「喂~英俊~」

「其實叫我阿俊就得架喇。」我真係不厭其煩咁講多一次。
我抬高頭睇下邊個咁唔識趣,大家走曬既時候仲黎挑戰我底線。


「阿如煙同學,請問乜事呢。」我特登叫番佢個老土到唔係呢個年代應該有既中文名,
期待會引黎佢一絲不悅。

「睇你都冇人約啦,不如一齊食飯啦。」





「六點半咋wor依家。」我望一望我部電話,不忘show一show 我個金色機背。

「去唔去呀?」估唔到依家D女仔收兵收得咁急,
唔好以為你著對黑絲出黎我就會比你收到。再者,我唔想去有一個更大既原因。

「冇錢呀。我食唔起你地D高級野。」我打開自己銀包,
望住兩條僅餘既紅衫魚,再望一望日歷,都仲有一個星期先出糧。

「我食乜都得架wor。」





「真係乜都得?」

「係呀。」

「M記得唔得呀!」
M記,一個唔少港女聽到都驚既名。
你以為可以大到我咩MK妹!
將軍!你今次冇棋喇!





「好呀!」估唔到佢仲有一招以退為進。
好,我又睇下有乜野符 FIT!