唔係掛！原來真係有鬼！－現代捉鬼故事: 第三章－不平凡的開始－18

穿過左『玩具』店，橫過一條短短既行人窄巷， 
Smoky 已經企左o係一間CD鋪門口。 

「好地地點會有間CD鋪o係女人街...」 
我好奇咁問Smoky。 

「依家香港d租咁貴，平時去『 CD貨倉』O個類連鎖店又冇得平，緊係要搵Ｄ鋪仔啦！」 
女人果然每一個天生都係精明消費者。 

CD鋪門口有兩排好長好長既window display， 




但係佢放既唔係時下偶像，又或者係電影海報； 
display入面放既全部都係『發燒』碟。 
其實我都唔係好知咩叫『發燒』碟，姑且就當佢係ｄ好高質既ｃｄ吧。 

鋪頭入面大部份ＣＤ都盡量SHOW到封面出黎， 
比客更易見到。 
除左近門口有少少時下偶像既碟外， 
我愈行得入鋪頭，就發現D碟既封面愈OLD SCHOOL， 
或者係以前既歌手級數先有資格出Ｄ高質碟掛。 





我企O係Smoky身後，跟住佢睇下佢到底想搵乜。 
有人話過，一個人聽乜音樂就代表佢係乜野人。 

「以前既ＣＤ全部都好有心機做架！細心聽既話，你會發現每一樣樂器都有佢自己既擺位。」Smoky o係架上面拎起一隻CD，一邊睇ＣＤ既曲目，一邊同我講。 

「係咩...我唔知呀，我聽歌都係睇MV架咋 。」諗起11月有得去睇少時香港LIVE， 
講真，乜野擺位對我黎講都唔重要，最重要係有得睇腳。 

「搵到喇！」突然Smoky 好大聲咁叫。 





「咩黎架？」 

「巴伐洛堤！」佢拎左隻封面印住個肥佬大叔既CD 放O係我面前。 

「下，原來你係大叔控。」 

「你識鬼咩！世界三大男高音呀！」 

「男高音？我都得啦！自～～～家～～～烏～～～冬～～～」一講男高音， 
我只諗起自家烏冬。 

「.......」Smoky呆左咁望住左。 

我望一望四周，原來望住我既，唔只Smoky，係成間鋪。 





「.....um....不如我出去等你。」我唔知我點解會有呢d突如其來既幽默感， 
作為小毒男，其實我一直都好葡萄有幽默感既男仔； 
不過今次之後，我發現高登有d說話真係o岩。 

毒男最忌有自信。