天照究竟又想點呀呀呀!!!
冷靜少少先。
呢個時間點,佢仲未見過我。
姐係話,佢唔知我係敵人、係神。
無錯,佢唔知我都係神,所以依家既佢係對我無害既。

係囉。
無事既。
對於佢黎講,我只係個不知外歷既人?
咁樣都已經夠可疑啦。


呢個世界,實際上係有個DATABASE,入面有哂所有人、所有生物既資料,當然啦DATABASE入面係完全唔會記載有關神既野。
然後,只係得神有權限去查閱呢個DATABASE。
天照發現DATABASE查唔到我既話,一定會覺得可疑。
不過呢,神係有權限去修改呢個世界任何既野。
DATABASE都唔例外,所以我發動左權限,去偽造我既相關資料。

「你好呀,我係教皇,幸會呀!」天照對住我握手微笑。

「……」真係唔知點比反應佢,覺得有少少懢尬。



係佢眼中,我只係隻偷偷地潛入黎王宮唔知做乜春既蜘蛛女王。

「女王陛下!講番正經野先,三十分鐘前接報有一個人單人匹馬係郊外地區闖入黎我地國境,無人擋到佢,以佢既速度計算,仲有十分鐘左右就會衝到入黎王宮!」
大將軍開口講。

「咦咦?你班食屎仔搞緊乜呀!咁大個國家連一個人都擋唔到?話攻入黎就攻入黎?大佬呀!人地黎呢到搞咩呀!唔係黎呢到刺死我呀?」
MK妹大叫。

「陞下,請放心,頭先我已經路上設置左重兵埋伏,全數精兵,定能保護到陞下安全。何況王宮滿佈武林高手,區區一個不速之客,相信未目睹陞下既尊容,就已經人頭落地……」



大爆炸!

似曾相識既感覺。

上次我去魔王城既時候,開開下會就比火龍王飛左過黎拆魔王城。
今次睇黎都唔例外。

宮殿門口爆開左。
士兵倒地不起。

果個人係……

黑騎士。
發動管理員權限!查下黑騎士係咩來頭。
唔得,我無權限?


點會咁架?我明明係神……

天照都O哂嘴望住黑騎士,無反應。

「終於黎到啦……」黑騎士開口講。

「你係咩人?黎王宮所謂何事?」
大將軍抆劍指住佢。

「哦,睇黎你就係當代既劍聖。」黑騎士講。

然後,大將軍同黑騎士格劍。

「人黎呀!食屎仔!護駕呀!點會比呢隻粉腸入到黎架!」MK妹繼續鳩叫。



「流水斬擊」大將軍把劍好似痴住D水咁,斬向黑騎士到。
奇怪既係,黑騎士望落完全無受傷,甚至完全唔驚、避都唔避大將軍既攻擊。

「暴風射擊」
「魔法飛彈」

宰相同大賢者同時攻擊,奇怪既係,今次黑騎士居然避開。
明明大將軍既攻擊威力更加強,但係點解黑騎士完全唔避開大將軍既攻擊呢?

然後,黑騎士一個人力壓眾人。
明明大賢者、大將軍、宰相都係LV99,大概係呢個世界上最強既幾個人之一。
但係三個人圍毆,都唔夠黑騎士一個人打。

我諗番起白雪。
無錯,之前係天照手上救我既黑騎士係同白雪一模一樣樣,而且佢仲自稱自己係白雪。


但係,白雪連排骨都唔夠打,又點會打得贏呢班人?

而且,最神奇既地方係。
根據資料顯示,黑騎士、魔王、勇者,呢D角色係唔存在。
姐係話,呢個世界既時間點,係無黑騎士。
咁,呢個黑騎士係咩人?
佢都識時間魔法?!

「喂!你究竟係咩人?」
天照企左出黎問。
女神終於要出手?

「女神……」黑騎士細聲講。
「咩話?你點知……你究竟係咩人!光束球LV100」
天照舉起手,然後身後面出現左一百個光球。


一百個呀!開權限都唔使咁啦,人地ALICE好似先開得3個。

「係咩,果然我太衝動。不過終於都黎啦,等左咁耐終於都黎啦。我係黎幫你既,有咩事就搵我啦。」

「係咩意思?」

黑騎士逃走左。
以極高既速度衝走左。

頭先佢果句話係同邊個講?
總之,事態又繼續大亂。
已有 0 人追稿