【苦】《英雄聯盟》 - 一件次世代既愛情工具: 《原來你是我最想留住的幸運》
『唔？係啊～～』依雯禮貌地微笑了一下，便佯喜道：『乜家豪都有提起我咩？個死野一定係講我壞話啦！』
『嘻嘻…點會喎～』阿晴撥了撥耳邊的長髮，嫵媚道：『阿哥佢……著緊你就真。』
『咩意思？』直腸直肚的依雯不解的問道。
『嘻～唔好提啲男人啦～！』阿晴滿心歡喜地走到依雯身邊，繞著她的手道：『快啲黎啦～阿哥等左你好耐架喇～』
『嗯…？』依雯被熱情的對方弄得不知所措。
「喂……」我呆企係她們身後，言不盡意的叫著：「喂…阿晴……」
『唔？』阿晴不解的回望著我：『做咩啊你～？你唔係都係一齊去咩？仲唔行？』
「等…等等……」
望住佢地兩個好似糖痴豆咁，忽然之間，我內心深處竟然有一股莫名的不安。
一直以黎我係依雯既心目中，雖然講唔上係一個好男仔，但起碼…我都係專一果隻黎。
而阿晴…係而家唯一一個知道我以前「黑歷史」既人黎…萬一…阿晴將我既事講左出去…
唔好話依雯，甚至係依雯身邊既人到底會點睇我！？
我好難得…好辛苦先識到呢一班新朋友…如果…我以前既事比大家知道左…
恐怕，我都幾難再係呢個圈子入面立足。
「阿晴…！」我吞吞吐吐地對著二人說：「不如…不如你陪我去買包煙？」
『下…』阿晴嘴扁扁道：『做咩要人地陪你喎…你自己去買咪得囉…？』
『係囉…。』依雯從尷尬中回復過來：『你估你係女仔咩！咁婆媽，洗唔洗去廁所都陪埋你～？』
面對著兩個女人的夾攻，我實在毫無還擊之力。
「唉…」我只能接受現實：「當我無講過…」
『妖！仲講咁多～！』依雯像姊姊一樣繞著阿晴提步：『快啲行喇，就遲到～！』
我只能懷著不安既心情，跟著二人的腳步，向住「死刑台」進發。
雖然我暫時唔可以拉阿晴過黎同佢講，但係…我一定要搵到辦法…叫佢保守秘密。
不過…無啦啦又未必會提起我既事架姐？會唔會係我杞人憂天左？
定係呢一種感覺…叫作賊心虛……。
『哈佬！大家好～』依雯進入酒吧後，看見一眾等待自己的人便親切地問候。
『蚊姐～～等左你好耐啦！』一名眼鏡男率先開口：『晴晴～你頭先仲爭我杯酒喎。』
『咦呀…』阿晴皺著黛眉，裝傻道：『頭先…邊有姐…你記錯啦～』
『喂喂～咁你即係養金魚姐？』眼鏡男露出色迷迷的表情進迫著。
『妖～！』此時依雯立時上前：『等我黎～！』
『嘩嘩…』眼鏡男即時縮沙，緊張道：『蚊姐…幫人頂酒～要飲Double架喎。』
『唓～驚你啊～？』依雯作勢拉拉手袖展露大家姐的本色，豪氣道：『今晚我就隊死你！』
『嘻嘻～』阿晴躲在依雯身後，嘰笑道：『四眼仔～你敢蝦我～你小心我阿哥同蚊姐唔放過你呀～』
『啊…當…當我唔岩喇蚊姐，』眼鏡男的神色漸漸慌張起來，拎起一大杯酒道：『我自隊…！』
『哼，知驚喇咩。』依雯擦擦鼻子，又勝一仗。
「依雯……」我戰戰兢兢地走到她身旁：「佢地…係咩人黎架…？未見過既？」
的確，我同依雯去左呢間酒吧都差不多有足足一個月，每日所見既人…基本上我都認識哂。
但今晚…卻有少少唔同，現場除左一貫係度既駐場歌手，和依雯隊band外，更多左幾群我從來都未見過既人。
而且…佢地滿佈整間酒吧，更是聯群結隊地把酒談歡，彷彿已是多年的深交好友一樣。
但奇怪既係…佢地好似都認識依雯呢一檯人一樣。
『喂…！咪叫左你唔好叫我呢個名囉…！』依雯沒有生氣，反而壓低聲線尷尬道：『佢地係家豪啲朋友黎架…咪咁大驚小怪啦…！』
「朋友…？」我打量了一下四周：「咁…咁多人…？！」
『係呀。』左邊的阿晴插嘴道：『老闆每年都會幫阿哥包場慶祝架啦～呢度就好多…都係阿哥以前幫過，又或者係加入過既樂隊黎既。』
「你指…家豪？」我心底凜了一下。
『梗係啦～』阿晴點點頭後，好奇的問道：『咦？衰人～你識我阿哥架咩？』
「算…都算識既……」我苦笑著。
『嘻嘻…』阿晴莞爾一笑：『我阿哥好細個就開始做隊長夾band架啦～～如果唔係阿蚊姐～恐怕佢仲係以前果隊樂隊呀～』
「哦……」
我終於明白，原來家豪就係帶依雯去玩音樂，去用音樂撫平依雯內心創傷既人黎。
唔單止係咁，家豪為左依雯，更離開自己已認識多年既朋友，陪住依雯去加入一個全新既環境…
甚至…家豪可以連隊長都唔做，甘心做一個陪襯品…為既…只係依雯一個。
呢份關心…真係好偉大。
如果換轉係我……我又會唔會為左詩娜而放棄打LOL既所有朋友…？
唉，仲諗黎做咩，都已經分左手…
『咦？』依雯四處張望問：『家豪呢？』
『係喎…係邊呢…』阿晴邊探頭，邊竊笑著說：『頭先仲係度架…』
就係呢個時候————
噠—噠—噠—
多盞舞台強光燈同時打到酒吧的正中央上。
四周既環境亦都昏暗起上來，全部在場既人…無一不注視著前方。
『嘩，做咩呀？』依雯嚇一跳。
「咩事……」
我四處張望，打算睇下其他人有咩反應。
明明而家時候尚早，平時既演出時段都未開始，但酒吧舞台中央竟然一早清空，彷彿正等待人表演一樣。
但我見四周圍既人，除左我同依雯之外，就連阿晴嘴角上都掛著一個竊笑既表情；
對眼前既一切…都好似完全不意外般冷靜。
未幾，前方便傳來一陣咪高峰的聲音。
『大家好！！』突然，酒吧老闆熟悉的聲音向著我們傳來：『睇黎大家今日都係黎幫家豪慶祝生日架喇下嘛！』
『係～～！』多名不同樂隊的成員異口同聲。
『好，廢話唔多講！』老闆嫻熟地走到旁邊：『有請我地今晚既壽星仔————家豪出場！』
啪啪啪啪啪——掌聲如雷貫耳地響起。
吱———
『各位。』
未幾，今晚的主角便出現於人前。
『好多謝…』家豪拎住咪高峰，由衷的對著眾人說道：『好多謝大家今日黎同我慶祝生日，真係好感激，大家每一年都咁撐我。』
『Wow～～家豪！』
『一場兄弟講呢啲！』
『今晚不醉無歸呀！』
眾人在台下不斷歡呼回應著家豪的一番肺腑之言。
『咳咳。』家豪把氣氛拉回，嚴肅道：『今日，除左係我既生日之外，亦都係我一個好重要既日子。』
『咩日子先～～～！』
『呼………』家豪罕有地緊張起來，深深吸了一口氣：『係我講之前…我想送比大家一首歌，一首屬於我回憶既歌——《小幸運》。』
家豪在舞台上獨自一人，拿著一支結他，坐在高腳咪高峰前，準備獻唱…
當我望到家豪呢個樣時，我腦海中不禁浮現起……
我同詩娜係機場時，最後一刻既片段。
「依雯…？」我不自覺地望住依雯。
『喂……！』豈料阿晴打斷了我：『咪嘈住先啦…！』
「…………」
依雯沒有望我一眼，只是默默凝望著台上既人。
我橫了她一眼，只見依雯臉上流露著不解…而且好奇的神情。
呢一刻既依雯，彷彿從腦海中記起無數回憶一樣迷惘。
並沒有注意到我的眼神。
未幾，結他的樂聲…便伴隨著家豪的聲線…緩緩奏起。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
https://www.youtube.com/watch?v=nmtvzQSttrE
『我聽見雨滴 落在青青草地 我聽見遠方 下課鐘聲響起』
『可是我沒有聽見你的聲音 認真呼喚我姓名』
『愛上你的時候 還不懂感情 離別了 才覺得刻骨銘心』
『為什麼沒有發現 遇見了你 是生命最好的事情』
『也許當時 忙著微笑和哭泣 忙著追逐天空中的流星』
『人理所當然的忘記 是誰風裡 雨裡 一直默默守護在原地』
『原來你是 我最想留住的幸運 』
『原來我們 和愛情曾經靠得那麼近』
『那為我對抗世界的決定 那陪我淋的雨 一幕幕都是你 一塵不染的真心』
『與你相遇 好幸運 可我也失去 為你淚流滿面的權利』
『但願在我看不到的天際 你張開了雙翼 』
『遇見你的註定 她會有多幸運』
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
當家豪唱到一半既時候，眉宇間流露著深情的眼神，並且揹著結他徐徐站起。
四周既燈光，伴隨著家豪既腳步，慢慢、慢慢…移到依雯既方向…
而依雯在遠方望住家豪，彷彿就好像一個木人一樣呆呆的站著。
正當家豪一邊唱，一邊走近時。
我留意到依雯不自覺地…望左我一眼後，又尷尬地逃避我眼神…
『今日，係我一個好重要既日子。』
家豪走到依雯面前，周圍既人都向他們二人投下羨慕的眼神。
而依雯卻係被現場既氣氛所感染，頓時令到依雯少有地面紅起上來，哼不出半聲。
就連身旁既阿晴，都在依雯身後，把害羞的依雯推了一把。
『阿蚊…』家豪鼓起勇氣，默默誠懇地凝視著依雯說：
『你知道我唔係一個好識講說話既人，但呢段日子，我地都經歷左好多野，』
『一直以黎，我都默默咁守護你身邊，唔希望再比任何人傷害你，希望你可以幸福、快樂。』
『今日，我想借呢個機會…希望你比一次機會我名正言順咁去愛你，保護你一生一世。』
『阿蚊，唔係…』
『依雯，做我女朋友好嘛？』
『Wow～～～』『應承佢！應承佢！』『家豪加油！！』
全場的起哄聲如雷般轟動起來。
反而依雯卻緊張得耳臉通紅，雙腿不停地躊躇著，彷彿尷尬到極點一樣。
此時，眾人都屏息以待著依雯的一個答覆。
『家豪……』