眼前呢個女仔落左馬,然後問白兔:

「喂,你地係到做緊乜?」

呢個人係勇者?
勇者就係帶住聯盟既人對抗魔界既魔王?
咁既大人物出現係到?
仲要好似係同白兔係姊弟。

「咪講左啦,我帶緊佢升LV。呀,係啦,愛麗斯,同呢位婆婆打招……好痛呀,邊有家姐無啦啦打個細佬架!」


「SORRY喎,隻手滑左一滑姐。」
「好好好!咁你出現係到,所為何事呀?」

「你地聽住,呢一帶好唔安全。」白雪換番嚴肅既口吻講。
「你係講襲擊人既蟲?」
「唔係,係卧底,有魔界既卧底混左入黎。而且,我收到風,魔界既不死族領主亦都係呢到。」
「咩話?不死族領主?咁大獲?今次麻煩,一定要捉到佢,唔係,最起碼要疏散哂附近既居民先……」

唔?
有卧底入左黎唔係應該要捉佢先係咩?



「點解呢?既然哥哥姐姐咁勁,點解唔去打低佢?」我用細路女既口吻講。

「得啦,唔使扮細路女啦!」白兔講。

「咁係因為佢係不死族領主。」白雪講。

「不死族領主?」

「殺人唔眨眼,見人就殺,冷酷無情,手狠手辣。無論係實力定係手段都係一流既怪物。我同白兔一齊上都未必打得贏佢,我諗就算係我阿爸,姐係劍聖本人,對住佢都無必勝既把握。」白雪講。


「無錯,一定要疏散哂居民先,然後再捉佢出黎。我驚不死族領主會做出D驚人既事出黎,懢殺無辜,我真係想像唔到。所以,一定要比居民撤離左先。」白兔講。

呃。
好似好得人驚。

「我最憎人係我背後講我壞話。我呢,份人就好小氣既。」
森林到出現左一把聲。
咩話?
我第一時間係諗到佢地口中所講既不死族領主。
但係,究竟有幾多個人?
聽聲,附近森林好似有成幾十個人係到。
卧底?
你確定唔係進攻?

「點會咁……佢地目標係咩?」白兔問。


「應該係我,因為我係勇者,所以要先剷除我。」白雪講。

佢地兩個人都拎起劍,等待匿埋左既敵人。
唔係掛。
我得LV4,點樣打……

「你LV比較低,你帶埋呢個細路女走先,我黎攞佢命。」白兔講。
「唔得,正因為係你高LV,所以你先有能力保護到佢。而我,係勇者,係佢既目標,所以你地一齊逃走啦。」白雪講。

點解佢兩個都已經打定輸數咁?
對面真係咁勁?
我再一次感覺到死亡係離我地幾近。
白雪同白兔會死?然後我都會死?

唔知。


但係我唔想再死多一次。
死係無感覺既,但係我絕對唔想死多一次,再DOM低哂我擁有既一切。

【不死族領主】 骷髏-歐西里斯 法師 LV99

HP:7296
MP:11984

力量:726  敏捷:828
防禦:788  魔力:1644

係一個成日都係由骷髏骨組成既人。
好恐怖。
係怪物。
不寒而慄。


完全感覺唔到人既氣息。
佢望住我,我……
我避開左佢視線。

「受死啦!勇者!黑暗飛彈!」
不死族領主舉起手,然後,
「寒冰屏障」
白雪面前即刻出現左道冰牆,擋住左不死族領主既攻擊。

「快D走!」白雪大叫。
「明白,交比你啦,勇者,呀,唔係,家姐!」白兔抱住我走。

會死?
腦袋一片空白。
白雪真係有可能打得贏?


一諗到呢到我就好驚。
好驚,白雪佢會唔會死?
我唔知。
已有 0 人追稿