土元素,望落個望係凌空飄流既山岩。
無眼睛,無嘴巴,只係單純幾舊石疊埋一齊。
唔係下話,做乜一黎就見到咁既怪物?
仲勁過蜈蚣,而且仲有成三隻咁多。

其中一隻土元素飛左埋黎我到。
想點……?
走番上上一層好唔好?
梗係唔好啦!



奇怪既係,隻土元素無打我。
飛左埋黎果隻最後就飛左上我頭頂。
咦?
搞乜?
唔打我既?

冷靜少少先。
最少佢唔係我既敵人。
好似之前森林狼咁,因為佢唔食我所以唔打我?
算啦,唔好理啦,既然佢唔打我,咁就由佢啦。



首先,探索一下四圍既環境先。
古舊既街道,係中世紀風既建築。
四圍都係淡黃色既沙石。
無咩特別,只係個荒廢左既城市。

但係……
其中一隻土元素仲係我頭頂上面盤旋。
搞乜?



出現了!怪物!

三頭蜥蜴 LV53

HP:5219
MP:5016

力量:513  敏捷:566
防禦:506  魔力:544

但係,比土元素秒殺。

呀!究竟想點呀!隻土元素!
佢護衛緊我?
唔係掛?


好奇怪……
我望住隻土元素,佢仲係我上面飄浮。

一頭霧水。
真係奇怪。
唔……
如果我攻擊佢會點?
痴線,傻左咩你!
都係咪啦,慢一佢發嬲,打鳩我點算?

都係咁,行黎行黎,都係差唔多樣既建築,間唔中會遇到D咩生物,但係都比土元素秒殺。
奇怪既樓層,真係唔明白隻土元素想點?
點解要護衛我?
搞乜呀?
做咩姐你?



唔撚理啦屌。
蜘蛛鋼絲!
然後,走人啦!

好彩佢速度好慢,好快比我拋離左。
不過放棄保鏢真係好咩?
我唔知啦,不過有佢係到我點升LV?
總之,試下將自己LV升上去先啦。

呀,又見番土元素?
唔係掛,咁快追到上黎?
點會咁架?
一定係土地問題!
總之……


我就……

對唔住呀!放過我啦!SORRY囉!頭先無心架!
已有 0 人追稿