自殺以後，進入了RPG的世界: 7.魚人應該有豐富既蛋白質

黎到呢個世界之後，我發覺自己都開始痴痴地線。
生食貓肉、蛇肉呢D事都做得出，依家諗番都想嘔。
以前既我，平時去CAFE DE唔知乜春到JAR JAR聲鋸扒都要GOOD JOB，
少少生都唔得囉。
點解我會生食架……
唔惦，一諗番起就想嘔。

於是，今日既我，決定自己煮野黎食。
呢味菜叫魚人BBQ。
首先，材料有:





魚人 LV10 

HP:712/712
MP:926/926

力量:65  敏捷:131
防禦:72  魔力:95

好廢既生物。




除左數量多之外，根本就係廢。

所謂既魚人，就係一條藍色既魚，不過有四肢，企係到，拎住支叉，住係沙灘咁。
兩隻手指都整得死既垃圾。

佢地數量好多，所以我要偷偷地綁架一隻煮黎食。
魚人佢地係沙灘上面，而我就匿係森林到。
魚人都好近我下，只要跳過去就捉到既程度。
不過，魚人兩個人組行動，都幾難唔比另一隻發現既情況下去捉佢地。





之不過，捉魚人唔一定要偷偷地咁捉，可以明目張膽咁捉。
好似我依家咁。
一野跳過去。
對一隻用蜘蛛鋼絲。
對另一隻用蜘蛛毒牙+螳螂之鐮連擊。
當然啦，咁係秒唔到魚人既。
而五秒過去左，另一隻魚人就會過黎。
唔緊要，再噴多次蜘蛛鋼絲。
再連擊打另一隻魚人。
如是者，打到果隻魚人死左。
跟住走佬就得。
魚人陸地上行得無咁快，點都係追我唔到既。
捉魚人係咪好簡單呢？

好，跟住第二個步驟就係搵碌木，由條魚人既尾穿到去魚人既頭。




魚人身體被想像中硬，碌木唔係咁易整得穿佢。
咁既話不妨再捅多幾次，直至捅到得為止。
跟住，你手頭上就有一隻比碌木，由PATPAT穿到去個嘴到既魚人啦。

好，之後就係最重要既野。
就係爐啦！
無個爐點燒呀？

……
係喎。
點樣生火？
好問題。
鑽木取火？
憑我兩對鐮刀，點鑽木呀？
用個口含住碌木黎鑽？




……都係咪啦。

好，其實火都唔係咁重要架姐。
生食咪得囉。
我真係個天才。
其實原始人未發現火之前都係生食架啦。

好，我地轉一轉食譜，食魚生。
魚人同魚，差唔多姐。
首先，係條魚人既PATPAT到抆番碌木出黎先。
然後，對住條魚人用螳螂之鐮。
斬開佢一碌二碌。
完成！
保有大自然海鮮風味既魚人刺身完成啦！
係咪好簡單呢！





我食。

屌你老母呀，難撚食到咁架仆街！
屌！
屌屌！
屌屌屌！

慘撚過食屎。

又腥又鹹，肉質同樹皮無分別。
難食到真係想嘔。
噁--

算啦，唉，黎到呢到之後都無啖好食。




唉。
不過，總算黎到巢穴入口。
呢到D怪好低LV，完全想像唔到入面係咁恐怖。
而且，果條龍好似知道一D野咁。

比起果條龍，我發現左D奇怪既野。
船。
應該係果班冒險者既船。
睇黎佢地都差唔多滅團，得番幾個人係到。
包括果個劍聖。

佢地就係沙灘另一邊，魚人領地果到既隔離。
行過去好近，不過會唔會走過黎打我架？
不過，去多D地方點都會對我有令。
空間魔法除左可以轉移去隨機地方之外，仲可以轉移去去過既地方。
比起隨機去唔知邊到既巢穴，我覺得跟住佢地隻船穩陣好多。

於是，我慢慢咁走上隻船，小小心心咁唔比人發現。
隻船好大，應該唔係好大，不過因為得番好少人先覺得佢打姐。
呢首船大概只係比天星小輪大小小。
其實都幾細下。
不過，呢首船應該係送果二十幾個冒險者黎呢到狩獵條龍。
得番幾個人係到，開唔開得郁隻船架？
[船由魔法啟動，只要消耗MP便能移動]

魔法，都好神奇下。
點都好啦。
定左呢到做CHECK POINT先，然後我轉移去其他地方。

目的地就係，魔王城。