《男人多情而長情，女人專情而絕情》: 第十五章
「華b，呢排轉天啦，諗住呢個禮拜同你去買衫。」
「我記得你想我陪你買衫嫁，咁耐都未陪你去，係因為夏天就黎完，無理由陪你去買夏天衫咁傻仔嫁？所以咪等到就黎凍既時候先......」
見到佢咁體心，咁為我著想，仲點會怪佢呀。
「好呀！我等左好耐啦，我以為你唔記得左。」
「你打俾我就係為左呢個？」我地傾緊電話。
其實我一路打緊機，一路同佢傾緊電話，佢又察覺唔到我打緊機。
「我仲有野搵你嫁，下兩個禮拜到，我之前間學校有個姐妹生日，佢地搞party，佢地話要攜伴出席喎，所以要叫埋你姐，你無得say no嫁，點都要去嫁。」
「好啦，我無所謂呀。」
「好啦，你繼續打機啦，我講完啦。」
「Hi，原來你知嫁？」
「我係你邊個呀？」
「女朋友囉。」
「係囉，你知咪得囉，錫啖我。」
「嗯～～～～～～呀。」隔住部電話錫佢。
「好啦，唔好打咁夜呀。」
「知啦，bye bye。」
「bye bye。」
到左禮拜六，我地去銅鑼灣打街買衫。
「其實你既style都係襯返恤衫好D。」佢一黎到就開始對我既衣著評頭品足。
「我都想你去我姐妹既場合可以著到好好睇睇。」
我今日都係求其著，我平時就係咁。
短褲短袖T加波鞋，可能係身高同身形瘦，搞到自己掛唔起件衫。
真係好L毒，係地鐵站都唔敢望塊玻璃。
「拿，我講明先呀，我唔係帶左好多錢出黎炸。」
果時身為學生既我，又窮又剩，邊會有多餘錢去買衫呀?有錢都拎去買點數啦。
果一日我帶曬我銀行所有積蓄，姐係1000蚊去買衫，果陣時學生黎講，1000蚊好多嫁啦。
「得啦得啦，我唔會帶你去睇名牌既，我以前D仔都唔會去買名牌咁傻仔啦，咪又係著得好好睇睇。」
佢講完呢句我瞬間sad左，姐係佢以前既男朋友外表都好過我，而且男人真係好介意自己條女提起EX。
但我都無表現出黎，因為我知佢咁樣做係信任我先講既姐。
之後佢就拖住我行入去h&m。
佢拉左我入去h&m，幫我揀左件恤衫。
之後帶我去levis揀左條牛仔褲。
康僑話牛仔褲一係就唔買，一買就買好D。
佢話冷衫上網買就好，咁樣至少整齊D。
聽完佢咁講之後，我覺得男人真係唔洗好靚仔，整整齊齊就好。
個人乾淨D，雖然未必會加分，但至少唔會扣分先。
至於鞋，佢就話著返波鞋就好，有錢先再買啦。
正係咁樣血拼，我得返200蚊。
呢個月又要食屎啦。
跟住我地去銅鑼灣地帶，揀禮物俾佢個FD，我又唔見左100，食埋個飯，無埋。
窮向左走向右走真係唔好學人拍拖，溝女已經洗唔少啦，何況拍拖。
雖然康僑佢話唔洗我請，但身為男人既我點都話要請，所以岩岩果餐係我俾既。
身上窮到得返八達通既錢，50蚊。
洗錢好似痾屎咁易，洗錢好似食屎咁難。
我著住康僑幫我揀既衫出席佢朋友生日既party。
我仲專登去髮廊set左個頭，真係改一改個look，行出黎都有自信D。
行街有玻璃就照下，睇下自己有幾型。
自己係稱唔上靚仔嫁啦，但改一改個look都算係型既。
加上呢排有跑步，覺得自己好向左走向右走fit。
真係覺得自己唔再係以前既我，唔再係一個毒向左走向右走。
係同左康僑一齊左之後，佢改變左呢個無用既我。
拖住康僑出席呢D場合，唔再覺得襯唔起佢，終於覺得配得上咁好既佢。
一入去，真係嚇親我。
唔係場面好大，D人著得好隆重。
而係男仔都無著衫，女既就著比堅尼。
原來個party唔係係室內搞，而係係船上搞。
我即刻問康僑，「搞咩呀?你無同我講係搞船P喎。」
「我個FD都無同我講，我都係岩岩先知。」我見佢個樣都好苦惱，唔似係講笑。
姐係我地俾人玩。
「HI，康僑，sor呀，唔記得通知你我地改左場合，我地覺得夏天就黎完，所以好應該搞船P。」
佢係Sasa，好臭串，亦係今日既主角，如果俾著將來既我聽到，一定串Seven佢。
可惜依家既我無呢個膽量，任由自己條女俾人蝦，仲要笑笑口咁，真係好想打勁自己。
「唔緊要啦，生日既話事呀嘛。」自己仲以為好型咁打圓場，其實俾人蝦到上心口都唔知。
「你男朋友真係好識講野姐康僑。」佢好nice咁同康僑講。
但康僑已經黑曬口面無理佢。
「我仲要招呼其他人，你地去果邊坐住先啦。佢叫我地入去船入面等。
入到去見到D仔又大隻又陽光又高，覺得自己呢套衫根本唔岩呢個場合。
即刻灰左，同自己朝早既想像完全唔同。
一入船艙入面，一堆陽光男坐曬係度，仲有D身材勁好既女係度。
佢地既共通點都係身材好好，但樣就嘛嘛。
D仔就似消防員咁，D女就靠化妝。
你話我偏見又好，個人喜好又好，我唔鐘意D女化到勁濃妝，即使佢唔化妝好靚女，但一化濃妝就覺得接受唔到。
偏偏佢地就係化曬濃妝咁，我估佢地既妝都係防水。
佢見到我地入面都O曬咁，因為我地真係格格不入。
康僑就上身白色露腰背心，下身襯黑色短裙，鞋就著啡色timberland既高筒鞋。
佢咁樣配搭出到佢已經俾好多仔仔視姦。
但如今佢既打扮係呢一度黎講，唔夠搶鏡，算係普普通通。
康僑走埋去同D仔仔say hi，再同幾個女仔打個招呼咁，就同我係最入面坐低左。
依家我先了解到，我完全唔了解康僑以前既世界。
一個高高地，唔算好大隻，但佢係標準既半肥瘦。
「康僑，佢隔離果個係你新仔?。」佢好串咁問。
我Hi咩?點解呢度D人咁臭串既?一入黎兩個同我講野既都勁串，康僑以前識開既人就係咁?
「係呀。」佢好尷尬咁答佢。
「你好呀，我叫Jeffery，點稱呼呀?」佢好nice咁問我，雙面人黎嫁?
我對呢條友真係無咩好感可言。
「我叫呀華。」
佢過黎同我握手，「有無英文名呀?平時唔會記人中文名。」
佢咁樣問我已經無曬霸氣可言，輸左。
「我英文叫Peter。」我都禮貌上同佢握手。
我耳邊聽到陣陣既笑聲，我真係從來未試過覺得咁羞家。
呢個英文名係我家姐改，佢話咁樣平易近人D，易識朋友，連我老媽子都覺得呢個名好呀，外國好多靚仔都叫呢個名。
但今日我想搵窿鑽。
有好幾個女仔同我講，「HI，Peter仔。」
語氣帶點嘲笑。
康僑都好貼心，知我難堪即刻同佢地轉話題。
但我自己就一直徘徊緊果個話題，我話唔介意俾人咁樣暗串就一定係呃你既。
康僑同佢地閒話家常，我就無機會去搭嗲嫁啦，坐埋一邊玩手機。
玩玩下，有個身材幾好既女人撩我傾計。
「Peter仔，你同康僑讀同一間學校嫁？」佢又係一個化濃妝既女仔，即刻扣曬分。
「係呀。」我想敷衍佢。
「你知唔知以前佢係咩人？」
「我知呀，咁又點？」我開始有?驚，始終真係唔了解佢既背後。
「佢之前搶左我條仔，你又知唔知？」佢隻手放係我大脾度，「所以我要令佢試返同樣既滋味。」
佢隻手開始唔安分，係我身上度遊走......
我未試過同女仔有咁親密既接觸，即使我同康僑都好守規矩，第一次遇到女仔咁主動，真係連我呢個毒向左走向右走心都融化了。
真係好正，果一刻真係好享受，果種刺激感，身體反應話俾我知好爽。
但理性同我講收手。我岩岩閉眼享受，就看到康僑既臉容出現係我腦海入面。
我甩開佢隻手，「夠啦。」
佢有點驚訝，但一秒過後佢笑一笑。
「做咩姐，岩岩唔係好爽既咩？」
佢唔死心，繼續摸。
見到佢咁樣我更加堅定，再一次甩開佢隻手。
好有霸氣咁講，「唔該你尊重返你自己。」
佢開始惱羞成怒，「做咩姐，果個姓阮既女人有咩咁值得你咁做？」
「我身材唔夠佢好咩？」佢唔理有無人，拉低左佢個bar。
佢堅挺既雙鋒原形畢露咁展現係我面前，至少有D-cup。
果一幕真係扯扯地，少d定力都唔得。
但唔知點解我覺得佢好可憐。
我伸手拉返佢個bar上去，當然咁就會摸到佢個波，但係我無果個意思，如果果個唔係康僑既話，真係無意思。
果個觸感好柔軟，原來女性既胸係咁既感覺。
「好好地錫自己。」好彩d人出左去，間房得返我同佢，因為出面都幾熱鬧下。
佢聽到我呢句呆左一呆，都係唔心死，「究竟點解呀？」
女人係咪咁鐘意咩都問到底？
「因為我除左愛佢，我咩都俾唔到佢。」
我無再理佢，我比較想知出面咩事咁熱鬧。
我一出去，就見到好多男女攬住一起鍚，個畫面好似拍緊AV咁。
而康僑就同人拉拉扯扯緊，睇佢表情十分唔願意。
此時此刻既你身為男人你會點做?