自殺以後，進入了RPG的世界: 其實毒……洗鬼你講
最近我實在太得意忘形。
諗住自己數值勁而周圍蝦蝦霸霸。
完全忘記左自己係隻蟲呢個事實。
小徑上面有塊公告版，上面大概係寫住各式各樣既任務。
透過情報掌握知道，有個任係要拎我既首級。
總之係比冒險者既一個為民除害既任務。
我做過D咩？
殺人全家，屠殺左人地成條村。
嗯，好對唔住呀！
我無心架！
我知錯啦！
我好傻好天真！
不過點都好啦，要準備D對策。
如果一次過黎幾個高LV既冒險者，咁就玩完啦。
問題就係，點樣可以求生？
用空間魔法轉移番去個副本到？
好似好傻仔咁。
唔得，去果到根本無意義。
果到除左入口D怪低LV之外，入面全部都係勁高LV既怪物，入面好難升LV。
唯入由陸路走到第二度啦。
於是，我走入森林，去未知既地方探索。
問題係，依家我先得15LV，如果見到高LV怪物應該要點做？
怪物無人權，係唔會有人黎救我，姐係要自食其力生存。
呀，好煩呀。
開口中。
森林黃蜂 LV12
HP:1384/1384
MP:1099/1099
力量:119 敏捷:145
防禦:73 魔力:121
係三隻黃蜂。
打得嬴？
睇番我數值：
鬼靈殺戮者 LV15
HP:2543/2543
MP:2519/2519
力量:247 敏捷:286
防禦:226 魔力:248
單對單無可能輸，但係三打一。
頂，點解我得一個人無隊友架！
最大問題係黃蜂識飛。
現實世界入面蜜蜂好似係蜘蛛天敵。
麻煩啦。
第一隻黃蜂衝過黎！
又係有勇無謀，睇黎呢個世界既生物都係弱智！
食我蜘蛛網啦！
蜘蛛鋼絲！
好成功咁捉左隻，果隻黃蜂就跌左落地。
OH！SHIT！
原來第一隻黃蜂係誘餌，第二隻黃蜂去到我背後用針拮左我一下。
好痛呀，成身都郁唔到？
[麻痺(3秒):高機率使目標無法作出任何動作。]
咦？連開技都唔得？好似係我招蜘蛛鋼絲既強化版，但係時間比較短。
施完麻醉針後，佢地又在用猛毒針黎攻擊我。
好麻煩呀！
算啦，短短三秒，不足為懼~SHIIIIIIIIIIIITTTTTTTTTTTTTTTTTTT！
三秒之後又中左一針。
我有不詳預感！
弊！我比班黃蜂輪姦！
唔係……應該話係佢地三隻互相開技，令到麻痺狀態維持落去。
可惡呀！我完全郁唔到任佢地魚肉。
一黎就見到強敵，咪玩啦！
高機率……係咪真係機率架，我連中左十幾針啦喎。
血愈黎愈少啦！
好在佢地攻擊力唔算高。
冷靜D，一定有方法解圍。
先用情報掌握確認一下佢地既技能。
[麻醉之針:使目標陷入三秒麻醉狀態。技能拖放時間:0秒，冷卻時間10秒]
原來係咁！
好在我數學唔差，都知道十除以三係三點三三三三三……
姐係話，每十秒會有一秒時間我係唔會進入麻醉狀態。
好彩唔係四隻一組，不過點解班怪咁蠢唔四隻一組呢？
要睇準果一秒！
冷靜D！
深呼吸！
黎啦！
好彩蜘蛛鋼絲唔需要施放時間！
上呀！蜘蛛鋼絲！
避開。
呀。
又再中多一輪麻醉針。
唔……要用螳螂之鐮！
螳螂之鐮唔單止係直接既物理攻擊，仲可以撲過去攻擊。
所以，就用呢招啦！
螳螂之鐮！
我一野跳過去，隻黃蜂完全無諗過我會攻擊，比我打亂左節奏。
上啦！蜘蛛毒牙！
可惡！我動作太慢，咁快又三秒，又比隻黃蜂施放麻醉針。
不過，中多針之後我就贏啦。
如我所料，扣哂猛毒攻擊之後，隻殘血黃蜂得番1000血左右。
係機會。
上啦！
但係，殘血黃蜂並無過黎用麻醉針，反而另外兩隻黃蜂過黎纏住我。
識飛又點！講敏捷都係我快過你呀！
去死啦！我一退後，殘血黃蜂都退後左一步。
必殺技！
毒素激發！
扣左好多MP。
我嘴上面噴左團黑霧出黎，打中左殘血黃蜂。
直接扣1000血，死左。
好，得番兩隻。
問題係，我既血都係得番700幾左右。
居然磨左我成差唔多2000血。
真係好煩膠既對手。
陣形比我打亂左，得兩隻既黃蜂不過係烏合之眾！
幾擊就比我打死左。
好渣既對手。
再一次證明團隊合作既重要性。
算，SOLE係型D既。
呀！
前面出現左好多黃蜂，大概係五、六隊黃蜂。
好煩……
點過呀。
可幸既係，黃蜂仲未發現到我。
箭。
一支箭插左落我隻腳隔離。
唔係掛！冒險者已經追到上黎？
死啦死啦！
我諗由公告版果到已經行左成公里架啦喎！
對於廢青黎講，一公里已經等於全馬架啦！
點解你地咁快追到上黎架！
我匿左森林，祈求唔好比人類同黃蜂發現。
點算好，要用空間魔法走人？
唔係，咪住！
班冒險者唔似係黎追我，見到我都WFC咁，果支箭應該都唔係寫落我到。
佢地諗住走過黃蜂區？
唔係，應該係想打入黃蜂區入面。
傻架？
班冒險者有四個人，戰法牧弓，十四至十七LV。
不過，17LV既能力都係比唔上15LV既我。
連我面對一隊黃蜂都咁辛苦，何況係佢地？仲要有咁多隊。
痴鬼線。
再一次證明團隊合作既重要性。
四條友屌打黃蜂小隊。
係喎，班黃蜂除左三打一仲識D咩？
可惡呀！無隊友都比隻使魔我啦！
諗深一層，班冒險者完全任務之後，會唔會順便捉埋我去交差？
唔得！我決定左要成為黃蜂既朋友！