「獸人領主!你知唔知自己做緊咩野!你背叛左魔界!背叛左獸人!」
哥布林領主大聲指責獸人領主。

「哼!你識D咩!」
獸人領主一馬當先,騎住戰馬,拎住斧頭,衝去哥布林領主到。

「我一直睇住你地,你忘記左以前人類、精靈佢地點樣奴役獸人啦咩?你忘記左佢地?忘記左獸人一直以黎既辛酸?去到依家,終於有得反抗,但係你居然去幫番精靈手!你知唔知醜!望住其他獸人,你有無面去見獸人族?」
哥布林領主指揮獸人既軍隊,擋住獸人領主既攻擊。

唔。


依家唔係去望下面既戰鬥既時候。
白雪拎住把劍,衝過黎斬我。
黑暗飛彈。
全數避開。

白雪雖然係個戰士,但係擁有法師既技能。
論裝備,佢既裝備好過我幾條街。
有D難打。

再黎,黑暗飛彈。


「寒冰屏障」
白雪一舉手,佢面前即刻出現左一道冰牆,擋住我既攻擊。

「凍結射擊」
呀!我比佢打中左。
[凍結(3秒):無法移動、使用技能]
「冰霜之劍」
佢把劍結左好厚既冰,一下斬落我到。
嗚……好痛呀!



黑暗飛彈!
佢又再避開。
佢速度好快!
我係咁比佢打,但係完全扣唔到佢血。
好似唔夠打添。

「凍結射擊」
又比佢打中,又凍結左。
好煩。
好難打。

嗚,無乜血啦。
唉。
人型態真係好難打。
比人屈裝。


算啦,係時候認真啦。
我屈技能。

「冰凍之牢」
地上面出現左一個冰牢,束縛左我。
「寒冰長槍」
大概係類似暗影長槍既技能,一槍打中左我。
痛死人咩……

「去死啦!魔界既走狗!」
佢拎住把大劍,疾跑過黎砍我。
唔夠打添。
就有鬼。

佢黎到我面前,佢把劍仲有十厘米左右就斬中我。


蜘蛛結界。
束縛住佢。

「嗚……郁唔到?」佢講。
我拉左下筋,然後……
死亡踐踏。
雖然話係踐踏,但係可以用黎踢人。
一下踢到佢去十幾米外。
明明係法師,但係用腳踢人。

我再走過去,想要踢佢。
「凍結射擊」
魔法反制。
踩佢呀!哈哈哈!
因為被動技能[生命吸取]既關係,我每扣到人一滴血,就可以回自己一滴血。


係咁踩佢,然後回血果下真係好爽!嘻嘻!

SOR,失態左添。
夠啦。
無必要殺死白雪。
繼續行啦,落去見一見其他人。

白雪唔服氣,想再繼續戰鬥。
時間干預。
然後,再一腳踢左佢走。

「你……係咩人?」佢問。

我將稱號換左做【勇者】,然後換番番去,跟住走人。
懸崔下面果場戰鬥仲繼續緊。


好明顯,精靈果邊處於劣勢。

【獸人領主】 魔狼-芬里爾 LV99

HP:297581
MP:116244

力量:5642  敏捷:4697
防禦:3498  魔力:945

變左身?係型態轉換。
獸人領主變左隻狼。

「你錯啦。一直奴役咁我地既,唔係人類,唔係精靈,係神!你明唔明呀!點解我地一生出黎,就係神明既玩具,點解神一生出黎就係神,可以掌握呢個世界!點解?你識D咩呀!哥布林領主!我地要殺死神,拎番我地自己既世界!」

作為前外神既哥布林領主無回答。

呢個世界真係亂七八糟……D野煩到記唔哂邊個打邊個……
已有 0 人追稿