「你係邊個?」蝴蝶女王問。
「如你所見,係魔王!」
「魔王點會出現係呢到,仲有魔王唔係一個吸血鬼黎架咩!點會係一個精靈!」
「哼,果個魔王係假架,一睇就知啦,見到我【魔王】既稱號,都唔信我係魔王?」
「但係,點會係個精靈?」
「車!有咩所謂姐!你唔係人,夠係呢個中立地區既BOSS啦。」

眼前既呢個白色斗篷,十幾歲既女仔自稱自己係魔王。
就係果個好恐怖既魔王?
成個世界入面既BOSS?




但係魔王點解會出現係呢到?

「咁請問魔王大人黎到呢到所為何事呀?」
「你話呢?」

魔王係到笑,令人心裡發寒。

「哈,你唔係以為你打得贏我?就算你係魔王,都只不過係一個人,點都無可能打得贏身為上級魔物既我!魔界同聯盟,呢個世界一早已經注定左會滅亡,就算係魔王大人都無可能救到呢個世界!」
「打唔打得贏你?未試過又點知?我對自己既實力好有自信!」
「睇黎呢屆既魔王都只不過係一個有勇無謀既匹夫!接我呢招啦!究極光束!」





蝴蝶女王隻手發光,然後變成左一條巨大既光束炮,射向魔王。

大爆炸呀!
出力好大呀!
比咁既光束打中,真係灰都無呀!

「嗚!呀!」
完全無受傷既魔王跳左起身,一拳打中蝴蝶女王。
咦咦咦?一拳扣左成八萬血?




一拳就已經殘血?
咩技能黎?唔係唔係,完全唔係技能,只係單純既拳頭!
魔王係咩怪物黎架?

「你係咩人?」蝴蝶女王好驚訝咁問。
「Who am I?」魔王行左一行,然後講:

「我只係一個路過既魔王。」

「我唔理你係魔王定係勇者都好,不過就算你係邊個都阻止唔到世界既滅亡!」
蝴蝶女王飛左上天。

「還你既!究極光束!」
魔王學蝴蝶女王,用番同一樣既技能射佢落黎。
擋住左?





【先兆】格赫羅斯 LVVVVVV

HP:01110010101
MP:100111110111111111110010100

力量量量量量量1111:011101  敏捷:111010
防禦111010?10???魔???力闁?

發生咩事?
好詭異既感覺!
突然之間,有隻野出現左係蝴蝶女王面前,擋左魔王既攻擊。
係一粒懸空飄流既殞石,上面仲有隻眼。
最奇怪既係,STATUS係咁樣。
好奇怪。




係咩生物黎?

「佢係女神。」殞石講。

女神?
呢個自稱係魔王既女仔,居然就係女神?
就係聯盟同埋光既守護神?
原來神真係存在?

「果然,你係同外神有關呢,蝴蝶女王。」女神講。

「哼,一切都太遲啦,哈哈!」
蝴蝶女王同埋殞石一齊消失左。

完全搭唔到嘴。




點解我唔明發生緊咩事。

天空上面空降左兩個人落黎。

【管理者】 人類-奧丁 戰士 LV99

HP:10000
MP:10000

力量:1000  敏捷:1000
防禦:1000  魔力:1000

【火焰之子】 人類-火蜥蝪 戰士 LV99

HP:12421




MP:9457

力量:1164  敏捷:1054
防禦:1064  魔力:971

一男一女。
果個叫奧丁既係著住黑色盔甲既男人。
火蜥蝪係果個著住紅衫既女人。

「可惡,遲左!」火蜥蝪好嬲咁講。

搵人解釋下係咩一回事呀……

然後,白兔追埋上黎。
五個人企哂係到,DEAD哂AIR。