魔界會議。
似乎有種陰森既感覺。
呢個偽魔王睇黎都郁我,但係因為獸人領主同龍人領主既關係,所以偽魔王乖乖咁坐番起自己個位上面。

「歐西里斯!你做乜咁快撤兵番黎?」
偽魔王對住排骨怒吼。

「咦咦咦?明明係魔王你叫我撤退架喎!」
排骨無辜咁大叫。





「我幾時叫你撤退?」
「咩呀!你明明叫黑騎士傳話叫我撤退?」

係喎!差D唔記得左!
果個黑騎士係白雪,之前我同白雪利用黑騎士既身份令到排骨撤兵。

「黑騎士?」
各領主開始議會紛紛。

「魔王。黑騎士係咩一回事?你唔係話佢之前死左架咩?」




惡魔族領主突然之間開聲,令到全場靜哂。
有股,殺氣?
睇黎,惡魔領主唔係咁簡單。

【惡魔族領主】 惡魔-巴力 戰士 LV99

HP:12186
MP:11845

力量:1348  敏捷:1064




防禦:997  魔力:1149

黑色既皮膚,接近兩米高既身型。
眼睛上面有條疤痕。
殺氣係由佢身上面發放出黎。
比起果個吸血鬼,呢個惡魔更加似係魔王。

「咁係因為……因為……」
偽魔王想要為自己辯護。

「巴力,咁,係因為黑騎士有新既繼任人選姐。相信魔王大人佢,命令左黑騎士去執行祕密任務姐。」
龍人領主代魔王回答。
有少少奸既感覺。

「等等先!魔王你話過你無落過ORDER叫我撤兵?咁黑騎士又係咩一回事?」




排骨搶住發問。
感覺上,排骨係個ON9仔。

「咁姐係話!黑騎士背叛左魔王!」
獸人領主大叫。
應該係個粗人黎。

我望向右邊哥布林領主個位,缺值。

「魔王大人,我,建議依家唔去打人類住,應該要先去查黑騎士既下落先!」
龍人領主突然進諫。
「無錯!」
獸人領主認同。
我記得呢兩條友係無間道黎,係精靈王既卧底。





「但係,呢D小事根本無需要阻礙我地既大計!」
偽魔王堅持己見。

「魔王。我都係認為唔應該出兵。」
惡魔領主講。

呢邊都係鬼打鬼。
搞成咁,邊個最開心?
ME囉。
我梗係開心啦!

「唔得唔得!梗係出兵好啦!」
我突然之間插嘴。

「AGGER呀!有乜理由專登停哂侵略去尋人呀!」




排骨附和我。

三對三。
岩岩好左邊係和平派,右邊係出兵派,而魔王都傾向出兵。

「無錯!你地班人識條鐵咩!」
魔王企左係身,抆把劍出黎。
「有咩意見既,殺無赦!」
魔王大喝!

「魔王大人!」
卧底一號龍人領主擺到明唔比面魔王。
「有乜野緊要得過我地有內鬼呀?」

你咪係內鬼囉!




我笑左。

「收聲!我主意已決!散會!」
魔王嬲爆爆咁衝左出去。

呢個魔王名符其實衝出黎柒。
睇黎魔王個位都係唔好做。
哇!押韻呀!嘻嘻!

跟住,我頭頂上面既天花板無啦啦蒸發左。