唔係掛！原來真係有鬼！－現代捉鬼故事: 第四章－達德行－23

「死神、皇后同是旦4張細牌！」我即時拎起我副牌不停搵，
想搵四張我地叫細牌，即係小阿卡那牌又或者有時叫宮廷牌既野出黎。

18號話過，只要將6隻牌排成六芒星型，即係六角形啦，
就可以收到地縛靈。
你邊估到上堂聽下無聊野可以救命先得架！

你可能話，「洪師傅，唔係咁易架！」
但係唔試下，又點知入唔到佢中路先！





我以快過小明既速度...

即係幾快?
曾經有次打丁唔記得鎖門，之後聽到門外有鎖匙聲，
我以人生最快速既速度，熄browser，著褲，之後閂門、鎖門。
如果你係男仔，我諗你已經明白我o個下有幾快。

我以最快既速度，拎起6張卡跑到班房門口前面。
我探頭一睇，都仲有幾步路。





六張牌，分別放於六芒星既六個角。
我拎左少少垃圾蓋住6隻牌，
求神拜佛今次一定要掂！

我放好左牌之後走番到教師檯既前面。

「唔知得唔得呢．．．」我拖住Smoky。

「唔得既話，咪我保護你囉！」





「傻左咩，你咁細粒！」

「話唔定我好好打呢！」Smoky 笑笑口咁同我講。
唔知點解，o係呢一刻我竟然會覺得佢真係可以保護到我。

紅色既身影已經班房既窗外仇視我同Smoky，
帶領住一班白色既靈體去到班房之外。

紅色靈魂轉身向學生們講左幾句野，
學生就企定定o係班房外面。

「終於黎喇。」

呢位「老師」一個人行近班房門口。





就正正企左o係牌陣上面。

「呀！！！！！！！！！！！！！！！！！！！！！！！！！！！！」
女鬼老師由步入牌陣第一下就開始叫。

「你今次仲唔捉蟲！」
我心裡暗喜。

「邊個帶啤牌返學！」

紅衣女鬼彎底身拎起死神牌。

「．．．．．．仆街喇今次。」