是咁的,我無啦啦比人困在係監獄入面。
頂!咩料呀!
我比人綁架左?
冷靜D,細心一諗,無理由會去綁架我呢D死窮鬼、死廢青架姐。
好,慢慢組織一下發生左咩事先。
我記得啦,我頭先係想跳樓,之後就係座監獄入面。

痴撚線,關咩事。

唔理點都好啦,諗下有咩方法可以走到出去啦。


我想行去柵欄果邊,但係雙腳無力完全行唔到。
咩事?唔係比班綁匪打斷左對腳掛?
我轉身望過去,見到我個身體壓住哂我幾條腳,隻腳咁幼,唔怪得行唔到啦。

我屌你老母呀!

痴線,做乜鳩我個BODY變到咁大,D腳變成咁,好似蜘蛛咁既腳架!
屌!好核突!
我應該係一個18歲(廢青),因乜事變成咁?
我勉強企係身,試下感覺身體依家係咩構造。


我身體好似係一隻螳螂,不過下半身(定係應該叫腹部?)無翼,肥到好似蜘蛛咁,而且有四對腳。
上半身,應該叫胸部有兩對手,與其話係手,不如話係針,有兩對有關節既針,大致上係咁既樣。
唔通係傳說中既變態痴線佬捉左我去人體改造?
大佬!點解要變我做蟲,唔變我做蜘O俠呀!
不過唔係變人形O蚣都算係咁。

算。我忍。
冷靜D。
定D黎。
不如諗下點樣走出去好過啦。


不過走到出去咪又係比人捉。
唉,船到橋頭自然直。

好,大致上識得點行,我試下行過去柵欄果到先。
呀!
哥布林。
打死我都認得出,平時打機成鬼日見到既哥布林。
兩隻哥布林。
感覺上,果兩隻哥布林係獄卒。
唔係掛,邊個痴線科學家玩到咁大呀,連手下都係改造人。
點解你唔係變我做蒙O超人,而變我做隻蟲呀!

唔係喎,等陣先。
窗口果到可以睇到月亮,係紅色既月亮。
呢到……唔係地球?


呢到係……
打機既世界?
我死左之後,黎到RPG GAME既世界?

仲衰。
痴線,如果話係黎左打機既世界,咁我一定係勇者啦!
屌,點解會係蟲。
好似仲要係一擊就秒殺我既垃圾卒仔。

唉……唔係怒,等等黎到咁既世界,會唔會可以好似打機咁睇到自己既status?

【魔王】鬼靈爬行者 LV1
HP:643
MP:642



力量:40  敏捷:73
防禦:29  魔力:52

想笑撚死人咩,又真係有喎
不過,魔王係咩回事?
唔係掛?
我係魔王?
魔王唔係最終BOSS咩?
因乜解救我係魔王呀ON9?
一睇就知我應該係勇者啦屌!
不過,我係一隻蟲。
就算係魔王,我都係一隻蟲。
屌你咩。

咁哥布林既Status又睇唔睇到呢?



【守護者】哥布林-艾札克 戰士 LV63
HP:4423
MP:3259

力量:306  敏捷:602
防禦:416  魔力:526

ON9垃圾GAME。
哥布林都好打過魔王。
數值好似仲要係魔王既十倍。
明明只係隻雜卒。
一入黎就係困難模式,一入GAME就卡關。

我屌你老母呀!邊個設計隻垃圾GAME架?


冷靜D,我覺得做人係唔可以講粗口。
就算係蟲都一樣。
所以,我應該用愛與和平去打贏哥布林。
或者一句今天我就收到佢皮。

當我逃避現實既時候,又有兩個人走左入黎。

【獸人領主】獸人-芬里爾 戰士 LV99

HP:12963
MP:8966

力量:1062  敏捷:864
防禦:1152  魔力:729

【龍人領主】龍人-尼德霍格 法師 LV99

HP:9875
MP:11722

力量:868  敏捷:865
防禦:923  魔力:1319

雖然我唔知邊條ON9設計呢隻GAME,我淨係知我一定會比果兩條友打到ON9
算啦,我真係無野好講
雖然我唔知佢FOMULA係點計,不過果兩友應該可以用普攻一下秒殺我。

垃圾GAME真係垃圾GAME。
佢地唔知講緊乜鳩,之後就捉左我去一間房關住左。
起碼好過監獄啦!
不過我仲知多左一個情報,就係佢地唔係用中文作為語言。
再一次證明呢隻GAME絕對唔USER-FRIENDLY。

間房感覺上好陰森。
好大,目測過千尺,好豪華,應該唔係比一隻垃圾蟲住既地方。
應該係原本魔王住既地方掛。
唔通,佢地恢復番我魔王既身份?
當我係神咁拜?
太天真了,佢地軟禁左我。
道門係鎖住左。
睇個死款又係D乜鬼挾天子以令諸侯啦。
無黎新意。

睇下間房有咩用先?
有副黑盔甲,有張床,跟住乜都無。
你有無見過魔王城係乜柒都無?
我見過,我真係見過。

不過,睇黎都好耐無打掃過。
好多塵,好多蜘蛛。

微型蜘蛛 LV1

HP:12
MP:5

力量:16  敏捷:20
防禦:8  魔力:6

終於見到連我都可以秒殺既野。
突然間覺得我真係超勁。
SORRY啦蜘蛛仔,本魔王依家唔HAPPY,要拎你地黎祭旗。
然後,魔王城入面展開左一場腥風血雨既殺戮。
大量生命離世。
因為魔王唔開心,就要咁多人去死。
呢個就係魔王,殘忍既魔王!
哇哈哈哈哈!

樓上正一ON9仔。

[等級上升至LV2]

咦?
升左呢?
係喎,打緊機喎。
不過呢D咁既蜘蛛仔都有經……
算啦,有得升,點都好過無。

[等級上升至LV3]

殺左幾廿隻先升到1LV,不過算啦。

[由於【魔王】稱號的關係,開放3項特殊技能選擇]
請選擇兩項:
>空間魔法
>情報掌握
>王之威嚴

咦?
魔王特權?
終於黎啦!

唔……揀邊兩樣好呢?
有無多D詳細資料呀?
又或者有無攻略?

睇黎都係無。

睇個勢,情報掌握就最有用啦。
咁呢個就一定要揀。
空間魔法同王之威嚴。
空間魔王應該可以瞬間轉移,好似係。
咁我咪可以離開呢個軟禁既地方囉?
但係王之威嚴會唔會可以令果兩隻LV99既怪物臣服於我?
唔……睇個勢都係無可能。
但係魔王離開魔王城真係無問題咩?
話之佢啦,垃圾GAME是撚柒鳩但啦。

就空間魔法、情報掌握啦。

[哦]

……
佢「哦」我。
我發誓,我一定要打到設計呢隻GAME既人變ON9。
我知你一定係到恥笑緊我!
睇住黎,睇下我會唔會打到你仆街?

情報掌握究竟點用呢?
當我研究緊既時候,我聽到腳步聲。
唔撚係掛……
屌……
唔撚驚,我有空間魔法。
唔理點都好啦,轉移去第二到先啦!
去啦去啦!
去呀!

當我醒番既時候,我發覺自己去左青山。
當然無可能啦,我仲係一隻蟲。
一隻魔王蟲。
森林,好光既森林。
同魔王城差好遠。
已有 0 人追稿