是咁的,頭上面既天花板蒸發左。
是但啦,奇怪既事實日日都有發生架啦。
其他人嚇到呆左,我笑而不語,咁就比佢嚇驚點成大事呀。

我地成班人走哂出去,去到一個露天平台上面。
哦,無乜野既,有條龍盤纏住左係座高塔上面。

「報告!有條龍,突然之間飛左過黎攻擊我地!」
有個卒仔走過黎報告。
非常之感謝呢位士兵既分享,不過如果可以早幾分鐘講既話會有用D。



條龍拆緊樓。
佢係咁噴火,拆緊魔王城。

【火之元素使】 烈焰龍帝-沙羅曼達 LV89

HP:171545
MP:221744

力量:9783  敏捷:8246


防禦:7648  魔力:8647

咦?
我醒起啦!
之前果個乜鬼山脈到,有條龍要我去安撫火神。
我好似唔記得左……
火神指緊,就係佢?火龍王?
ERRR....
唔。
好。


走啦。

[戰鬥狀態中不能使用空間魔法]

冷靜少少先。
呢到係魔王城。
話哂都係魔界既權力核心,應該無事既。
就算係火龍王,都未必打得贏我地,好似係。
雖然,個STATUS仲癲過巢穴既風龍王、第9層既地龍王。

咪住。
紅眼?
條龍係紅色眼睛?
又係外神係到搞鬼?
唔係掛?


居然連火龍王都做左佢地既手下。
今次真係大獲啦。

天照,SOS!
無反應。
呢個時候死左去邊呀!
救命……

好,認真D,同佢死過啦!

「烈焰吐息」
條火龍噴火呀!
等等先,之前第7層果隻火龍噴既話可以扣到萬幾血,咁……呢隻噴既話……
應該咩人都會比佢秒殺囉!



邊個設計架!癡線!點打呀!

「火焰飛彈」
龍人領主舉起法杖,然後幾粒火焰飛彈同時射向火龍上面。
火龍隻眼發一發光,所有飛彈半空停左,然後飛番去我地到。
爆炸!
哇!
頂!

「唔得呀!唔可以用所有火系統既技能!佢可以操縱所有既火焰技能!」

根本就唔合邏輯,點樣打呀!

「魔法師團!同時施展魔法攻擊!神官師團幫我地上BUFF、回復!」
偽魔王即刻指揮。



無用架,太勁啦。

「防禦技能開哂落我到!」
獸人領主一馬當先,衝上去,用斧頭斬佢。
扣到血,但係根本就係R痕。

火龍噴火炸獸人領主。
係,係防火技能?一段時間免疫火焰攻擊?
點知,火龍隻巨掌車左過去,將獸人領主打左落街。

哇!
開哂BUFF都扣左8000幾血。
獸人領主由高塔上面,跌左落去地面,呢個高度應該唔死都重傷。



偽魔王衝左上去斬佢,火龍又噴火攻擊,但係只係打中佢既影。

根本就無意義。
呢個水平實在差太遠啦。

排骨走過黎拍我膊頭,然後問:
「做乜停哂手腳?上啦!」

然後衝左過去,同獸人領主一樣,比條龍打左落街。
已有 0 人追稿