「在下對你既事好有興趣,使者大人。」愛迪生帶住我行入宮殿入面。
「……」唔知比咩反應佢好。

呢個愛迪生係當代既大賢者。
大賢者呢個稱號令我諗番起D唔愉快經歷。
即刻令我諗起天照。
呢個愛迪生唔會係天照掛。
不過我諗女神應該唔會咁無聊,走落黎呢到當官。

「自我介紹番,在下係大賢者,名叫愛迪生。係我地既國家,大賢者就係專門研究魔法既人。其實都唔係D咩犀利既人物姐。」




「哦。」
「當然啦,大賢者通常好奇心都好旺盛。我地研究既當然唔單止係魔法,呢個世界既運作都係我地既研究範圍之內。我地得出既結論就係,呢個大陸係得一個國家。因此,在下對於你,由外地而黎既旅行者感到興趣。」

單憑研究就知道無第二個國家?

「我係由遠洋而黎既。係大陸之外,海洋之外,仲有另一片大陸。我係靠魔法轉移過黎。」
「魔法轉移?睇黎你地國家都擁有好先進既魔法技術。」
「係。空間魔法。」
「空間魔法?估唔到喎,睇你個樣年紀輕輕就已經掌握到特殊技能。」愛迪生停左係到兩秒,然後當無事繼續行。
SOR鳩RY,我出世一個鐘內已經掌握到兩招特殊技能。





「你係咪想見我地既王?」
「係。」
「比你見都唔係問題,但係呀,在下都係想知道你既目的係咩。」
「目的?」
「係呀,似終,魔物扮成人走入黎呢到,無論點諗都係有所目的。」

然後,成班士兵圍住左我。
魔物?





「你既種族應該係蜘蛛女王,蜘蛛女王可以轉換成黑暗精靈既形態。頭先見到你擁有打低將軍既實力,同埋用到蜘蛛系怪物既技能,在下就已經開始懷疑。然後,你自稱自己係由遠洋而黎,唔好意思,呢個世界淨係得一片大陸。在下有無講錯,蜘蛛女王大人。」

「識穿左添。無錯,我係蜘蛛女王。但係,你以為得咁多兵力就可以打低我?」

「當然無可能啦,好似你呢種神話級既怪物,就算單人匹馬闖入黎王宮,耗盡全部兵力都未必打得贏你。都係果句啦,在下對你既事好有興趣,就算你唔係外國人,你係魔物呢點更加令人在意。高智能既魔物已經好少見,好似你呢種咁既神話級高智能魔物,睇怕呢個世界加埋都無一百隻。派兵圍住你,係為左保安理由姐,唔使介意。」

「好難令人唔介意喎。」
「你既目的係咩?」

「我只係想求一官半職姐,大賢者。」

「魔物都要當官?」

「魔物都想學下做人。」





「有趣,有趣。」

我既9UPPER技巧睇黎已經突破天際。

「幾好玩呀。好呀,在下答應你帶你去見王同埋幫你保密,相對既既係,你要幫在下手研究。」

「哦。」

佢大概認為我係無惡意,應該係諗住如果有惡意就直接剷平呢個王宮。
可惜,我既目標唔係呢個國家,而係世界。

士兵退開哂。
然後,愛迪生帶我黎到王宮。

「哦?愛迪生,果個咁鬼瘦既女人係邊個黎?」王問。




「為你介紹,佢係由遠地而黎既旅行者,將會留係王宮陪同在下研究。」

係一個精靈族,係女王。

【聯盟之王】 精靈-克麗奧佩脫拉七世 法師 LV5

HP:762
MP:796

力量:74  敏捷:94
防禦:68  魔力:80

前MK妹,雖然今世都係。
無錯,根據資料顯示,佢係原本十個同學之一。
係MK妹一號。





「喂!你啞架?搵個咁既人番黎做研究?想笑死人咩愛迪生?搵番黎做咩?做燈膽咩?哈哈。」
「燈膽?」愛迪生聽唔明。

無見一排,MK妹一號都係咁黑人憎。

「王呀,咁樣對客人講野,未免太失禮啦。」
一個好老既精靈族。

【宰相】 精靈 弓手 LV99

HP:8464
MP:9425

力量:947  敏捷:1347




防禦:945  魔力:954

「無錯。我都認為有點失禮。」
今次講野既係一個男人。

【大將軍】 人類-蘭斯洛特 戰士 LV99

HP:9876
MP:9946

力量:1124  敏捷:1387
防禦:1345  魔力:816 

「收皮啦,你班死老野又恰我。」MK妹講。

「岩呀!邊個恰女王BB,邊個就係鬼。」
今次講野既係教皇。
不禁倒抽一口涼氣。
真係唔知比咩反應好。

呢個國家係信奉住女神。
理所當然地,教皇係成個宗教最大粒果個。
係呀,應該係果D成日扮哂聽到神喻,然後對世人洗腦既人。
印象中會係D咁既人……
不過,真係點都諗唔到……

【教皇】 精靈-天照 神官 LV99

HP:8432
MP:13964

力量:768  敏捷:975
防禦:753  魔力:1521

教皇就係女神本人究竟係咩玩法?