散會之後,我跟住大賢者行動。
黑騎士究竟係咩人呢?
佢係黎幫我既?
唔明既狀況實在係太多,首先搞惦左依家D野先。

大賢者帶左我去一個地下室。
係一個巨型、分三層既圖書館。
似曾相識既感覺,好似黎過。
入面淨係得一個女人。



【大魔法師】 黑暗精靈-燈泡 法師 LV99

HP:8645
MP:12133

力量:765  敏捷:864
防禦:845  魔力:12888

「佢係在下既賤內。」大賢者講。
講咩呀,似係要我黎做愛迪生同燈泡中間既電燈膽?


妖,我都唔知自己講緊乜。
呢個人叫燈泡唔係為左要搞個咁撚ON9既GAG下話?

「呢位係蜘蛛女王,我幫佢隱瞞身份,黎到王宮幫我地進行研究。」大賢者。

呃……
研你老豆。

「你好,我係燈泡,睇唔出喎,原來蜘蛛女王真係可以變成黑暗精靈?」燈泡走過黎問。
「係呀……」



肥婆蓮。
無錯,呢個叫燈泡既人係十位轉生者之一。
之前既肥婆估唔到今世變成眼鏡妹,高高瘦瘦咁,真係睇佢唔出。
睇黎唔使用美極都同佢溝通到。

「你可唔可以講下森林之外究竟有D咩?如你所見,我地既國家係大陸既西面,然後比森林包圍住。我地淨係知道,東面有座巨型既火山,然後南面有個山地,據聞兩個地方都各有條龍係果到守住。然後,我地想知道火山同山地之外究竟有D咩?」
前肥婆蓮問。

「令你失望啦,火山同山地之外都只係普普通通既地方,無咩特別,都係得D魔物係到。」

「會唔會有D神話級魔物?好似你呢D咁。」

「嗯……都幾多架。」
不過依家既我已經唔係魔物,而係神。


不過,我無時間同佢地玩。

「我想休一休息先,唔知你地會唔會有個地方比我落腳呢?」我問。

「有,請。」大賢者帶左我出去,去一個房間到比我住落黎。
好,得番自己一個人。
果個圖書館好多書,不過咁多書都係無用。
情報掌握一個技能勝過你地呢D文獻。
何況神既權限係可以係DATABASE到無條件拎取資料……
其實某程度上,神既權限係包括埋果個世界既情報掌握。

唔好理啦。
試下整外神先。
自從殺死左宙斯之後,我多左個技能叫[眷屬製造]
試係整唔整到外神。



好難拿捏。
呢個技能睇黎係可以整到一隻生物出黎。
但係真係好難用。

整左PAT漿出黎,用盡全力都未整到個正常形狀。
呀,好難呀。
叫咩名好?
求鳩其啦。

阿布霍斯 LV1

HP:864
MP:567



力量:64  敏捷:64
防禦:34  魔力:12125

好難整。
最尾整左隻液狀生物出黎。
好核突。
DOM出街算。

算鳩數啦。
不如出去見下黑騎士先啦。

黑騎士,究竟係咩人?
已有 0 人追稿