蜘蛛魔眼。
首先令佢中毒,劣化佢既身體能力。
然後,戰鬥就正式開始。

唔係空曠既地方。
而係班房。
係室內既地方。
戰鬥場地已經封殺左佢招「落雷」。
無得用大技既佢,唔會係我既對手。



「閃電射擊」
理所當然地避開。
即使係狹窄既班房,我都可以盡我最大既特點,利到速度去取得優勢。
反觀宙斯,只係一個肥仔,佢只可以成為一個炮台。
炮台係無意義既,因為佢既攻擊係無可能打得中我。

如果佢郁既話,就會中既陷阱。
蜘蛛絲。
我一早已經係宙斯既周圍佈滿左極幼、用肉眼睇唔到既蜘蛛絲。
只要佢一郁,只會比蜘蛛絲纏住,到時就可以用暗影長槍刺殺佢。


當然啦,我吸收左上次既經驗,我移動既範圍係唔會有蜘蛛絲。
姐係話,無論如何,佢都無可能令到我觸電。

對於佢黎講,佢依家既狀態係唔可以停止攻擊,亦都唔可以郁。
只要佢停止攻擊,我就可以專注係瞄準上面,然後暗影長槍就會貫穿佢既身體。

Checkmate。
已經將軍啦。
無棋啦,宙斯。



佢失敗既最大原因就係,佢在明我在暗。
佢因為有肥豪既身份,要番學,所以會比我知道佢既行動,亦都唔可以係班房上面設定陷阱。
而我,因為可以幻像魔法,可以係其他人察覺唔到我既環境下佈滿陷阱,在暗既我亦都可以選擇幾時發動攻擊,就算輸左都可以利用時間魔法同空間魔法逃走。
打從一開始,佢就已經無勝算。

所以……
嗚呀。
後面有人?

有隻鷹係後面衝左過黎咬我。

「好險呀,好彩一早已經準備好姐。雖然只係用左好少時間制造,但係性能都唔差架。」
宙斯講。

唔差?


黑暗飛彈。
中左黑暗飛彈之後,隻鷹爆開左。

但係,短短既時間足以利我分左心,令宙斯有機可乘。

「電磁脈衝」
電磁波?
宙斯既身邊出現左個力場,力場慢慢曠散,彈開哂蜘蛛絲。

然後,窗外面同時有兩隻鷹飛左埋黎。
纏住我。
想點?
鷹既力量比想像中大,居然將我壓左去黑板到。

「陽電子炮」


宙斯隻手出現左龜O氣功,帶電既光束衝左埋黎。
避唔到!

就有鬼。
空間魔法。
去到宙斯身後。

太大意啦宙斯。
稍微取得優勢就得意忘形。
呢招陽電子炮威力好強,但係一睇就知呢強既招式有個副作用。
就係用緊呢招既時候自己係郁唔到。

所以。
永別啦,宙斯。



死亡踐踏。
一腳踢去佢個頭到。

「閃電護身」
睇黎郁唔到都可以用到技能。
電擊令到我既踢擊威力減弱。
唔緊要。
呢幾日我已經觸慣電。
所以,咁少既事係唔會影響到我。
用隻手放係佢個頭到。

今次真係將死。

「你究竟係咩人?」
「係你地既世界,魔王會帶軍攻擊人類,魔王既存在就係人類既惡夢。套用番呢個名,我,就只係一個魔神姐。」



「暗影長槍」
已有 0 人追稿