自殺以後，進入了RPG的世界: #不死族之王 III

血呀……
計埋前世，二十三年兩段人生入面，我都未試過流咁多血。
郁都郁唔到，四肢無力，只可以瞓起地上面。

白兔抱住我大叫。
呀，又死多次。
今次死左之後會去咩世界呢？
科幻世界？定係番番去香港？
如果可以番番去香港就好。
如果我果日無黎呢個世界就好。




或者，呢個世界只係虛構既，只係我既一場夢黎姐。

白兔倒左樽紅色液體入我個口到。
自動止左血。
HP慢慢回復緊。
原來我仲未死。

見到不死族領主望住我地，但係佢無攻擊既意欲。
呢隻怪物究竟諗緊咩？
無人知。





白兔企左係身，然後用劍指住不死領主。
無可能打得贏。
再一次，白兔比不死領主打到跌左落地。

然後，不死領主抆住我既頭髮，成個人比個扯左起身。

「殺左我。你都係想咁姐。」我同不死領主講。
「哦？我都係第一次見到有人咁樣同我講野。」
「係咩。你係我目前為止，見過既咁多個人之中，第二憎果個。」




「我都係，死到臨頭，把嘴仲鬧人既人，我都係第一次見。」

身體好虛弱。
LV差太遠。
根本上，見到佢果一刻開始，就已經注定左我會死。
死姐，一D都唔恐怖。
又唔係未死過。

「永別啦！黑暗飛彈！」
「光球」

我一早已經召喚左個光球，攻擊頭上面既岩石。
排骨掛左避開岩石既同時，放開左我。
係機會！





拉開距離！
「天使之環」
移除白兔既負面效果。

係呀，打唔贏呀！
但係我就算輸都要整獲甘你嘆！

「你唔係以為咁既攻擊對我有效？」
不死領主係山石之中企番出黎。

「不死族領主，你咁樣殺人有意義咩？點解要係咁殺人？」
我亂UP，想拖延時間。

「吓？你講咩呀？我地魔界既人同你地聯盟既人本來就係世仇！我殺你係一件好平常既事黎姐！」





「你有無諗過，比你殺既人有屋企人呀！定係你只係一排骨頭，根本就無感情，無屋企人呀！」

「無感情？邊個話！三十年前，原來已經係三十年前既事啦！哈哈！我曾經有個鐘意既人，但係依家都唔會、無可能見番佢。感情？哼！對我黎講，呢個世界只係一個遊戲，有咩感情可言！」

睇黎呢個不死領主都幾蠢下。
講兩句就拖延到時間。

「冰凍之牢」
係白雪！
白雪騎馬趕到黎之後，用技能束縛住佢。
「烈焰斬擊」
白兔跳左過去，用劍斬中不死領主。

「勇者……」不死領主講。
二打一。




有無勝算？

「就算你地兩個一齊上都……喂呀！」

白兔捉左我上白雪隻馬到，然後同我一齊逃走。

「你既對手係我，不死族領主。」白雪同不死領主講。
「算，由一開始我既目標都係你，勇者！」

「放開我……放我落黎呀！」我對白兔講。
「相信佢！雖然唔好可靠，但係佢都算係一個勇者，佢一定走得甩。」
「一開始就用逃走做大前提？姐係話佢輸硬姐！」
「唔緊要，無事既，愛麗斯，信佢，佢係我家姐，信佢啦。」