「哈哈,做得好,居然連舊日支配者都打得贏。」哥布林講。
「喂!究竟發生左咩事?」排骨問。

「唔好嘈!我依家思考緊人生難題,你地D小事一陣先算。」我講。

「吓……我就死啦,可唔可以救下我……當我無講過。」
我用暗影長槍打落去John隔離粒石仔到。

[可以選擇進化,請選擇一項]
>蜘蛛女王


>奭?鱠僼?輖
>幽靈蜘蛛
>嗜血蜘蛛
>阿剌克涅編織者

老虎蟹都唔揀亂碼。
然後,我突然間醒起一樣野。

點解我要解得咁辛苦呀呀呀呀呀!
我一直以黎做緊咩呀呀呀呀!


我明明有情報掌握,直接查一下進出黎係咩樣咪得囉!!!!

[蜘蛛女王:上下身為人,下半身為蜘蛛的生物,擅長使用魔法與毒的攻擊,通常會有一大群手下保護自己。]
[奭?鱠僼?輖:鬼知]
[幽靈蜘蛛:體型細小,腳幼細而長的生物,速度非常之快,擅長暗殺、毒的生物。]
[嗜血蜘蛛:體型巨大,力量與防禦特化型的生物,據說成年的時候擁有與龍種一戰的體格。]
[阿剌克涅編織者:使用蜘蛛絲編織巢穴的生物,會引誘敵人一步一步跌入自己的巢穴之中,利用猶如鋼絲一樣的蜘蛛絲獵殺敵人。]

都係果句,老虎蟹都唔揀亂碼。
我仲以為有D奇怪D既生物添。


以為佢會整個咩蛛女既相反,女蛛出黎,人形,蜘蛛身但係有人類四肢既詭異生物添。
不過,我諗亂碼都夠哂詭異啦。

「Errr……請問得未?」排骨問。

無視佢。
唔使諗啦。
一定係蜘蛛女王。
如果隻生物本身係無人類既成份既話,根本就無得同人溝通。
姐係焗住要我揀女王姐。
有得揀咩?吓?出咁多選項做乜?不如直鬼接同我進埋佢啦,係到呃字數!

好。
搞惦。



平平無奇既進化已經完成。

[獲得新稱號:女王]
[女王:當自己受傷時,附近LV30以下的生物機率地前來救援]

【女王】 蜘蛛女王 LV85

HP:97513
MP:164862

力量:3597  敏捷:4328
防禦:3457  魔力:5298

[蜘蛛結界:以自身為中心,為一定範圍內的生物賦予束縛(5秒)狀態]
[蜘蛛魔眼:指定一個敵人,賦予其猛毒(10秒)狀態]


[毒素激發:解除目標的毒屬性狀態,然後對其做成1000點固定傷害]
[死亡踐踏:對近距離一個目標造成中型物理傷害]
[暗影長槍:向單體投擲用暗魔法制成的長槍,然後造成大型黑暗傷害]
[蟲洞:於前方制作一個蟲洞,把複數的敵人拉過去,然後造成中型黑暗傷害]
[黑暗飛彈:發射複數的飛彈攻擊敵人,每發飛彈造成小型黑暗傷害]
[幻像魔法:迷惑敵人,使敵人陷入幻像之中]
[魔法反制:目標施展魔法型技能時,將其魔法效果取消,而消耗的MP不會回復,冷卻時間不會減少]
[治療魔法:為一個目標回復HP]
[時間干預:使一個敵人時間暫停3秒]
[型態轉換:轉換型態]

被動技能呢:
[毒素免疫:自身免疫毒狀態]
[黑暗祝福:受到的黑暗傷害減少一半,自身造成的黑暗傷害上升]
[生命吸取:當你造成傷害時,為自己回復等量的HP]


[魔法昇華:提高MP自然回復的速度]
[女王之怒:自身HP30%以下時,附近生物將會前來支援]

「哇!」排骨。

我變成左一隻上半身係灰色皮膚既女人(*有著衫),但係無腳,腳既部份變成左一隻無頭既黑色大蜘蛛。

哇哇哇!好多技能,睇唔哂。唔緊要,到時就識用。
STATUS勁左好多過次元。
係我真係咁勁,定係天照暗中幫我?是但啦,依家唔係理呢D野既時候。
最令人在意既係一樣野,型態轉換。

轉啦!

下半身隻蜘蛛無左。


變成左對腳。
係突然之間無左呀!由於隻腳無蜘蛛身高咁長,我即刻跌左落地!好痛,邊Q個發明架!

我碌番起身。
睇下STATUS。

【女王】 黑暗精靈 法師 LV85

HP:9751
MP:16486

力量:710  敏捷:865
防禦:691  魔力:1360

變左人形。

「WOW。」又係排骨。
已有 0 人追稿