好大……
蜜蜂女王個胸好大……
起碼去到美O隊長既程度……

依家,我地三個人係到HI TEA(?)
唔知做乜,我、蝴蝶女王、蜜蜂女王係到HI TEA。
只不過,我望到蜜蜂女王成身爆哂肌肉,仲有撇鬚係上面果下真係……
唔知講咩好。

好似話,我地三個一齊統治呢一片森林。


三個咁樣既BOSS係埋一齊,呢個森林對於冒險者黎講會唔會太難打?
單係獅鷹獸果一關,冒險者都已經無可能過到囉。

其實,我留係到有必要咩?
身體其實都好得七七八八,已經可以起行去搵海龍王。
不過,火龍妹一直都無黎搵我就算啦。

只不過,我無諗過,之後係呢個森林過左成半年都無人黎搵我……
好清閒。
呢到D怪好低LV,完全升唔到LV。


更加唔好講話要學識時間魔法。

日日係到瞓,瞓醒就食。
好無聊。
但係無野做都係一件好事黎掛。
好似係。

好,今日瞓醒左,有咩好做。
四圍行下先。
大概,呢片森林既所有魔物都臣服於我。


換句話講,呢到係我既巢穴。
係副本?
係掛。
作為BOSS,其實有咩好做?
好似真係無,除左等冒險者黎打我之外,日日都係無所事事。

「今次大獲啦!蜘蛛女王大人!有冒險者打到黎啦!」有隻地精走過黎同我講。

終於有野好做。
唔係既話都幾悶下。

「交比我啦。」
獅鷹獸突然之間係上空飛過,但係比我用蜘蛛結界扯番過落黎。
交比你,我咪無野好玩?
等我親自出馬啦。



冒險者一共有十六個人。
戰法弓牧每樣4個。
4個小隊。
平均60LV。
佢地既目標係狩獵我。

帶隊既係一個戰士。
神官幫佢上左BUFF之後,一馬當先衝左上黎。

好啦,係時候比我見識下冒險者既實力啦。
暗影長槍!
打中左!
無傷?
神官幫佢落左暗影傷害無效既BUFF?


好麻煩。

轉過頭,我中左一個弓手既麻醉箭。
可惡!郁唔到!
然後,兩個戰士衝左上黎,開技能斬我。
黑暗飛彈!
開唔到技能?
[暗影攻擊封鎖]
有人對我開左技能,唔比我用暗影攻擊。
睇黎佢地做哂調查,係有備而黎。
冒險者有得睇攻略,有無搞錯呀!

要優先攻擊神官!
我衝過去神官到。



「點會咁架!佢無視仇恨值?」
「等我黎啦!嘲諷咆哮!」
一個戰士對我開左嘲諷技能,強制我想打佢?
雖然我唔知點解好想打佢,但係我無打到佢,而繼續去打神官。

「呢隻怪物好奇怪!」D人大叫。
咁係因為,我唔係NPC,我知道要點樣打先可以贏到你地。

去到神官到啦。
係個細路女黎。
踩死佢!踩死佢啦!哈哈哈!

兩個戰士擋係我面前。
時間干預。
佢兩個三秒內無得移動。



其他人開哂技能,同時攻擊我。
佢地已經亂哂龍。
比我突如其來既攻擊嚇到打亂左節奏。

蟲洞。
將除左細路女神官之外所有人吸哂去蟲洞到,爆炸,每個扣6、7000血,死哂。
呢個係呢隻GAME最唔合符邏輯既地方,高LV怪物可以一擊秒殺冒險者。
我之前差D比火龍D火焰打中,深明呢個道理。

望住個細路女,搞惦哂其他人。
依家可以用腳踩佢啦。
受左重傷既佢,無喊,無表情咁望住我。
……
係……係之前果個細路女?
我仲係低LV怪物,滅左人地條村果陣,果個細路女?(第10章)
明明呢到係魔界,人類既佢,點解會入到黎?

點解佢可以咁堅強,每次比我殺哂身邊既人,佢都可以咁樣樣?
都可以咁堅強咁望住我?

治療魔法。

「獅鷹獸。帶佢走,帶佢飛番去城市到。」
「但……但係……」
我無再答佢,因為我都唔知自己做緊乜春。
是但啦,有時積下陰德都好,無謂殺生啦係咪?

「玩完未?」
我身後面出現左一把聲音。
我另轉頭睇,係火龍妹。

「行啦,呢個世界,就黎玩完。魔界開始左同人類既戰爭,而外神亦都開始行動。」火龍妹講。
假期終於完啦。
已有 0 人追稿