唔係掛！原來真係有鬼！－現代捉鬼故事: 第二章－爸爸－2
由樂富老媽子 『新居』坐地鐵，好快就落到旺角。
正如我所講，我冇去過我老豆公司，直接Ｄ講，我連老豆o係邊區做野我都唔知。
旺角區以我所知就冇乜工業大廈，
不過朗豪坊後少少就有Ｄ舊式賣燈既鋪頭，
我諗老豆OFFICE 都係o個頭啦。
聰明既我當然冇估錯，果然係C出口，
但係估唔到既係Office 竟然係o係朗豪坊之內。
「先生幾多樓呀？」
「38。」人地黑絲妹妹都未講完，老豆就已經答左人地。
「F丫先生。」
F? F乜鬼，我冇理到就行入電梯大堂。
雖然黑絲加制服真係完美既配搭，
cs妹妹仲要短頭髮，淡淡既妝，配合埋佢一個o岩o岩出黎做野，
未受世間污染既樣子，我已經決定一陣上去完老豆office ，
搵個機會閃落黎抄佢牌先得。
「呢度呀，Ｆ係呢部呀大鄉里。」
原來o係我ff既同時，身體一直向前行，
已經行左去電梯大堂另一邊既書店。