我係魔王。
統領住魔界既王。
面對住我,眾人有D驚愕。
咁係理所當然既。
係佢地眼中,魔王應該係John先岩。
就算係知情者眼中,魔王應該都只係隻弱小既蟲,但係一年都無既時間,就變成左呢隻怪物。

「魔王大人。」
哥布林領主行左過黎,半跪我。
因為,得佢知道我既存在,所以對於我突然出現,並唔感到吃驚。



「你係……魔王?你唔係巨人領主咩?但係德古拉呢……?」排骨問。
德古拉好似就係阿John。

「排骨!呀!唔係,係歐西里斯!我係魔王。」我講。
習慣左叫佢排骨,一時之間改唔到口。

「龍人領主、獸人領主!你地私通精靈王,該當何罪?」我問。
我將矛頭指向龍人同獸人領主。
其實佢地都唔知外神既事,根本唔需要去追究。


不過,作為叛徒,似終唔係令我幾爽。

「你無諗過神係有問題架咩?魔王大人!你滿足係你之上仲有神既存在咩?」龍人問。

「注意你既言行,龍人領主。依家既你,係無可能打贏我。」
無左外神既支援,姐係無左外掛,佢地應該係打唔贏我,好似係。

「魔王大人。你只係個懦夫,係神既走狗。」
「如果我要殺你,係一件好易既事。」
蜘蛛結界。


我雙手係到玩緊蜘蛛絲,暗示得罪我只會得到精靈王既下場。

「仲有你呀!惡魔領主!」跟住批鬥既係惡魔領主,私通所羅門王既人。

「等陣先!魔王。介唔介意講兩句?」所羅門王講。
聯盟之王。
佢想點?

「係咁既,對於外神,你有咩睇法?」所羅門王問。
「我問番你,對於外神,你知道幾多?」我問。
「老實講,唔多。不過,我深明白到,外神既存在,無疑係對呢片大陸,呢個世界構成威脅。所以,同我聯手啦。」
「聯手?」
「無錯,好似歷任既聯盟之王同魔王一樣,表面上係敵人,實際上暗地裡一齊維護呢個世界。」

係真唔係呀……


係咪老點我架咋?
Errr……
我望住哥布林領主,佢又望番我。
點呀!要點做呀!
好鬼煩。
魔王呢樣野真係唔做好過做。
麻鬼煩。
好知唔用魔王既身份黎幫拖啦。

「我唔答你住。撤退。」我選擇左逃避。

空間魔法。
將我、排骨、獸人領主、龍人領主、惡魔領主、哥布林領主,同埋其他人一齊轉移番去魔王城。
大概,佢地黎既時候,係用左所羅門王既空間魔法。



好懷念,我出世既地方。
我究竟幾耐未番過黎魔王城呢?
半年姐,打完火龍王之後半年。
一番到黎,我第一時間講:
「處死獸人領主、龍人領主。」

全世界都呆左望住我。
「魔王大人。呢個時候就殺人,好似唔係太好。會影響軍心。」惡魔領主講。
「我都認同,如果同時失去兩個領主,無疑對魔界係個打擊。」哥布林領主講。

好鳩煩。
算。
「好。收押佢地,然後,剝奪龍人領主既地位。」
其他人唔係幾明我既意思。



「佢係新任既龍人領主。」
我指住混入人群入面既火龍妹。

「咦?無病呀你?」火龍妹大叫。
無視佢。
龍人領主,果氣咁既黑龍無左龍人領主既稱號。
睇黎,魔王係可以任意決定邊個係領主。

「惡魔領主,我依家賦予個任務比你,就係代理魔王,我離開既時候,就由你打理魔界。」
「等陣先呀!你究竟想點呀!」火龍妹拉住我隻手問。
好煩。
不過你覺得你捉到我咩?
空間魔法。
隨機轉移。
與其做魔王,不如漫無目的咁去流浪,咁先符合我既性格。



不過,最尾天照點呢?
已有 0 人追稿