變身做狼既獸人領主係到同魔界既人撕殺緊。
點講好呢,佢既STATUS仲勁過我,好似係。
又係D魔物扮做人,混入去魔界入面。
如果話下面既戰場係一個副本既話,咁獸人領主就係BOSS。

唔係,收番果句。
獸人領主最多只係隻小BOSS,比盡係中BOSS。
呢到係戰場,單係一隻咁既狼仔係左右唔到戰局。
就算獸人領主再勁都好,都無可能以一敵萬掛。
精靈國既軍隊已經比哥布林領主打到陷家剷哂。



望去另一邊,森林果邊既戰況先。
睇黎排骨係想偷偷潛入去暗殺精靈王。
但係比龍人領主發現左,而且唔夠打,依家好努力咁逃走緊。

問題黎啦,我落去應該做咩好呢。
作為一個魔王,好應該幫魔界既人打獲精靈國。
但係,我又係一個勇者,梗係要幫精靈國手,抵抗外敵啦。
好麻煩既感覺。
老實講,兩邊都唔想幫。


不過,既然天照開到口(好似係),咁就幫下佢啦。

應該係要幫魔界手。
因為哥布林領主同火龍妹係FD,咁應該都係天照果邊既人啦。

老老豆豆,其實都唔鬼使幫。
獸人領主已經輸哂啦。
MOLA MOLA,比人打到去城門啦。

「哥布林領主,你點解要助紂為虐?」今次開聲既係精靈王。



「吓?」哥布林領主一面無辜咁,唔明精靈王講緊乜。

「你為左咩而戰?為左魔界?為左哥布林?定係為左傳統呀!點解魔界既人一定要攻擊聯盟既人!你唔覺得自己比一D野束縛住架咩?」
精靈王開始佢既9UP。
大概係死到臨頭都要串嘴既人。

「係神!係神!係神束縛住我地!」精靈王繼續9UP。
但係,呢番說話好似起左反效果。
聯盟既國教係女神教,佢地所有人都相信女神,姐係果個死人天照。
但係,呢個精靈王突然之間講D咁既野出黎,影響自己軍隊既軍心。
其實都無話影響,因為一早已經輸到跌地。

「……」
哥布林領主一面無奈,佢知道呢個世界既真相,知道外神既事,所以更加對精靈王無奈。



「無錯!黎啦!哥布林領主!同我地一齊啦,反抗神啦!」
獸人領主大叫。

「我拒絕。」哥布林。
「點解?」獸人。
「因為,你地根本唔知道呢個世界發生緊咩事。」

「係咩,如果我話,我知道既話,你又會點?你應該都知架啦,天照、奧丁、宙斯,呢三個人掌握住一切……」精靈王唔知用左咩魔法飛左起身。

【精靈王】 精靈 弓手 LV99

HP:8464
MP:9425



力量:947  敏捷:1347
防禦:945  魔力:954

佢想點?

「我呀……」當精靈王開始左佢既理論之前,佢個心口比把劍從後貫穿左。
精靈王回頭一望,係惡魔領主。
明明惡魔領主上一秒仲留係軍營入面,但係下一秒已經飛到去精靈王身後插穿左佢。

「精靈王,你知得太多啦。」
開聲既係所羅門王。
聯盟之王。

空間魔法。
係所羅門王用空間魔法傳送惡魔領主去殺死精靈王。



「一個聯係盟之王,另一個係魔界最強既人。呢兩個人居然係私通,為既唔係咩世界和平,而係女神同軍神既走狗……居然寧願做神既走狗,都唔想去搶番呢個世界。」精靈王仲死唔斷氣講野。

「在座各位,唔係,應該係話,各位由魔物扮成既人,都應該知道咩係進化同埋名字啦。」

進化我知……名字係?

「魔物變強有兩種方法。一係進化,透過變左另一種物種,獲得更強既STATUS同技能。而另一種方法係得到名,魔物有名既話,就會變得特別勁。但係,得到左名之後,就會喪失左進化既能力。」

哦哦,簡單D講,姐係魔物有得進化。
而所謂既有名,就係平時打機既時候,見到既BOSS,BOSS唔單止係勁D,而且有自己個名。
呢個世界都係一樣。
BTW,點解咁耐都死唔斷氣,講野仲咁鬼流暢?

「然後,我發現左呢個世界既漏洞。人一出世就有名,係由父母去命名。但係,如果果個人出世既時候並無去命名呢?姐係話,如果一個人無名既話會點?」



「無錯,呢個就係我發現既,世界既漏洞!」

人都可以進化。
新人類咩屌你。

【精靈王】 星靈 弓手 LV99

HP:16452
MP:21621

力量:1844  敏捷:2687
防禦:1687  魔力:1875

進化。
血回到全滿。
然後,一個反智轉身將惡魔領主掟左落地。

「哈哈,呢種就係進化既力量!」
精靈王開始暴走。

「黎啦,將一切都變成祭品!奉獻比我偉大既『神』!」

懶人包:
聯盟:
1.獸人領主>輸左
2.龍人領主>追住排骨黎打
3.精靈王>好似係衰人,知道神既事,唔妥神,為左打贏神而進化
4.所羅門王>好似係好人,不過私通惡魔領主

魔界:
1.排骨>逃跑
2.哥布林領主>贏左,但係無奈
3.惡魔領主>好似係好人,不過私通所羅門王

我>其實都唔係好知佢地搞緊乜
已有 0 人追稿