山貓 LV1

HP:316
MP:216

力量:31  敏捷:49
防禦:52  魔力:28

痴鬼線,隻貓無啦啦攻擊我!



不過諗深一層,怪物會攻擊人都係好正常姐。

同微型蜘蛛唔同,隻貓好勁……
佢一野抓過黎,咁我就無左30幾HP
好痛呀……
如果死左會點?
會復活?
定係……真係會死?

佢又再咬我,我又無左50幾HP



唔惦啊……

要攻擊……我用針拮唔拮得死佢?
成功了!
好成功咁扣左佢10滴血!
太神奇啦!
我係咪應該有D咩招式可以用呢?

[1.蜘蛛毒牙 2.蜘蛛鋼絲]



咦?
呢兩招係我既招式?
做乜無啦啦SHOW出黎?
唔理啦!攻啊攻,快搶攻!

山貓好快,不過都係我快D。
佢跳過黎咬我,我一下避開。
上啦!蜘蛛鋼絲!

再一次證明整GAME條友係無常識,我居然係個口到噴絲出黎。
係人都知蜘蛛係腹部噴架啦!
不過唔緊要,蜘蛛絲好成功咁捉住左隻衰貓。

我走過去,用蜘蛛毒牙咬佢。


佢好似中左毒咁。
扣扣下血,咁就死左。
完。

YEAH!
嬴左!
SORRY!天才!打機達人!
太強!
隻貓真係慘,LV1就要同隻魔王打。

講起上黎都好肚餓,唔知貓肉好唔好食呢?
唔……
有無水果之類可以醫肚?
……
唔理啦,食左佢啦……


話知佢啦!
又幾好味喎!

不過頭先點解會SHOW技能出黎呢?
[情報掌握技能]

……
出現了!
謎之解說!
點樣先可以出黎呢?呢個解說?
[問問題。]

好簡潔……
不過或者問下問題,可以了解要呢個世界既情報。
喂,呢個世界邊個創造?


[鬼知。」

好惡……
算,呢D問題都係廢既,都知佢唔會答架啦!
問多條先,我係咪魔王?
[是。]

為什麼我會被軟禁?
[鬼知。]

……
頂你咩!
乜都唔知!

呢到係邊到?


[人類聯盟,新手村森林]

新手村……有病……
真的叫新手村嗎?想個名字真的那麼難嗎?

為什麼我會是蟲?
[鬼知。]
我係咪死左?
[你尚在生。]
空間魔法點用?
[傳送你去指定或隨機的地方。」
蜘蛛毒牙咩黎?
[對單體造成小量物理傷害+賦予猛毒狀態]
蜘蛛鋼絲呢?
[對單體賦予5秒鐘束縛狀態]
點升LV?
[經驗。]
我要做D咩先好?
[鬼知。]
你啊媽係咪女人?
[係。]

講黎都哂GAS。
不過大致上明白自己既狀況。
睇黎就係魔族班領主,見到自己既魔王係條蟲,嬲到軟禁我。
麻撚煩,點解我係魔王?
[因為你有【魔王】稱號。]
點解我有【魔王】稱號?
[因為你是魔王。]
講多無謂,垃圾技能。

總之,我就升高LV,再番去魔王城殺哂佢地班人啦。
首先要捉幾隻蠢喵黎升LV

長毛獅子-斯梓黃 LV10

HP:1569
MP:734

力量:139  敏捷:123
防禦:125  魔力:72

呀!新手村森林有D咁既怪物?
個名求其到……
係BOSS?
頂!點打呀?
[鬼知。]
睇番自己status

【魔王】鬼靈爬行者 LV3

HP:829
MP:831

力量:72  敏捷:90
防禦:63  魔力:79

可以一戰?
[鬼知。]
睇黎有D難。

走啦。
走為上策。

但係,果到好似……
有兩個細路!

【初心者】人類-露仁甲 戰士 LV3

HP:728
MP:625

力量:72  敏捷:64
防禦:81  魔力:40

【初心者】人類-露仁乙 神官 LV3

HP:626
HP:820

力量:53  敏捷:50
防禦:71  魔力:76

睇黎係兄妹……不過真係打得羸隻獅子?
[鬼知。]
露氏兄妹……加油哦,本魔王走先。
好煩,關左情報掌握先。

唔惦……隻BOSS開幾次技就扣左戰士過半血,神官回唔切血……
呀……神官比佢打中左,無左200幾血呀!
再係咁……
新手村都死得人,GOODEST GAME!

唔理啦,點都唔可以唔理!
上啦!魔王大人!
蜘蛛鋼絲!
好,捉住左佢!
上啦!蜘蛛毒牙!

比佢一野打開左。
扣左二百幾血。
好高攻……

頂呀!個戰士係咪痴Q左線,打埋我呀!
見到魔物就打……其實都正常!
喂……無血啦!

突然之間,隻獅子比冰槍殺死左。
咦?
秒殺?
喂!
等等……唔對怒,都係匿埋先。
我諗敏捷:90就係咁樣用。

兄妹無追我,然後一個女人出現左。
幾後生,銀色頭髮,幾靚女。
佢地好似講緊野,講緊咩呢?
情報掌握!
[女人在說戰鬥時要看清楚敵人status,不要挑戰太強的敵人]
廢話。
不過CHECK下女人STATUS先。

【劍聖的繼承者】精靈-白雪 戰士 LV61

HP:6315
MP:6216

力量:406  敏捷:509
防禦:544  魔力:658

好似係大人物,不過實際上好似同魔王城入面既哥布林差唔多。
人類真係有可能贏咩?

唉,屌。
唔理點都好,我一走出去,就會比佢地秒殺。
何況佢見到【魔王】咁大個名刻係到。
[可以選擇關閉稱號]
咦?原來關得。
早講啦。
OK,關左。
不過魔物都係會無啦啦比人打。
魔物好慘。
要好好愛護魔物。
點解呢個世界無「愛護魔物協會」?

不過,好似愈黎愈多人。
發生緊咩事?
[選出勇者的儀式,每年這個時候,如果世界還沒有勇者的話,20歲成年的人都要到新手村這裡選出勇者,可以從拔出石中劍的人,就是勇者。]
好求其。
不過魔王都係咁求其,勇者都唔好得好邊。

不過,所謂既勇者,就係注定要殺死魔王既人。
唔得!
唔可以就咁比佢地殺死!
要先下手為強!
殺左個勇者先!

但係,睇黎呢到既人都好廢,最勁都係果個叫白雪既女仔。
雖然佢都可以秒殺我。
唔通,果個叫白雪既女仔,就係勇者?
四圍D人講緊咩?
[他們在說白雪最有可能成為勇者]
唔係掛……
勇者緊係愈廢愈好啦!
我唔想死呀!

可唔可以係白雪抆劍之前殺左佢?
咁高LV,無可能。
整爛把劍呢?
我諗都無可能。

算啦,試下暗殺佢啦。
到佢抆劍啦。
我用蜘蛛絲將自己吊起樹上,等陣間一野跳落黎用蜘蛛毒殺左佢。
問:猛毒可唔可以殺到佢?
[無可能。]

頂你條仆街依家先講!
太遲啦!
我已經跳左落黎啦!
呀!
LV3,呢個就係我生命終結既LV。

我吐出蜘蛛鋼絲,困住左佢,然後跳落去咬佢。
呀,隻腳撞到把劍。
把劍掉左落地。

[獲得【勇者】稱號。]

呢一刻,我都唔知點好。

依家既我,係一隻蟲,亦都係魔王,亦都係勇者。
已有 0 人追稿