自殺以後，進入了RPG的世界: 願女神與你同在

利用空間魔法，我帶埋火龍妹黎到德魯伊山脈。
聯盟入面，通去精靈國既山路。

末日？
強烈既異樣感。

【先兆】格赫羅斯 LVVVVVV

HP:01110010101
MP:100111110111111111110010100





力量量量量量量1111:011101  敏捷:111010
防禦111010?10???魔???力闁?

係外神！
外神出現左係我地上面。

呢個世界究竟發生左咩事？
唔係話魔界開始對聯盟展開侵略咩？點解外神會係到！





有眼、凌空懸浮既彗星，格赫羅斯大概就係咁樣樣。
發生緊……咩事？
係外星面前，我地猶如螻蟻一樣，佢只要有咁既諗法，就可以隨時隨地整死我地。

「唔好回頭。」
天照？
突然之間，天照出現左係我地既面前。

「格赫羅斯就交比我去對付，後面果場戰爭就交比你啦。小蛛蛛。」天照講。





「戰爭有咩問題？」我問。

「去到你就明架啦，交比你啦，阻止唔應該出現既野出現啦，魔王、勇者！」

外神隻眼發射光束，然後天照變左塊鏡出黎擋住。

「行啦！」火龍妹講。
……
交比天照應該無問題……應該話，呢個世界得番天照可以同外神對抗。
無錯，行啦！
去睇下發生咩事啦。

去到一個懸崖上面，望到遠處精靈國既城池。

「你去啦！後面舊日支配者果班追兵就交比我啦！我唔知可以支持到幾耐，所以，快手解決！」




火龍妹飛番去後面，同怪物戰鬥。

等陣先！
你地唔通就唔可以同我解釋一下要做咩先架咩？
大佬呀！你比任務我做無問題！但係比埋詳情囉！依家我連要做咩都唔知！

算啦，直接行過去睇下發生咩事好過啦。

懸崔下面，係精靈大軍同埋魔界既聯合軍進行撕殺。
成千上萬既士兵，係下面既大平原下戰鬥。
惡魔領主企係魔界軍隊既後面，望住成場戰鬥。
而精靈王同所羅門王企係城池既上面觀戰。

帶領主魔界軍隊進攻既人係哥布林領主。
前外神……？外神入面既背叛者係到指揮住軍隊向精靈國進攻。




而帶住精靈軍隊既係……
係獸人領主？
咩回事？
係啦！我記得啦！龍人領主同獸人領主同精靈王有密切關係，係叛徒！
但係估唔到，獸人領主會親自上陣，同魔界既人戰鬥。

遠處既一片森林入面，排骨同背叛左既龍人領主單挑。
好明顯，排骨係唔夠抽。
唔好理佢住，我感覺到呢到有好強烈既異樣感。
係外神？岩岩果個外神？
唔係，唔單止係果個外神，精靈國入面都散發出好強既異樣感。

冷靜D諗下係咩一回事先。
呢到係人類聯盟最西既地方，魔界既人無可能由陸路走到過黎，除非佢地可以將路上聯盟所有國家都剷除哂架姐。
但係，感覺上唔係咁既一回事。




呢個精靈國，係魔界既第一個目標。
但係，問題係魔界班人點樣可以唔經過其他國家，直接走到黎呢到攻打聯盟？
而，魔界班人咁執著精靈國係咩原因？

「你……你係援軍？係魔界既援軍？黑暗精靈！」身後面有個人大叫。

我另轉頭，係白雪。
成身血，殺左唔知幾多魔界士兵既白雪。

「你唔係第一個，亦都唔會係最後一個襲入黎比我殺既人。以勇者之名起誓，我將代替女神對你降下天罰！」
白雪咩都無講，拎把劍，衝過黎斬我。

係喎，白雪唔認得我個新LOOK。
勇者之名，你係勇者咩？
代替女神，笑左，你知唔知女神係你後面同外星人打緊。





如果用蜘蛛女王既型態，我可以輕易咁秒殺佢。
但係，我想用黑暗精靈既型態同佢打。
就用呢個樣，用人既型態，黎收拾佢。