「你究竟係邊個?」我問。

「海龍王。」佢回答。

好簡潔既回答。
事實都的確係咁。
但係,我要既並唔係呢一個回答。

「我再問多你一次,你究竟係邊個?」



「勇者。我係勇者呀,魔王大人。」佢回答。

算點?
呢條龍好麻煩。
佢識得我?
佢以前都問過我,問我係咪都係轉生者。
如果我推測無錯,佢以前係我既同學。
但係,佢係邊個?
完全無頭緒。
本來已經好少同果D同學接觸,依家叫我認人,根本認唔到。



等等?海龍王都係轉生者?
佢黎左呢個世界已經幾耐?
[由世界開始誕生時已經存在]
咩話?
整理一下先。
已經知道既係,轉生黎到既有十個人。
大家出世既時間都唔同,好似排骨出左世30幾年,而我就得半年。
只係我估唔到,居然有同學轉生左咁耐姐。
有幾多年?起碼有上千年,甚至上萬年。



「你係咪我既同學?」我試下問佢。

「你果然已經唔記得左我。」

搞咩呀!
咩唔記得左呀!
大佬呀!以前我同所有同學都完全零接觸,唔記得你都好正常姐!
你邊位呀!

完全無頭緒。

不過,準備一下先。
有咩事既話,要即刻走人。
始終,對面實在強過我太多。


雖然,我認為佢唔會無啦啦攻擊我。

「我比你估下,你估下我係邊個?」

……
點估呀!
咁似果D咩女友問你佢今日究竟有咩唔同……大佬點答呀!
空間魔法。

走唔到?
[戰鬥狀態不能使用空間魔法]
咦咦咦?
唔比我走?
唔比我逃避?
搞咩呀……


點算好呀……
唔緊要。
我CHOK一CHOK個頭,然後答佢:

「唔知呀!吹咩?」

「……」

無反應。
大佬,走得未?
果然一開波就唔應該聽火龍妹班人講,叫我黎搵海龍王。
果然係大伏黎。
好麻煩,走得未?放過啦,師父!

「果然你唔記得左我,不過都正常既。」



正你老鼠,明就好啦!
比我走啦。

「唔緊要,係時候回憶一下啦。」

回咩鬼憶?
想點?
喂喂!
我有不詳既預感。

天空一片灰色。
然後,冰龍同沙龍行開左。

想點呀!


拿拿拿,咪黎呀!
我還拖架!

一片閃光。
似曾相識既感覺。
已有 0 人追稿