呢幾日毫無目的咁係街道上流連。
Miss Chan佢死左。
又比果隻蟲殺左。
一次又一次,將我身邊既人一一殺死。
點解要咁做呢?
我好憎果隻蟲。

但係,我完全做唔到D咩。
以我既能力黎講,就算升到LV99,都係無可能打得贏佢。
好痛苦,但係完全還唔到手。



點解要一次又一次咁放過我?
係到嘲笑緊我?
定係諷刺緊我既無能呀?
點解佢一生出黎就係蟲,而我一生出黎係個人?
出世既時候,就已經唔公平。
無論我點努力都好,都無可能爬到去佢個位上面。

但係,我見到佢。
白雪。



「你係……白兔果個細路女?」白雪問。
勇者突然之間出現係魔界。
白兔已經死左。
我好想講出口,但係聲音卡係喉嚨上面,吐唔到出黎。

「我係用所羅門王既空間魔法轉移過黎既。作為一個勇者,我要殺死魔王。」
魔王?係咩。

「現任魔王係一隻蜘蛛女王。前幾日突然間出現係精靈國同魔界既戰爭入面。我要殺死魔王,作為一個勇者,救番呢片大陸。」


「蜘蛛女王?」
「無錯,係一隻蜘蛛形既生物,不過上半身係黑暗精靈。」

佢就係魔王?
但係……

「放棄啦,無可能打得贏佢。」
「放棄?無呢個選擇。刺殺魔王係拯救聯盟既關鍵,只有魔王一死,我地聯盟先至有救。」
「但係,無可能打得贏佢。對面係魔王呀!亦都係最強既魔物呀!」
「咁又點?你知唔知,【勇者】呢個稱號有特殊能力,古書上面有記載,一係奇蹟,會出現不可思議既奇蹟,二係對擁有【魔王】稱號既人有特殊加成。就算佢幾多都好,只要係魔王,就會比我打低。」

我望住白雪,即刻諗起白兔。
諗起Miss Chan。
白兔比蜘蛛女王殺左,然後白雪都會有同等下場?
我想講個事實比佢知,但係講唔出口。



「相信我。」白雪同我講。

唔係我唔信你,但係……
「幫我照顧其他學生。」白兔既聲音係我腦入面響起。
白雪係佢個家姐,而且,白雪有種似曾相識既感覺。
白雪佢都係同學?

「我都一齊去,刺殺魔王。」

奇蹟係會發生既,我深信如此。

潛入魔王城。
殺死守衛。
然後,黎到魔王面前。



果然,魔王就係佢!
殺死左白兔、殺我全家既蜘蛛女王!

大殿係一個黑色既巨型房間。
上面除左幾條柱之外,就只有魔王既王座。
理所當然既,魔王,就坐左係果到。
依家既魔王唔係蜘蛛女王,係一個黑暗精靈。
不過同蜘蛛女王係一模一樣樣,所以100%肯定佢係殺死Miss Chan既兇手。
令人在意既係,魔王隔離有個人(?),應該係一個人黎,不過成身都用蜘蛛絲包住,完全睇唔到佢個樣。

「刺客就係你地,白雪?」魔王開口。
「……」
「不概係勇者呀,果然係黎殺魔王。」魔王面無表情咁講野。



「我既目的係黎解放呢個世界。」白雪用劍指住魔王。
「吓?你知唔知自己做緊咩!」魔王托住個頭,好似好頭痛咁。
「知,就係黎殺死你!」

魔王嘆左口氣,然後大嗌:
「就決定用你啦!排骨!」

然後魔王隔離果團蜘蛛絲飛左出去,爆開。
「咩咩咩排骨呀!」

不死族領主!
蜘蛛絲爆開之後,出現既係不死族領主!

「依個人交比我!」我同白雪講。
「明白!」白雪無視不死領主,飛左過去魔王果到。



「喂!廢材魔王!你又搞咩料呀!」
紅色衫、之前見過既、奧丁隔離果個女人又再出現,擋住白雪。
係龍人領主?
已有 0 人追稿