呢片大陸東方既盡頭。
終於黎到呢片海岸。
海龍王既所在之地。
四大龍王之首,掌管住水既龍王。

只係我估唔到,一踏入呢片海岸既範圍,就遇到咁既對待姐。
冰龍同埋沙龍。
鎮守住呢片海岸入口既,係兩條龍。
單係一隻既實力,已經有地下城第7層既力量。
如果一打一既話,我應該勉強夠打,但係一打二真係無勝算。



冰龍同沙龍一樣,都係生有翼既四腳爬行巨型蜥蝪,不過冰龍成身都係白藍色,好似係冰一樣,而沙龍就係遺跡咁樣既黃色。

「魔王,你黎呢到係為左咩事?」冰龍問。

打架既話係無勝算,我要既係同海龍王對話姐。

「讓開,我要見海龍王。」我講。

「你話見就見?」沙龍怒吼,然後向我噴沙。



好險,無啦啦打人。
真係得人驚。
最壞情況係要同佢地開戰。
當然啦,最壞情況姐,一定要避免同佢地開戰。

「我係奉女神之命而黎,我要見海龍王。」
試下用天照個朵,試下佢會唔會比我入去。

沙龍完全無視我既說話,然後撲上黎,用爪攻擊我。


呃,喂!好險!
蜘蛛結界!
綁住呢隻癲狗,唔好比佢發癲。

沙龍又開口,睇黎又噴沙。
可惡呀!
都話唔係想同你打囉!

最衰我賣左火龍妹係魔界,搞到我要自己一個入去見海龍王。

「咪住,沙龍。比佢入去都係無妨。」冰龍講。

「冰龍,你係咩意思?」沙龍講。

「反正,區區一個魔王都唔會對大海構成威脅,話唔定佢真係有要事去搵海龍王呢。



「我明白啦。」沙龍退後,然後比我入去。

搞到我食哂沙先比我入去,有無搞錯呀。
算啦,有得入去就咪同呢D咁既小人計較。
沙龍同冰龍退開,讓左條路比我行入去海灘。

真係衰格,遲D一定要番黎搵你算帳昤什回粕蚪鄰考弗沖鄧
白鴆斤曼宗3
;早3
者丈涼3

[缺氧]

咳!咳!


嘔哂肚入面D水出黎。
呀……浸親。
好似仲有幾條魚入左個肚到。

原來我唔識游水!
堂堂魔王梗係唔識游水啦!
呃,好灰。
點樣落去見海龍王呀呀呀!!!
玩野呀呀呀!!??
根本就落唔到去!!!

唔係,細心一諗,應該要搵左某D道具先可以比我入去。
例如食左唔知咩草就呼到吸咁樣。
但係依家點樣搵呀!



條沙龍仲係到笑鳩緊我呀!

沙龍突然之間停止左笑,同冰龍一齊跪左係地。
大海對面……天空變哂色,陰雲密佈,暴雨閃電交加。
暴雨之下係一條龍?
有個好似尼斯湖水怪既頭,然後身體完全係海入面。

佢就係海龍王?
好巨型既身體。
因為能見度太低既關係,睇唔清佢係咩樣,只可以係矇矓中睇見佢既身影。

「好耐無見啦,痴線蜘蛛D蜘蛛絲癡住枝樹枝先生,一如既往都係咁無用。定係應該叫你做梁……」

「呀呀呀!!!」我大叫。
佢究竟係邊個呀?



我以前一定見過佢。
已有 0 人追稿