唔係掛！原來真係有鬼！－現代捉鬼故事: 第三章－不平凡的開始－17

離開麥當當，Smoky 帶左我去女人街。
「跟我黎啦！我去買野呀！順便帶你去見識下！」

出旺角，我最叻仔就係去信和。
唔係話乜，信和有漫畫，有game賣，有figure，有cd，有headphone。
只要你唔係太富貴，所有男性既玩意基本上都集中曬o係入面。
唔去信和，都仲有兆萬同in's point。

除此以外，我都好似唔係太了解旺角。





自從香港租金愈黎愈貴，旺角愈開愈多金鋪同藥房之後，
西洋菜街變左好多「除左表現人事多，行人多之外，
由於小鋪頭搬曬上樓，街既兩邊亦多左好多『易拉架』。
逃出密室、占卜、Cafe...(當然仲有女僕cafe) 同埋情趣服裝呀唔係...係派對用品鋪頭，真係乜都有。

其實都真係幾癲，你諗下，早兩年d 『派對服裝』鋪頭邊有依家咁猖狂。
不過如果Smoky 著住女僕裝餵我食麥當當，加埋對有絕對領域既吊帶襪，
仲要一個轉身，加番句　『主人~你返黎喇~?』
嘩頂！真係諗起都扯扯地。





好喇，適可而止。如果唔係一陣又一架紅色的跑車，
到時我真係可以移得民。
女人街我諗作為香港人，其實都冇乜幾個人會去行。
兩邊既帆布檔口，賣住唔同既貨物。

唔好講真，我開始知道點解ｄ　ＭＫ D T-SHIRT 、恤衫個個都一樣，
原來個個都O係度買。唔好話衣著，仲有某B字headphone，
唔怪得咁鬼多細路戴得起[sosad]，我都仲係用緊iphone 送個耳機。

「到喇，」我望望Smoky 行左入去既檔口。





檔口掛住一件件既衫。
「下....！」

係既，如果掛o係度既只係普通衫，我點會驚訝丫。
掛出黎既，有護士衫、女僕衫、空姐制服、學生套裝，當然仲有好多少布到不行既內衣褲。

「下！」點算呀！我未有心理準備呀！會唔會太快？！


檔口入面長方形，兩排檯。
檯再對上就有個3層既架，再上就係掛住唔同特色既制服。

檯上面放既商品其實好common，只係ｄusb 手指（睇落真係記憶手指）、
皮帶同埋唔同既小飾物。




可能你話 『皮帶』喎！咁都普通？
老實講我深信一條成4~5cm 粗既ｍｋ彩色皮格一定唔會要黎玩ｓｍ；
因為咁粗我相信一定打得死人。

可能eye level 關係，所以檯面上、甚至係架上面第一層都只係賣d普通野，
又或者『特別 用品』o係香港本身都搵唔到乜錢。

第二層開始就放d各式各樣既玩具。
雖然我電腦已經有十幾gb既影片庫，
但係我o係呢一刻都覺得自己見識有d少。

大部份玩具我都真係未見過，最頂層仲放左d 印左女優樣既盒。
我諗呢d應該係傳說中既『名器』。

突然感覺到有一股視線ｏ係度打量緊我，




我亦向視線來源望一望。

檔口最入企住一個中年肥佬，
灰白色及肩長頭髮，一件又黃又舊、但係仍然遮唔住肚腩既小背心，
一個黑色但係冇拉埋拉鏈、要黎收錢既腰包，加上彩色沙灘褲同拖鞋。
完全就係一個中年麻甩既典型樣貌。
 呢位都應該係老板啦。我同佢四目交投，
報以一個微笑示好。講真，你非自願地第一次入呢一種鋪頭，除左以笑遮醜外，我諗唔到其他方法去回應呢位uncle。
中年老板無作特別回答，只係將視線改投o係另一位檔入面既年輕人身上。

以前成日都有女仔話:男仔可以唔靚仔，
但一定要乾淨。我以前唔明唔乾淨會有乜問題，又唔會少忽肉，直到我見到眼見呢個男仔。

中間分界既髮型，頭油多既程度，已經唔係文字可以形容。
一件完全唔o岩身，冇扣鈕既恤 衫，




完全可以散發出佢既不羈；動畫t-恤又可以為佢帶黎一點點既童真。
算喇,我都係唔好再形容佢。

佢目不轉睛咁望住架最高既一盒產品。

我跟住佢既視線去，見到一盒印住林志玲既盒；
諗真少少o個個唔係林志玲黎，
盒野應該係早排高登 有巴打開過箱既『暗黑林志玲名器』。
唔好話乜，如果唔係同Smoky出緊街，我都想買盒。

話事話，Smoky 唔知幾時開始已經消失左，
檔口入面只係剩番我，老板，同肥巴打。

我左望右望都係唔見Smoky。





「呢度呀咸濕仔！」Smoky o係檔口另一邊門口對住我揮手。
原來佢只係想穿過檔口入女人街兩邊既鋪頭。

我一個箭步跳埋Smoky 身邊，回身再送多個睇唔起佢既眼神。
肥巴打一聽到咸濕仔三個字，頭也不回就離開左檔口。

對唔住老板，令你冇左個客。