放學。
實在太大意啦……
原來宙斯佢係同我行同一條路。
都係搭地鐵。
同上次唔同既係,佢無打機,然後雙一眼一直咁望我。
癡漢?
唔好再望住我啦,我會怕羞架。

冷靜少少先。
佢應該唔會發現到我既真實身份。



依家1月呢個時間點。
正常黎講,佢應該唔知我就係敵人。
正常黎講。
如果神唔知道過去或者未來既事……無時間魔法既話。
唔係,等等先。
話唔定就算係神都未必有時間魔法。
如果天照佢地識時間魔法既話,應該係我一轉生既時候就黎襲擊我。
姐係話,宙斯佢都未必識時間魔法?
咁我咪姐係仲好打過神?



時間魔法可以做到好多既野。
擁有時間魔法既我絕對比佢地有優勢。

我改變目標啦。
唔再試下接觸宙斯。
而係直接殺死佢。
殺神特攻?
真係有可能?
試左先啦。



當然,唔係依家明目張膽咁開佢拖啦。
一黎,地鐵上面咁多人。
二黎,依家佢在明我在暗,無理由咁快就曝露自己既身份。
要好好咁利用自己隱藏住既優勢,一步一步咁將比自己勁既敵人拖入自己設計好既陷阱入面。
呢個就係我,就係蜘蛛既天性!

「你……今朝講既野係咩意思?」
呀!嚇左我一跳,宙斯無啦啦同我講野。
睇黎佢都係忍唔住,想問番我。
冷靜D先,睇下可以點樣HEA過去。

HEA唔到呀……
Juicy、Zeus,想笑撚死人咩屌!




唔係喎。
唔一定要HEA過去架喎。
要好好咁活用手頭上既技能。

果然不出我所料,宙斯呆左係到。
然後我笑左,落車。

時間魔法!
番番去五分鐘之前,宙斯開始同我講野既時候。
然後,用蜘蛛女王既型態襲擊佢。
因為人多,而我又唔想顯眼既關係,我用左時間暫定,將除左我同宙斯之外所有人既時間凍結。

「時間停左?你係咩人……蜘蛛女王?」宙斯一眼就認出我既種族。
但係呢一刻佢唔知道我就係外神之首。


亦都唔知道轉生者既事。
我知道既情報多過佢好多。
然後,試下同佢過兩招,睇下點先。

地鐵入面好窄。

等等先。
呢一場係番黎香港既第一場戰鬥,咁快就要打神?
而且,呢個係無STATUS既世界。
咁既話……姐係用番呢個世界既物理法則同佢打?

蜘蛛結界!
地上面出現左蜘蛛絲。
呃……唔係好似以前咁自動包住宙斯。



宙斯舉起手,然後問我:
「你係106152世界既人?閃電射擊」

哇!
係!佢射左束電流過黎。
乜RPG世界有電屬性既攻擊架咩?

「閃電球」
然後,出現左一個巨型既電球出黎攻擊我。
哇……
硬食呀!
好痺。
好痛。

「閃電衝擊」


宙斯用迅雷不及掩耳盜鈴既速度衝左過黎,一拳打落我心口到。

慘敗……
呀……
空間……魔法……
走人先……

完全唔夠做……
引以為傲既蜘蛛結界居然發揮唔到作用。

但係,呢場初戰可以睇到幾樣野。
戰鬥既時候可以用空間魔法。
呢個世界係無負面狀態,姐係話無左[束縛]呢D既效果,蜘蛛絲最多可以痴住人。
然後,電屬性既攻擊係會令人觸電。
最重要既一點係,宙斯都係用技能同我打。
唔可以直接用權限令到我自爆。
姐係話,我係有勝算。
已有 0 人追稿