講就易,呢隻怪物最少有火龍既級數。
打得佢,我真係得?
我試左用情報掌握去查佢既技能,得黎既答案只有[鬼知]。
情報掌握對佢既野係一無所知。
唔用情報掌握既話,我最多只可以睇到佢既STATUS。
睇到STATUS就明白到,正面黎講,我係打唔贏。

先唔論佢既血同MP你我既十倍,佢既其他STATUS都係我既幾倍以上。
真係難打。
不過,我仲有土元素。


土元素既實力同依家既我差唔多,佢係偏向防禦,我係敏捷同魔力。
即使係咁,呢場戰鬥我都未必有勝算。

佢出手啦。
哇!唔係下話!
佢幾條尾定唔知觸手既物體,末端變成左……機關槍?
喂!呢D破獲世界觀既野真係無問題?
射……射過黎啦!
槍林彈雨應該就係呢種感覺。
我呢刻真係懷疑自己係咪係呢個RPG既世界。


不過,唔使避啦。
因為一定避唔到囉!

土元素一下打落地面,然後升左幾道土牆出黎擋哂子彈。
真係……好彩,唔係土元素我就穿哂窿。

但係,下一秒,果幾隻觸手又再攻擊過來。
今次係銀刀,銀色既匕首。
土元素今次憑空變成十幾塊細尖石,同時飛向觸手到,瓦解佢怪物既攻勢。



土元素搞乜,勁左咁多?

然後,怪物愈黎愈過份。
今次係火箭炮!
喂!咁樣破壞故事既氣氛真係無問題?
土元素再次升起土牆,但係今次既力量太強,連土牆都擋唔住。

我又點會企係到唔幫手呢!
我跳左過去,對住佢用蜘蛛毒牙!
金屬……好痛,毒又無效?搞錯呀!

觸手變番做匕首,同時插向我果到。
嗚。
斷左其中一隻前腳。
無事!



可惡!
我依家無左螳螂之鐮,好難攻擊到佢。
唔係,我仲有暗影長槍。

我拉開距離,然後用暗影長槍攻擊。
觸手變成左盾牌,擋住左我既攻擊。
呢個敵人好麻煩,佢同時用火箭炮轟炸土元素,同時用匕首攻擊我。
同火龍唔同,好明顥佢唔係亂咁出招打人,佢出既招式係有用腦諗過。

十幾條匕首又再插過黎!
蜘蛛結界!
以我為中心,出現左一個巨大既蜘蛛網,係蜘蛛網既上空,所有觸手同停左係到。
咦?
觸手係計一隻生物?


正常黎講,中左束縛之後,係郁唔到。
我頭先放結界既時候,怪物本體位於結界之外,我既結界入面只有觸手。
但係,開左結界之後,觸手的確係停左,但係本體仲係到同土元素打緊。

原來係咁,姐係話我地應該殺哂D觸手先,再同怪物隻抽。
觸手一共有二十條,有十四條變成匕首同我打緊,另外六條就同土元素打。

每條觸手有幾多血?

[拉普拉斯之妖的僕從] 拉普拉斯觸手 LV86

HP:4029/4029
MP:2934/3180

力量:407  敏捷:222


防禦:410  魔力:470

就算知道要殺哂D觸手先,但係D十四條觸手攻過黎,單係避開已經用盡全力,根本無可能反擊。
匕首突然之間變成機關槍,殺我一個措手不及。
蜘蛛結界!
即使束縛緊都可以攻擊,但係只要瞄準唔到,再密集既子彈雨都係廢既!

然後,暗影長槍!
其中一條觸手中左槍,倒地。
唔得,雖然威力夠強,但係冷卻時間太長。
話就話威力強姐,實際上只係扣到千幾血左右,要兩、三下先殺到一隻。
要叫土元素幫手先得。

「土元素!搞惦D觸手先!」
我用力大叫。


真係好感動,終於曉講野。
呀呀呀呀呀!係喎,土元素無智慧架喎!

唔得,咁落去唔得惦,我番番去土元素後面,同佢打一齊打觸手。
我一企埋去,全部觸手變成火箭炮,同時射過黎。
哇……使唔使咁……

土元素雙手一合,大地裂開,包住左我地。
出面受到火藥轟炸,都唔知可以頂到幾耐。
土元素突然之間,變左把槍出黎,係土魔法既槍,應該係我支暗影長槍既換位版。
然後,一下投擲開去,刺穿土牆,毫無防備既怪物就咁硬食左一下。
雖然怪物比人打中左,但係觸手同怪物本身係分開行動,今次,二十條觸手變成匕首,同時插過黎!

邊有咁易!
同時對5條觸手用幻像魔法!
嗚,一下無左7000MP,咁就無左一半。
不過呢下靚,我用魔法令到果兩條觸手誤判左我同土元素既位置。
然後,二十條觸手就打哂蛇餅。
好機會!蜘蛛結界!
二十條觸手全部都陷入束縛狀態!

上呀!
機會黎啦!土元素!
暗影長槍同土制果隻唔知乜柒長槍同時貫穿哂所有觸手,一口氣擊殺哂佢地。

搞惦,咁既話,隻怪物就無哂煩膠觸手啦。
哼,點呀,怪物,你仲有得同我打?
已有 0 人追稿