於，一切都結束，漫長旅途到此完結。

然後，蜘蛛望住我。

第四段人生，你係咪依然想復仇？

我搖一搖頭。

就等白雪、班長、溫蒂妮安息啦。

佢哋嘅復仇故事，就到呢一刻完結。

「由你出生到依家，始終都係一事無成。」

我苦笑。

「一事無成又點？點解一定要搞出咩名堂？就算世界最強咁又如何？」

輪到蜘蛛苦笑。

「我希望你可以消除我嘅記憶，就等白雪、班長、溫蒂妮，成佛啦。」

「喺神嘅面前講佛係咩玩法？」

「永別喇。」

呢一刻我好似有嘢想同佢講，但我最後放棄。
我同佢之間，已經劃上咗句號。
我哋之間，就只係呢種淡淡嘅關係。
無論係白雪同蜘蛛。
無論係班長定梁同學。
無論係溫蒂妮定阿撒托斯。
定係蠍子女王同蜘蛛女王。
我哋之間就好似陌路人一樣，只係相殺嘅關係。
我哋之間並唔存在住任何嘅嘢，並無任何嘅連繫。
蜘蛛亦一樣欲言又止，只能目送住我嘅離開。

一切都如同夢一樣。

「永別喇，我嘅朋友。」
蜘蛛說。

聽悉回頭一望——
記憶陪隨思緒一樣隨風四散。
身後只見灰黑色嘅一位黑暗精靈，目無表情咁望住我。

「請問，你係邊個？」

「我係......癡線蜘蛛D蜘蛛絲癡依枝樹枝。」

佢笑住回答。