《香港唔係追夢既地方》: 後記

終於完成左呢一篇故事，當中真係經歷左好多失望同灰心，我有諗過作埋呢篇就收山，不過無理由勵志，勵志到連作者自己都灰埋架，係咪？要同各位講聲對唔住，去到後期，連載既進度慢左20倍⋯⋯（有精密計算過）

一來係我自己無心機寫，二來我亦無咩動力。不過我自知今篇故事係我失手之作，有好多唔應該犯既毛病同結構，下一篇故事，我唔會再犯咁既錯誤。

《香港唔係追夢既地方》入面想講既野，其實已經透過 Tony 把口同左大家講，希望大家睇到尾既話，都會感受到我想表達既野。

一句講曬，想做，就去做，唔好輕易放棄，就算最尾唔係成功，起碼你都可以同人講：你試過。

每日營營役役工作既你地，曾經既夢想又係咩呢？





－

下一篇故事，我承諾過大家會完成愛情三部曲既最後一集。不過今次我會改變一下寫作方式同埋營運方式，比起高登連載文章，呢篇故事將會更加似真正一本小說，同埋更有連貫性。

另外題外話，我亦會著手重寫《誰是你生命中最重要的十個人》同《情謎秘謊》，然後同最後呢一集連成三部互有關連又形式相同既故事，然後我會努力投稿，希望終有一日，我都可以成為你地眼中值得人欣賞既作者。

最後最後，多謝你地一直以來無限既支持。