【十惡】係我的志願一欄填上：強姦犯（修訂版）: 【第七章】：熱身運動

（一）熱身運動

 
最後，花左兩年時間。
我反覆不停訓練自己
除左每日跑步、做簡單嘅身體訓練之外
 
我亦有練習殺人嘅方法
喺畫滿圖案嘅大公仔上面，我每日反覆用力進行踢腳同拳擊
甚至鎖喉




 
亦有簡單嘅虛擬肉博戰
 
當然實戰我亦有過一次
 
 
就係同樓下公園嘅小惡霸「肥龍」一對一單挑
 
我不停向住同一個位置攻擊
出拳踢腳再迴避，同訓練時候嘅動作一樣




但就拳拳到肉，好有實體感
 
而果次只係用左5 分鍾左右，佢已經投降示意唔會再作惡
 
對於你作唔作惡
其實真係無乜所謂，你之不過係我「訓練用嘅工具」
 
 
 
當然




果2 年我都並唔係大家想像中過得咁好。
喺學校
我依然受盡凌辱、謾罵、無視
 
 
陳家朗就算當初對我心存感激，
最後亦都因為同伴拉攏、羊群心理之下
而慢慢揭開自己醜陋嘅一面
 
將自己嘅不快一一發洩係我身上
對我張牙舞爪
 
 
不過我無所謂，因為呢個都係訓練內容之一
 




 
我選擇左脫離群體生活


（二）
 
 
直到後來，沖涼嘅時候望到自己嘅下體開始生毛
我知道我開始改變了
 
 
每次望住張老師嘅感覺
 
都想擁有佢，好想得到佢
 




當我見到佢對住同學笑
我就會好恨，好妒忌
 
佢從來唔知我係邊個，
但我就一直留意住佢
 
點解...
點解佢連一眼都唔望下我...
好想一把火燒左間學校...
然後就剩低張秀賢一個...
 
 
唔記得講...
我已經知佢全名喇...
佢全名叫張秀賢...




 
 
然後呢一年，
我終於可以正式實行...
我期待已久嘅殺人行劃...


（三）


“好喇各位同學仔，黎緊星期五就係班級旅行喇~”
“呢度有通告，麻煩行長出黎幫手傳出去”
Miss Lau將通告放喺枱面
 
 




不消一會，全班已經開始進入討論狀態。
 
但我就望住通告嘅內容，
仔細睇清楚時間、日期、地點。
然後揭開日記，進行慣常嘅「記錄」。
 
但呢次我用紅色筆來回圈上數次，
標示住呢一日，
就係「行動日」
 
返到屋企我收拾細軟，
然後就出發去我嘅目的地
 
 
馬鞍山郊野公園
 
 
 
呢個地點比較偏僻
我用左差唔多2 個幾鐘先到
作為旅行遊樂用途，的確唔錯...
可惜......
 
 
我開始四圍視察環境
因應過往經驗下，我對調查功夫已經有一定程度嘅熟練
 
每個指定地點，我都會喺地圖上用marker筆圈住
總共圈左5 個地點
 
 
最後我決定聽日請病假，喺度訓一晚


（四）


喺旅行前一日
 
我為左求證「目標」會唔會出現，
特登再次喺佢面前整痛徐麗姍
 
「目標」發現我，並且叫埋佢嘅同伴拉我入去後樓梯位嘅暗角
呢度好少老師會經過，而且佢耳目比較多
作為行刑地點，最適合不過...
 
 
“嗚... 咳咳...... ”
我面部已經比佢地打到微腫，
手腳開始有疼青
“... 點解...... 當初我救過你... 你依家...”
 
 
陳家朗扯起我d 頭髮，雙眼瞪大
“點解？？唔好再扮野喇鍾嘉晉！ 徐麗姍根本無寫過信比我！ ”
 
 
哈哈...
睇黎佢蠢唔哂...
 
 
見佢深呼吸一口，再繼續
“知唔知點解... 我無告發你...？ ”
“因為... ”
“如果告發你，我就無得再發洩... 哈哈哈！！ ”
 
然後佢不停用鞋底踩我隻腳
你根本唔會想像到
佢會係一個風紀隊長...
 
 
一輪發洩，將自己學業壓力家庭壓力訴諸後，
一一宣洩喺我身上之後
佢終於放手，亦示意捉住我嘅兩位同伴鬆手
 
 
 
“惡魔... 你係惡魔黎... ”
訓喺地上嘅我面露痛苦，顯得無力、無助
 
而佢就轉身望住我，嘴角上揚
“無錯呀... 我就係惡魔！哈哈哈！”
 
 
我低一低頭
“係呢... 你會唔會去班級旅行...？”
 
 
“緊係會啦~ 因為，因為我仲要去同你慢慢玩~ 哈哈！”
“咪住，你問黎做咩？想請假呀？哈哈！！”
 
 
夠膽你就請假　　　死緊喇你
 
佢兩個同伴亦都跟住附和
再慢慢地消失於我眼前...
 
 
 
然後
髮線遮掩住面容下，我語帶溫柔
“無... 只係想你有個難忘嘅旅行啫...”
 
 
然後慢慢爬起身，放心地露齒
“仲有你錯喇... ”
 
 
 
“我先係真正嘅魔鬼。”