身體有番D感覺,完全係人既身體。
唔知幾耐無感受過作為人既感覺呢?
三個月啦,係轉生以黎最感動既一刻。
終於變成人類⋯⋯
唔係,我既種族名係黑暗精靈。
灰色既皮膚,尖長既耳仔,除此之外,同普通既人類無分別。
黑暗精靈,未聽過既種族。
[黑暗精靈:已經滅亡的種族,為精靈族的亞種,除膚色外與精靈族無異。和精靈族一樣,擁有高度的魔力,擅於使用魔法。]

「等陣先,係時候解釋下發生緊咩事啦,蜘蛛仔!」排骨突然間搭爹。



仔你個頭,我呢個身體明顯係女黎架囉,信唔信我打到你以後無仔生吖拿!

「是咁的⋯⋯」
我用幻像魔法,將自己變左巨人領主。

「吓?」

「牡錯。所謂既新任巨人領主,其實係無呢個人,佢係由我扮出黎。」



「咩⋯⋯咩話?」

「牡錯,實際上我唔係巨人,而係隻魔物;唔係男既,實際上係個女仔。」

「自稱為女人既人一定係網絡人妖!!!!!YOU竟然是個BOY!!!絕望事實是有鳩的妖魔卻扮女郎!!!!」

「⋯⋯」

「⋯⋯」



「大佬呀,你唔好咁癡線啦⋯⋯你唔係以為網上面⋯⋯算啦,你鐘意囉。」

「⋯⋯」

「⋯⋯」

「咦?」

「咦?」

「你聽得明我講咩?」

「⋯⋯」

「你都係⋯⋯轉生過黎既人?相認?哇⋯⋯」



我望一望John,佢趴左係地嘔白泡,比唔到反應。
慘,明明一直係身邊都相認唔到。

「巧滾動⋯⋯四十幾年,終於比我搵到個FD啦⋯⋯睇你個樣咁鬼毒,又鐘意扮女人,你一定係阿John啦!我係阿俊呀,你記唔記得我呀!」

我望向真正既阿John,我地既魔王大人(偽),佢仲嘔緊白泡。
究竟呢條友前世發生過咩事呢?
扮女人?
高高瘦瘦既麻甩佬扮女人?
笑左。

「俊?邊到俊呀!」

「我到到都咁俊:D」



「你鐘意囉。」

「唔好意思⋯⋯打搞哂,我講得野未呢?」
哥布林終於開聲,我差D記得左呢個人。

「轉生者,真係有趣。不過呀,其實我同你地都差唔多,並唔係呢個世界既人。」

「舊日支配者。」我望住佢講。

「係外神。」佢陰陰嘴笑。

外神?
咁快殺到黎?
外神究竟有幾多個?一開始聽地龍王講係三個,做乜愈出愈多。



「不過呢,都係以前既事。我背叛左阿撒托斯,依家係企係呢個星球三大神果邊。你知道三大神架可?」

「天照、奧丁⋯⋯仲有個係⋯⋯」
阿撒托斯係邊鬼個?

「唔識都係正常,係宙斯。不過,佢同無係無分別既。但係,奧丁佢受左重傷,姐係話依家得番天照同外神作戰。」
佢左口氣,然後整左個UNCLE SAM招牌POSE出黎。
「WE WANT YOU!」

「⋯⋯」

「頭先,見到你既表現,就知你係個人才,黎啦,加入我地啦,一齊對抗外神既侵略啦!」

「我拒絕。」



「唔到你拒絕!」
一個人影飛左落黎,拎劍攻擊我!

【火焰之子】 人類-火蜥蝪 戰士 LV99

HP:12421
MP:9457

力量:1164  敏捷:1054
防禦:1064  魔力:971

係之前果個蠑螈個妹,紅衫紅褲,奧丁跟班果個女仔!
已有 0 人追稿