【十惡】係我的志願一欄填上：強姦犯（修訂版）: 【第八章】：魔鬼降生（上）
（一）魔鬼降生（上）
“依家嘅時間係...”
將視點移向手錶，再繼續
“時間係... 早上8 點37 分，我已經喺巴士上”
“過多3 個站我就落車。”
“祝我好運。”
鬆開錄音鍵，我望向車外景色
未有仔細欣賞
只有重覆思考每個步驟
再輕按後頸的脈搏，
沸騰的感覺仍然遍佈全身
無辦法，
只能夠喺心面同自己講：千祈唔好緊張
落左車之後，我叫咗架的士
同上次落車嘅地點一樣
“去旅行遲到呀小朋友？見你身水身汗咁”
“無大人陪你嘅？唔擔心你架？”
中年發福嘅司機望一望倒後鏡，一笑就有幾顆金牙現形
我頭一低，嘴唇一扁
“係呀... 我... 我唔小心訓晏左... 而且...... ”
“我無爸爸架... 媽媽又要返工... ”
司機見狀即刻收起笑臉，盡力安慰我
然後我提出：“叔叔，你介唔介意比你電話我呀？”
“因為我驚我唔識路出返去... 想陣間搭的士出返去...”
“吓...？ 無校車接送架咩？”
“有呀... 不過媽咪唔得閒接我... 所以我想去搵媽咪”
司機樂意地點頭，留低左個電話number 比我
關埋車門之後，我又拎起電話
“依家嘅時間係...”
屌，又要對下錶......
（二）
走入廁格，掛起背囊
拎出準備好嘅風樓。
換上一身黑色之後，就向住目的地出發
根據通告圖示... A 班嘅位置......
喺呢度！
但... 喺燒烤場附近...
我打量一下自己嘅地圖，
於是揀左呢個地點
石溪間
果度位置偏僻，比較少人去
而且我前幾日已經適應凹凸不平嘅地段...
拎起小型望遠鏡，咬左啖方包
再監視住「目標」嘅一舉一動
當然會經常睇到佢失望至極嘅表情
不過呀...
你一定無諗過你嘅發洩對象
從來都唔捨得離開你......
天色漸黃，大家都準備收拾場地
唯獨「目標」一個人行開左
此情此景...
我收起望遠鏡，不停說出同一番說話：
機會黎喇... 機會黎喇...
機會黎喇......
“鍾嘉晉...！？你點會喺到架！？”
佢極為驚訝，
而我就鬼魅一笑
“哈哈！太好喇！真係好悶呀我... ”
“好彩... 最後你都出現喺我面前... 鍾嘉晉...！ ”
我無回應佢，拉起風樓帽
轉身就走
“走！？走去邊！？停喺度！！”
我由急步到跑
聽到後面不停呼叫
直到踏入我嘅「行刑地點」
我輕輕轉身望住氣喘如牛嘅佢
天真一笑：“我唔走喇放心... ”
“因為我要歡迎你... 歡迎你黎到我嘅行刑地點...”
（三）
放低背囊喺石塊上，再從褲袋拎出電話
按下最後的錄音：
“目標... 已經進入左我嘅行刑地點，下一步...”
“就係接受我嘅審判，不過無論答案係點”
“對方都必須死...”
再放下電話於同一位置，拉一拉筋
骨骼的磨擦聲令我更精神
然後眼神開始轉變...
“你... 你想點呀！？鍾嘉晉！你個垃圾想點！”
從陳家朗嘅表情睇得出，恐懼正逐漸侵蝕佢每一條神經線...
因為企喺佢面前
係一個陌生人...
“以下落黎，我想進行簡單嘅問答環節”
“首先...”
“果晚你同張老師喺廁所做過d 咩黎？”
“咩... 咩話...！？ 你......！”
一道道冷汗滲出，口部亦開始抽搐
“... 嗯... 你已經答唔到我... 好啦......”
“咁我講個秘密你知吖... 我... 我其實好鍾意張老師...”
“但...”
“佢個心只有你...”
我一步步踏上突兀高聳嘅石塊
縱使險峻，亦如履平地
佢瞬間想提腳後退...
“ 呯！！─── ”
驚恐令佢踩個落空，後跌於石塊上
一聲慘叫從佢口中洩出
“走呀！走開呀！... 咪埋黎呀！... 我話比老師聽！！”
真係忍唔住笑，真係...
忍唔住...
我從另一邊褲袋拎出界刀，架起姿勢
“我諗咗好耐... 點先可以得到張老師呢...？”
“原來答案好簡單... 首先就係... ”
“要你永遠消失”
放低背囊喺石塊上，再從褲袋拎出電話
按下最後的錄音：
“目標... 已經進入左我嘅行刑地點，下一步...”
“就係接受我嘅審判，不過無論答案係點”
“對方都必須死...”
再放下電話於同一位置，拉一拉筋
骨骼的磨擦聲令我更精神
然後眼神開始轉變...
“你... 你想點呀！？鍾嘉晉！你個垃圾想點！”
從陳家朗嘅表情睇得出，恐懼正逐漸侵蝕佢每一條神經線...
因為企喺佢面前
係一個陌生人...
“以下落黎，我想進行簡單嘅問答環節”
“首先...”
“果晚你同張老師喺廁所做過d 咩黎？”
“咩... 咩話...！？ 你......！”
一道道冷汗滲出，口部亦開始抽搐
“... 嗯... 你已經答唔到我... 好啦......”
“咁我講個秘密你知吖... 我... 我其實好鍾意張老師...”
“但...”
“佢個心只有你...”
我一步步踏上突兀高聳嘅石塊
縱使險峻，亦如履平地
佢瞬間想提腳後退...
“ 呯！！─── ”
驚恐令佢踩個落空，後跌於石塊上
一聲慘叫從佢口中洩出
“走呀！走開呀！... 咪埋黎呀！... 我話比老師聽！！”
真係忍唔住笑，真係...
忍唔住...
我從另一邊褲袋拎出界刀，架起姿勢
“我諗咗好耐... 點先可以得到張老師呢...？”
“原來答案好簡單... 首先就係... ”
“要你永遠消失”