黑暗一片。
強烈異樣感。
咦?
發生咩事?
我記得頭先係用空間魔法隨機轉移我去第二度,做乜四圍黑媽媽?
呢到究竟係邊鼠?

【萬物歸一者】 猶格‧索托斯

HP:


MP:

力量:  敏捷:
防禦:  魔力:

又係外神。
呀。
搞咩呀!
做乜我無啦啦傳送左去個外神到架!
係咪癡線架!


GAME OVER左啦?
搞錯呀呀呀呀呀!

眼前黑暗一片既空間入面,我感覺唔到上下,腳惦唔到地。
呢到係宇宙?
眼前既外神係幾個發光、癡埋一齊既卵狀物體。
外神……想點?

「魔王。」佢講。
想點?


「勇者。」佢講。
……
「轉生者。」佢講。
想點呀你!
「魔物。」佢講。
搞邊科?
「蟲。」
想點?
「定係叫你梁……」

「等你個等!等陣先!想點呀你!」我大叫。
「加入我地。」佢講。
「……?」
「你係一個人,係一個想點就點,我行我素既人。」
「吓?唔……想點?」


「不過,你活係規則之下,活係常識之下,令到你無法隨心所欲行事。」
「……」
「所以,你前世先會咁樣。」
「……」
「自殺。」
「你究竟想點?」
「黎到呢個世界之後,你都係咁。」
「咩意思?」
「你,點解要幫呢個世界既神手,對抗外神?」
「……」
「對於你黎講,呢個世界都係可有可無架姐,你無幫佢地手既必要。」
「……」
「而且,其實幫唔幫,都對你無所謂啦。我講得有無錯?」
「你想招降就收收皮先。降呢,我就唔會投,賤命就有一條,你鐘意就攞去,唔洗還!」
「無。我只係想同你講,呢個空間唔會受到天照、奧丁,以及宙斯既干涉,你係呢到做咩,佢地都無權限去管。」


「所以?」
「以後,你想黎呢到,就黎呢到啦。」
……
搞乜?

然後,我就比佢強制傳送左去第二度。
唔得,事態唔對路,係咪要去搵海龍王?
唔識路……
咁。
去搵地龍王先。
空間魔法。

第9層。

「 哦 ! 原 來 係 你 , 好 耐 無 見 啦 , 別 來 …… 」



「廢話就免講,海龍王係邊?」

「一 直 向 東 行 , 你 就 會 見 到 海 龍 王 既 領 海 。 無 錯 , 係 魔 界 果 邊 , 一 直 行 ,行 去 最……」

「哦。」

「你 係 咪 見 過 哂 啦 ? 三 大 外 神 ? 」

「外神唔只有三個囉!你昆我!」
聯盟果邊德魯伊山脈發現左一個,同奧丁打完之後唔知點。
精靈國一個。
然後,又有一個可以四圍行黎行去,同天照打完唔知點。
第10層又有一個。
頭先黑媽媽既空間又有一個。


睇黎仲有好多個。
但係呢個世界既神就得3(2)個。
根本就無得打。
四大龍王可唔可以成為戰力?
火癡左線,地要守住第10層果個外神唔郁得。
呢個世界睇怕凶多吉少。

唔好理啦。
去搵左海龍王先。
不過,去搵海龍王之前,搞一搞埋D手尾先。
已有 0 人追稿