《香港唔係追夢既地方》: Episode 29
Episode 29
【黃日朗！你搞完我再搞第二個？】係 Jamie 既訊息！
我望住手機，根本唔識反應，個腦只係不斷諗返成件事！
根本 Agnes 就無畀人輪，佢只不過係搏我同情、減低我戒心。由一開始，佢就係等緊我然後引我中計，一切都係 Agnes 設既局。
我望住呢個女人，我覺得好恐怖，到底一個人要有點樣既心計先做得出咁既事？
我錯喇真係，我錯在仲對佢有少少仁慈既心。
-
「我唔想回應呢件事⋯⋯呢件事已經畀左好大壓力我⋯⋯」Agnes 係班記者面前出曬眼淚攻勢，成件事已經演變成佢係受害者、我係賤男同狗公。
而我，就坐左係 Lydia 既寫字樓，同佢傾。
「而家搞左咁大單野出來，你諗住點？」Lydia 問我。
「我無做過，我會照直講⋯⋯」
「照直講？講咩？」Lydia 仍然繼續佢一貫既逼人氣勢。
「講佢尋晚飲醉⋯⋯然後我扶佢個陣唔小心跌倒⋯⋯」
「Tony，做得呢行唔可以咁天真。」Lydia 唔畀我再講落去。
「你知道，Agnes 咁樣做係借你搏知名度，利用你搏上位。而呢件事過後，你就會受到千夫所指，成為世紀賤男。畀世界遺棄，同你既夢想越來越遠，你想咁咩？」Lydia 圍住我，慢慢咁講。
「我唔想，但我可以點？」
呢個時候，Lydia 停低左，然後用佢魔魅既眼神望住我。
「你要反擊，你唔可以再坐以待斃，唔係佢死就係你亡⋯⋯」Lydia 把聲好似有魔力咁。
「但⋯⋯」我始終都係有猶豫，因為我知道 Lydia 所講既反擊，絕對唔係我想做既事。
Lydia 塞左條鑰匙畀我，係 Agnes 既房鑰匙。
「要贏佢，就要比佢先一步出擊，畀全世界都知道，真正既佢到底係點。」Lydia 意味深長咁笑左笑。
「點解你要幫我？而唔係幫佢？」我好好奇，明明我同 Agnes 都係佢既人，點解佢揀幫我而唔係幫 Agnes？
「作為一個老闆，只會留返有用既棋子，我要既唔係一個經常搞風搞雨既八婆，而係一個可以幫我搵錢既人。」Lydia 望住我講。
「Tony，你唔可以心軟，你一日唔改變，到頭來最尾輸既，一定會係你，你信我。」Lydia 語重心長咁講。
-
我返到去宿舍，拎住 Agnes 房既鑰匙，心情始終係七上八落。
我係到諗，為左追求夢想，我係咪需要犧牲少少既良知？如果犧牲少少良知，做一次壞人，可以達成夢想，你又會唔會去做？
原來夢想有時都可以好醜陋。
我攤左係床上面，望住天花板，一路諗住第一日入來既時候既心情。人生真係好矛盾⋯⋯
不過，Lydia 都可能講得有道理，如果犧牲既唔係敵人，就會係我自己，我仲可以輸得幾多次？
我唔可以再輸，況且係佢對我出手先，先撩者賤，打死無怨，係咪？
我決定把心一橫，做一次反派。就算可能係一條不歸路，我都唔會後悔。
-
我靜靜雞走上去 Agnes 間房，然後用 Lydia 畀我既鑰匙開左佢到門，靜靜入左去。
果然不出 Lydia 所料，Agnes 同 Edwin 真係又係到覆雨翻雲。Agnes 趴左係床上面，Edwin 就企係後面後入佢，兩個都幾乎忘我既姿態，根本留意唔到我已經入左去。
我拎起我部手機，影低一幕一幕激烈性愛既畫面。
「啊！」Edwin 大叫一聲，成個身震左震，就知佢應該係完左事。點知 Agnes 一個轉身，用口去繼續滿足 Edwin！
「嗯⋯⋯嗯⋯⋯」Agnes 發出好淫蕩既聲音，Edwin 都忍唔住叫左出來，但佢地絕對唔知道，所有聲都已經畀我錄低左。
-
我將所有證據都交畀 Lydia，然後 Lydia 就話之後既野交畀佢，叫我唔好諗咁多，然後我要做既野就只係講一個大話，屈到 Agnes 變成淫婦就可以。
我唔知道 Lydia 會對 Agnes 做咩事，但我個心真係好唔舒服⋯⋯
-
短短兩日，我影既相、錄既音、拍既片，已經由 Lydia 派人放左上網，全世界既矛頭都即時指向 Agnes，同情佢既聲音都幾乎無曬，網民都一致話 Agnes 係淫婦、公廁⋯⋯
Edwin 雖然係事件既男主角，但佢老豆係城中名人，好快佢就送走左 Edwin 去外國，而 Edwin 亦都同 Agnes 一刀兩斷。
而 Agnes 呢？無人幫佢，Lydia 仲召開記者招待會，準備同 Agnes 劃清界線。
係臨出去招待會之前，Lydia 捉住我。
「你記住你陣間要講咩對白，唔可以畀佢有翻身機會，okay？記住，佢唔死，就到你死！」Lydia 再三咁提醒我。
我同 Lydia、Morris 出去記者招待會，出面既閃燈令我覺得好唔自然。我個心噗噗咁跳，我真係第一次，係咁多人面前，講大話去砌一個人生豬肉。
比起參賽唱歌，咁樣反而仲大壓力。
（係 Agnes 主動勾引我，係佢講大話⋯⋯）我仲背緊台詞。
「今次呢件事，我個人來講，對 Agnes 既處事方式真係十分失望，佢既所作所為，已經嚴重影響公司既聲譽，亦都傷害左唔少既人，包括佢既好拍檔 Tony。」Lydia 對記者講完之後，就示意到我講。
我深深吸左口氣。
「Agnes 佢⋯⋯」我正要講 Lydia 畀我既台詞既時候，我發覺自己真係講唔出口。
我諗起佢知道全世界都睇到佢既床照個時，佢個種錯愕既表情，佢癲曬係到掟野既狀態⋯⋯我真係唔忍心再棒打落水狗，係一個垂死既人身上再插一刀。
「Agnes 佢無主動勾引我，一切其實都係誤會，我唔評論佢同 Edwin 之間既事，但我同佢真係完全無事發生過，希望佢之後可以好好生活落去。」我鼓起勇氣咁講，Lydia 即刻啤左我一下，不過佢好快就接住講。
「無論點都好，我地公司已經決定提早同 Agnes 解約，佢亦唔再係我地公司旗下既藝人，佢亦會於今日之內撤離我地公司既宿舍。」Lydia 向公眾交代埋最後既決定。
-
Lydia 緊係鬧左我一餐，話我幾乎搞到佢接唔到波。
而 Jamie，我都約左佢出來解釋，但係見 Jamie 之前，我就見到執緊行李走既 Agnes。
佢望住我，好似有野想講。
未完待續