沒法開始的愛: 6. 再遇

大約兩年後, 在我大學Year 1升Year 2的暑假, 我在ICQ見到嘉嘉online. 我send了一句.
 
我: hihi, 最近點呀?
 
嘉嘉: 我repeat完中七, 而家係樹仁讀緊.
 
我: 咁咪好囉, 讀緊d乜呀?
 
嘉嘉: xxxxxx (唔記得左)
 




我: 我想問下呢……其實……當年中五暑假, 我無拖你隻手, 你有無嬲我呀?
 
隔了十分鐘左右, 她才回覆.
 
嘉嘉: 有咁既事咩? 過左咁耐, 唔記得左lu.
 
我: 其實當年, 我因為屋企情況, 知道無能力同妳一齊, 所以先至……
 
嘉嘉: (打左個笑樣)
 




我: 你記唔記得, 我曾經講過, 我會無限期等你架? 而家我仲等緊架 (笑樣)
 
嘉嘉: 對唔住呀…… 我己經有男朋友啦
 
我: o我, 係呀(笑樣), 咁咪好囉, 咁你男友點識架?
 
嘉嘉: 佢係我repeat中七果年識既一個男同學泥架, 佢對我好好, 個人好叻架, 而家讀緊XXX大學
 
我: 咦!!! 幾好喎!!! 恭喜妳呀, 終於搵到妳既幸福啦. (笑樣)
 




嘉嘉: 多謝!! (笑樣)
 
我: 不如我地聽晚約出尖沙咀食個飯, 當聚下舊丫
 
嘉嘉: 好呀, 幾點呀?
 
我: 聽晚六點, 尖沙咀, 我電話係xxxxxxxx 咁聽日見.
 
其實, 我想藉這餐飯弄清自己對嘉嘉到底是什麼感覺. 吃過呢餐飯, 我發覺我對眼前既嘉嘉得到幸福, 找到好男友, 真的很開心.
 
此刻, 我才深深了解到, 真正的愛, 不一定要擁有對方, 只要知道對方得到真正的幸福, 即使你如何孤獨, 亦會覺得開心. 或許我當時也是中了高登的魔咒吧.
 
同時, 我發覺, 呢兩年嘉嘉外表亦有好大改變, 變得更靚, 更成熟. 當天的她, 穿著一套粉藍色的短袖連身裙, 己經沒有再穿白色T-shirt作打底, 潔白的一對波鞋, 頭髮己經長及腰間, 給人是一個清新的少女感覺, 以往的可愛小女孩感覺己不復再.
 
對現在的嘉嘉, 我存在的只有友情. 因為此次相聚, 我已弄清楚, 我心中的感覺. 我愛的是中四當年, 傻氣天真的那份情.




 
那份情, 跨不過當天小水灘, 跨不過時代.
 
那份情, 緊緊的貼在我人生相簿中, 是一幅很精彩, 很漂亮的硬照.
 
吃過飯後, 我送了嘉嘉到車站上車, 然後獨個兒行到尖東海旁, 看著對岸的夜景. 此刻, 我己經完完全全將那份情放下在我的中學時代, 為我心中的思念正正式式寫上一個句號了.