鬼靈殺戮者 LV15

HP:2543/2543
MP:2519/2519

力量:247  敏捷:286
防禦:226  魔力:248

[技能:1.蜘蛛鋼絲 2.蜘蛛毒牙 3.螳螂之鐮 4.毒素激發]



係森林打滾左幾日,叫做升到15LV咁。
不過,我既數值都升得幾快下。
得到左一個新既技能,毒素激發。
[毒素激發:解除目標的毒屬性狀態,然後對其做成1000點固定傷害]

1000點,依家用落既話係一招好強既攻擊。
但係用落有兩個缺點,一係首先要用毒牙咬中對手先,呢個已經唔係一件易事。
二,係冷卻時間比較長,有成分幾鐘咁多,而且MP消耗都比較高。
有D微妙。



雖然咁講,但係呢到D怪都咁少血,呢一招幾乎係必殺既一擊。

多得呢招,係呢區生存落去都唔係問題。
最大問題係人類。
班人唔會一齊黎討伐我掛。
有時都會有幾個人類黎攻擊我,但係都比我殺哂。
最怕既係,人類注意到呢到有D勁怪,然後搵勁人黎殺我。

點都好啦,繼續係森林遊盪下啦。
其實我有諗過跟住條路走入城市,但係都係有少少驚。


城市出現魔物,應該兩秒內就比人殺死。

不過,森林到有都零零星星幾間小屋。
怪物好少可會行過去,不過我唔係一般既怪物,試下行過去會點。
當然唔係光明正大行過去啦,而係靜靜雞走埋去。
唔,好似係一間獵人既屋企。
講起上黎,都有唔少既獵人黎過攻擊我,原來呢到你佢地屋企。

木制小屋,好簡樸。
幾間小屋,然後有幾塊田,好似好寫意既生活。
真係好,無憂無慮既生活。

係個窗口到望,見到有個婆婆係到喊。
搞錯呀,咁寫意無壓力既人生仲有咩好喊呀!
頂你咩!身在福中不知福!


佢喊乜呀!
[她在說她的孫子被蟲型怪物襲擊,然後被那條蟲吃了]
咦?
呢區好似無蟲型怪物架喎!
邊個咁衰冒認我!
……
講起上黎,我呢幾日都食左唔少冒險者。
咦,講到好似係我錯咁,明明係佢先郁手打鳩我,唔夠打就話我係壞人?
搞錯,咁過份。
唔通怪物就係比你獵殺而存在架咩,我地都有人權架!

火滾!
不過見到佢喊既樣都有D心酸。
呢個係弱肉強食既世界,佢死左怪得邊個?



哎呀!
又中箭!

我轉頭一望,係個弓手。

人類-約翰 弓手 LV11

HP:1400/1400
MP:1465/1465

力量:135  敏捷:194
防禦:126  魔力:147

理所當然既,我殺左佢。
我好憎呢班人。


所以我就滅左佢條村。
成村人比我殺哂。
無咩特別既感覺,係佢地自作自受。
然後我走到個老婆婆面前。
成村人死淨個老婆婆同佢個孫女。
好細個既孫女,得幾歲到。
不過一陣應該有幾碎得幾碎。

個老婆婆無再喊。
明明佢LV係1,姐係話從來都未升過LV。
但係佢企係個孫女前面。
親情既偉大。
但係,呢份親情擋得住我咩?
一刀斬到佢重傷,專登唔殺死佢。
個老婆婆原先憤怒既眼神變成左悲傷既眼神,抱住我隻腳,大概應該係話咩要殺就殺佢好啦,唔好殺佢個孫。


但係個孫女咩都無講,無喊,無笑,淨係低著頭,唔知想點。
玩夠啦,我一刀殺左個老婆婆。
然後用我既鐮刀抬起細路女個頭。
只要用多少少力,佢就玩完。

究竟係初生之犢呀,定係唔知依家發生咩回事呢?
佢淨係望住我,係無奈既眼神?
無掙扎,咩都無做,淨係望住我。
哼。
絕望既眼神。
好似以前既我咁。
我嘆左一口氣,然後走佬。
我放過左佢。
點解要咁做,我自己都唔知。

講起上黎,我好似做左件麻煩既事。
死啦!班人類會唔會黎報仇架?
呀!麻煩啦!唔好咁啦!
死啦!
點算呀!
太衝動啦!
唉,船到橋頭自然直,話之佢啦。

勇者做呢D野真係仆街黎。
不過,我係魔王。
已有 0 人追稿