唔係掛！原來真係有鬼！－現代捉鬼故事: 第二章－爸爸－ 8
「衰仔，坐返埋黎啦。」老豆抄個櫃桶左唔知幾耐，
我連相都睇左十幾次，差Ｄ想拎小玲姐姐張相入屎坑Ｊ既時候，
老豆終於抄完。
佢O係櫃桶低拎左個木盒出黎，
唔知仲以為係加臘味海盜Ｄ藏寶箱。
話唔定入面係有D咩家傳寶物，又或者有一大堆金條。
阿媽o岩o岩走左，老豆一定係有d咩遺產想比我！
一定係！
我一陣拎到ｄ金條之後就賣曬佢，之後睇下買唔買到樓！
掂喇今次！我終於唔駛做冇殼蝸牛！！！ 「你阿媽頭七o個晚...」
「嗯....」
「發生左D你之前冇諗過既事，你唔驚咩？」老豆用一個帶有挑釁性既語氣問我。
「老媽子黎咋嘛，有乜咁驚。」 「如果o個日碗湯藥力冇散到，又比你見到其他 『朋友』呢？」
「法官大人我反對控方提出假設性既指控。」
呢度唔係法庭，亦唔係高登。如果唔係我一定咁答。
一諗到我既美色隨時比豬扒女鬼睇中，仲要強姦埋我拎走我第一次，
我真係面都青埋。