我好憎蟲。
無論係呢個世界定係以前既世界,我都係一樣咁憎蟲。
我憎恨果隻殺哂我所有親人既蟲。

我實在太天真。
我仲以為呢個世界係可以1LV都唔升。
實在係大錯特錯。
無論如何,我都要升LV先。

冒險者協會。




黎到呢個咁既地方。
呢到大概係升LV既好地方。

「小妹妹?你黎呢到做咩呀?呢到唔係你黎既地方喎!」門口既男人講。
係佢地眼中,我係一個五歲既女仔。
實際上我既精神年齡應該係23。
果然,因為太細過,唔比我入去?
講咩笑?唔通我就咁就走人?

「我……屋企人比人殺哂。」我低著頭,用好SAD既語氣講。




「吓……吓?咩事?」

我隻手向後一指,然後講:
「我本來係住係後面果一條村到……但係……但係……但係頭先有條蟲走左出黎……食哂……食哂我果條村既人……我好辛苦先走得出黎……但係……但係我婆婆仲係入面,請你救救佢……」
我喊哂口面咁同佢講。
當然啦,婆婆已經死左,而隻蟲已經走左。
我唔係要呢班人同我報仇,而係要搵個門路比我升LV姐。
我要親手殺死果隻蟲。

「你……你講咩話?唔係喊住……等陣先,你入黎先啦,你一定受左好多辛苦啦。你入黎坐番低飲杯茶先,我地一陣派人出去救佢!」




個男人口疾疾咁帶左我入去。

入到去,係一個大廳,中間有張茶几,比幾個梳化圍住。
大廳既盡頭係一張辦公枱,一個阿叔坐係果到。
入面果十幾個男人叫我坐係梳化上面,然後係咁一輪嘴問我野。
而我,就係咁喊。

無錯啦,就係咁樣啦,將佢地全部一五一十收做……
唔係,我唔係要收兵,我係要升LV。

但係,坐係辦公枱既果個男人一直望住我,唔知想點。

【劍聖】人類-烏瑟 戰士 LV99

HP:10116




MP:8254

力量:910  敏捷:763
防禦:1160  魔力:1256

男人身後仲有個後生仔,大約係二十幾歲左右。

「爸爸,既然出門有怪物襲擊村落,就比我去啦。」
果個後生男人講。

【劍聖的繼承者】 人類-白兔 戰士 LV80

HP:8546
MP:8216





力量:834  敏捷:798
防禦:806  魔力:753

個人既名既白兔,奇奇怪怪,改呢個名既人一定好懶。

「妹妹,你係咪叫愛麗斯,帶我過去你條村果到好嗎?」
呢個人扮哂大哥哥咁行過黎同我講。
妹你個頭。
我可能仲大過你囉!
算,忍佢。

白兔同我番到去村落果到,淨係見到一片血海。
條蟲果然走左。

「對唔住呀,妹妹,似終救唔番你屋企人。」白兔講。




 
「不過呀,小妹妹,你究竟想點?」白兔點起支煙講。

咦?

「我睇到架喎,你扮緊喊。」個男人笑住同我講。

「雖然唔知你咩一回事,你屋企人比條蟲襲擊,應該係無錯,但係點解你要扮喊呢?」

「我無扮……」

「唔洗係到自欺欺人啦。你呀,明明就係想喊,仲咩要呃自己去扮喊呢?扮到自己有哂計謀咁,係到呃自己,比自己機會去喊。想喊咪喊出黎囉。」

我……





「喂喂……都係唔好,比人叫到我整喊個細路女還得了,喂喂,當我無講過好唔好?乖啦,番到去先喊啦……」

「我……我仲有地方可以去咩……以前既屋企已經番唔到去,呢個屋企又無埋……我……點解一次又一次要咁對我呀……呀……點解呀,點解呀,點解要一次又一次係我身邊搶走哂我D野呀……呀……點解呀……」

「好啦好啦,唔好喊啦。小妹妹要乖呀。」白兔抱住我講。
「Alice……」
「唔?」
「唔好叫我小妹妹!叫我Alice。」