點都好,我一定唔會打得贏。
就算用哂戰術又好點都好,都係無可能贏。
STATUS既差距實在太大。

【看門人】 奈落蜈蚣-蒙古 LV78

HP:10546
MP:18645

力量:1216  敏捷:1543


防禦:1099  魔力:2016

奇美拉蟲 LV26

HP:3819/3819
MP:3820/3820

力量:391  敏捷:425
防禦:347  魔力:391



所以,撤退啦!
無可能……湖上面全部都係水蜘蛛,根本無可能過番去。
比人將死左。
後生仔似終都係後生仔,太急進啦。
依家唔係講笑既時候,根本就無路可走!

塔係一個小島上面,座塔估左個島9成面積。
而個塔其實就係空心,係條蜈蚣既巢穴。
簡單黎講,我就係無路可以走。
太大意啦!


等我仲以為隻最龍就係BOSS,點知原來塔入面仲有隻怪物。

冷靜D,深呼吸。
蜈蚣伸過頭過黎咬我,好快!
勉強避開……

塔既中心,有條向下既樓梯。
第4層!
要突破過去!
我已經無退路,係佢殺死我之前,只要去到果到就得!
仲有一百米!
一百米既話,對我呢個身體黎講,大約係七秒既距離。

七秒,好長!
如果,當中有一秒比佢打中既話,我就會升仙。



我吸左一口氣,然後向前踏出第一步。
好似雨咁灑落黎,應該係毒液,多到好似雨咁跌落黎。
無死角既攻擊,根本無得避。
感動既係,我可以免疫毒攻擊,暫時無事。

然後,佢個死人頭又飛過黎咬我。
避到?
算係避到啦,不過比佢咬斷左幾隻腳。

好痛呀!
痴線!唔得,繼續跑呀!
速度慢左……跑啦!唔理啦!

今次係上面,由上面咬落黎!


呢個角度……避唔到!
唔得!
點算呀!
痴線!
喂!
係!
唔理啦屌!

蠍子毒尾!
食泥,仆左個街,仆!得!靚!
佢個頭插左落地入面。

安全啦屌。
回頭一望,見到隻蠢蜈蚣個頭插入左地下。
力量就夠啦,智力就差D。


不過,後面果個係?
我好似見到有個黑色既人影係對岸。
然後,蜈蚣好粗暴咁扯左個頭出黎。
哇!地震咩!

然後,又伸過頭黎咬我!
避得開?
唔知,避啦!

點知!呢個時候,有隻暴龍飛左過黎,撞開左隻蜈蚣,撞開埋我……
呀!屌你地咩巨人,打還打,咪打到過黎啦!

我都比佢撞到幾遠下。
爬番起手,頭先我比隻暴龍撞到飛起,飛過左條樓梯。
隻巨人無左成半血,然後暴龍又番番去同巨人打。


喂!蜈蚣,你唔去打暴龍,黎打我?
蜈蚣無放棄我,張開血盆大口,然後--
火焰!
呀!
硬食。

好熱……好痛。
不過……我仲未死?
唔理啦,繼續衝啦!
上呀!
上呀!
上!

就咁碌左落樓梯。
安全。
睇番自己STATUS先。

奇美拉蟲 LV26

HP:3819/3819
MP:3820/3820

力量:391  敏捷:425
防禦:347  魔力:391

咦?
完全無扣過血?
咁得意?
頭先開招咩技黎架?
[烈焰吐息:對前方複數敵人造成大量火焰傷害,然後賦予燃燒狀態]
咦?明明我硬食左,但係一滴血都無扣?
咁神奇?
點解既?
[鬼知]
……
頭先果個人影?
果個係邊個黎?
[鬼知]

我倒抽一口涼氣。
基本上,呢個世界入面既所有野,情報掌握都查到出黎。
查唔到既野,就姐係唔係呢個世界既野,就好似係我一樣。
果個究竟係咩人黎?
我諗番起第4層既描述。

[尤克特拉希爾地下城-第4層:古遺跡,由上古時代遺留下來的都市。現在被各種變種的怪物佔領,有一說是宇宙降下來的生物將古文明消滅。據說從來沒有人能進入第4層而又安全回來]

外星人……?
唔係掛……
然後,到達左第4層既我,只係見到個古舊既城市遺跡,同埋三隻一樣既岩石怪物。

【諾姆的僕從】土元素-LV80

HP:17654
MP:10523

力量:2011  敏捷:345
防禦:3071  魔力:1096
 
已有 0 人追稿