是咁的,上回講到:
1.我番左黎香港
2.我番番去半年前既時候
3.遇到前世既我
4.原來終極大BOSS係我自己,姐係話所謂既外神其實係我搞出黎

講係咁講,我都係有D混亂。
一時之間其實有D難接受一直以黎對抗緊既敵人其實係我自己。

所以,我依家應該點做?


應該要諗辦法去生產外神?
點整呀!邊有可能整到外神出黎呀!
算啦,唉。
講起上黎,宙斯應該係呢個世界。
而且仲係我既同學。
所以,依家既我打暈左前世既我,然後用幻像魔法冒充前世既我番學。

好似嚴重1999。
因為我既錯?



留到學,好似都係無咩特別。
今日大家都係齊到。
只係一個平平凡凡既番學日。
久違既黎到學校……無咩特別既感覺。
只係唔係幾鐘意呢個地方姐。

我地班上一共有十個同學。
阿俊=排骨=班上少有既活躍ON9分子,重點唔係佢。
John=偽魔王=少講野、淨係同佢圈子既人講野既毒撚。
Alice=愛麗斯(廢話)=女神(?)


班長=???
肥婆蓮=???
MK妹1號=???
MK妹2號=???
零存在感既好毒果位同學(其實有D似我?)=???

然後,重點唔係佢地。
而係一個叫肥豪既人。
睇落去肥施大隻。
成日打機。
但係,跟據我上一次番黎既時候,佢就係宙斯。
RPG世界既第三個神。
好似話係因為一D原因佢番唔到去RPG世界。
姐係話,未來既我番左去過去用一D方法令到佢番唔到去RPG世界?<--------?



唔知應該點好,但係觀察住佢應該無錯。
佢係神,我真係有能力令到佢番唔到RPG世界咩?

「你叫我出黎有咩事……我仲未打完隻BOSS架。」
LUNCH既時候,我叫左佢出去,單獨走上天台。
點解係天台?
因為我係無間道!
好耐未黎過天台,自殺既地方。
反而,呢個地方有D懷念。

「打BOSS?你仲有心情去打機咩?」我問。
「咩呀又,想借功課抄?」
「Juicy。」
「咩呀?果汁?想飲野?」



咦咦咦?
Zeus點讀?
媽呀,好柒呀!
早知讀書果陣學好D英文啦!

望住佢,但係我忍唔住笑。
媽呀,紅都臉哂呀!
Zeus讀成Juicy,真係好撚柒。
不如一槍打死我.jpg。

「做咩姐你?」佢問。
佢仲未知道我既身份。
算啦,咩都無所謂啦。柒到喊。
唔係!
佢唔知我柒左!


如果人地唔知道我柒,根本就唔算係柒!
柒到盡頭便是型!

「Juicy……Juice……Zeus……」佢好似GET到,然後望住我。

我應該點做?
認我柒左,然後繼續對話?
定係HEA過去算?

「喂!上堂啦!你地係到做緊咩?」
係班長。
班長衝左上黎,叫番我地落去。

肥豪大概以為自己聽錯,然後走番落去。



班長望住我,表情上有D唔係幾鐘意我。
講起上黎,其實班長一直都唔係幾LIKE我。
但係大約係考試既時候,情況有D改善。

算啦。
唔好理啦,下次先算啦。
已有 0 人追稿