本身o係眼框既淚終於流左出黎。

慢慢我既視線開始清楚番。
黑色齊陰,大眼仔,仲有件黑色jacket同黑絲,
原來黑無常係偽娘!

我呆左咁望住佢,佢亦望番住我。

「啪!」 突然我左邊面感覺到焯熱。





「好撚痛。」原來死左比人打都仲會痛,如果一陣去到地獄,
閻羅王知我成日打丁,要我落切丁地獄就大鑊了。

「醒未呀你?」黑無.....唔係喎,佢係mk妹黎喎。
mk妹好似14巴港女咁車完我一巴之後大大聲問我。

「我......唔係死左呀可?你唔係黑無常呀可?」我都知呢個問題好白痴,
不過我認人能力真係有d弱,特別係身處呢個每個女仔既妝容都一樣既年代。

「哈哈哈哈。」mk妹無啦啦縮低,抱腹大笑。





佢呢個反應已經答左我原來我未死。
不過呢個故事真係教訓我呢生人都唔敢再亂過馬路。

「笑夠未呀,行啦,成條街d人望住喇。」我細細聲同mk妹講。
要笑真係離開左呢個區域先啦,成條街既人都對住我指指點點。
咁大個仔都未試過有咁多人既集中力集中o係我身上,估唔到第一次就咁柒。

「哈哈哈哈。」佢繼續大笑,我諗佢一定好鍾意睇may姐。
我一手拉住mk妹隻手就行人。今次係我人生第一次主動掂女仔隻手。




佢隻手仲係好凍,我諗佢頭先上堂比個雪櫃雪完仲未解完凍。
以前個個兄弟都話第一次拖住女仔,隻手會出曬汗,會好緊張。
但係我依家只係想快d走,同埋....

「哈哈哈哈。」

….令呢個女人收聲。