《男人多情而長情，女人專情而絕情》: 第十六章
仲洗問既?緊係沖上去救左自己條女啦，唔通等埋你上高登開post問咩?
事實係，我個腦一片空白。
岩岩又發生左呢D事，真係好突然。
唔知點算好，俾唔到反應。
當我見到康僑望過黎，同我對望左一眼之後，我先識得俾反應。
即刻沖過去，拉住康僑。
「無事呀嘛你?」我講完之後望一望個男仔，「咩事呀你?」
「唔洗咁嬲，無咩野，我勸緊康僑落水姐，一場黎到。」佢笑笑咁講。
心諗:好難唔嬲喔，我唔會俾自己條女受委屈。
依家自己先發覺，原來毒向左走向右走發起惡上黎都唔係人咁品，自己都嚇親。
「咁你拉拉扯扯做咩姐?好好玩呀?」我啖氣都落唔到。
「OK，OK，Sorry，毒向左走向右走係無女嫁，好彩我仲有大把女可以慢慢玩。」佢攤一攤手就走開左。
我以為佢講下姐，點知佢真係走去搞其他女，其他女又俾佢搞先好野。
我二話不說，拉住康僑去船頭。
「你無野呀嘛？」我一野攬住佢，我真係好怕佢有事。
「岩岩真係好驚好驚，不過好彩有你係度。」佢小鳥依人咁依偎係我心口。
聽到佢咁講真係覺得自己似返個男人。
男人既信心好多時候都係黎自女人。
「唔驚唔驚，我係度。」我輕輕拍一拍佢個頭。
佢好似細路女咁笑。
「你知唔知呀，你岩岩真係好Man。」
「第一次咁Man。」
我俾佢咁樣講一講有D飄飄然。
「咁我果一刻真係想保護你，唔想你俾人蝦。」
「有你保護真好。」佢慢慢地吻住我。
我地擁吻左好耐，呢一刻，我以為自己拍緊戲。
其實開船P既人，主要唔係為左落水，係為左影相，PO上IG曬命。
我同康僑係度等左成3個鐘，佢地就影足3個鐘。
我地就係度傻的嗎9咁睇住佢地影相，著成咁點影呀大佬?
又唔走得喔，架船又開走左，焗住坐係度唔知為乜。
我同康僑岩岩睇景睇到悶，返入去玩下手機咁。
佢地有佢地係出面影，我地有我地係入面影。
「我同你一齊咁耐都好似未影過相喔。」
「你知嫁?其實我等左好耐。」康僑原來一直對我都有期望，只係佢唔講。
「我地出去影啦。」
「好呀。」
我地面對住D風景，高舉手機自拍，又set下位影下咁。
睇返D相，原來我地岩岩好sweet，又攬又錫咁。
我同自己講，一定會好好珍惜呢D相。
點知呢D相成為左傷害我最痛既工具。
「佢班死人野，影到咁鬼耐，都唔知為乜。」真係好睇唔過眼。
「我由識佢地開始已經係咁，有錢人係咁嫁啦。」佢見怪不怪。
「讀得我果間學校既人都非富則貴。」
「咁你屋企好有錢嫁?」趁機會問多D佢既野。
「對你黎講係好有錢，但對佢地黎講唔算得係咩。」
「咁你屋企咁有錢，睇唔出你之前既情史咁......」我婉轉咁講。
「我屋企管得好嚴，思想保守，所以搞到我更加渴望愛。」
「你呀...將來如果要見家長呀，醒醒定定呀你，行錯一步你都死呀。」佢扮惡兇我。
望住佢可愛既表情，出曬神。
佢成日都可以咁樣電我，成日都俾佢吸引住。
剎那間，腦海中閃過岩岩果個女仔既樣。
佢的確好吸引我，但我同佢唔會有可能。
雖然我清楚康僑係咩人，但對於佢講既野的確有所動搖。
我趁機問下康僑，「係呢，岩岩坐係我隔離果個女仔邊位黎嫁?」
「你講邊位呀?」
「就戴眼鏡，化濃妝既，高高瘦瘦果個。」
「你講KaKa?」
「我唔知呀，我又唔識佢。」
「無啦啦做咩問起佢?哦~你想溝人?你真係夠膽死，係自己條女面前提其他女仔?當我死嫁?」
佢連珠炮發，又出埋家法扭耳仔。
「邊係呀，我呢D毒向左走向右走有人要已經要謝天謝地嫁啦。」即刻扮死狗。
「算你啦!」
「我岩岩介紹自己既時候佢係度偷笑，問下你同佢熟唔熟姐。」
「KaKa我同佢唔熟，我正係知佢成日都鐘意撩仔，聽人講佢試過一拖十幾船，其他既我都唔係咁清楚。」
佢繼續講，「我同SaSa以前好fd，大家都對愛情好有憧憬。岩岩升上中學，佢學號係我前面，有咩活動要排隊佢就企係我前面，所以好快就熟左。」
「亦知道佢成日上網煲?台劇，覺得愛情好美好。」
「自從佢中三初戀俾男人玩之後，就變到唔相信愛情。」
「佢變到識改變自己，去浦，但佢同我感情都好好，只係講野臭串左，佢...」
佢頓左一頓，「其實女人都係想要人錫姐。」
佢望一望我，果個眼神包含左好多野，好似同我講，「你識做啦？」
即刻接落去呀我，「知，要好好錫住你呀嘛。」
「那你講嫁，我咩都無講過。」佢甜絲絲咁撓住我。
我摸摸佢個頭，同自己講，我一定會好好錫住佢。
係我地溫馨緊既時候，出面班蛋散突然間入黎。
Hi，破壞曬成個氣氛不凸止，仲要俾人見到曬。
佢地見到即刻起哄，「wow」聲四起。
「要搞返屋企搞呀嘛。」
「唔阻你地啦，我地出去食蛋糕啦。」
「眼暈。」
「好sweet呀佢地。」
「康僑果然唔同曬。」
佢地既反應深深令我懷疑佢地係咪康僑既朋友，身為佢男朋友，聽到呢d野堅係嬲。
我同康僑即刻起身，好尷尬，好瘀。
個情況就好似你去叫雞，突然間警察開門，掃你場咁。
慘過俾你呀媽發現左你打飛機。
成個生日最後都係無落水，我就好似邊緣人出席呢個生日會。
我同佢地係唔同世界既人，我亦都唔鐘意佢地既世界，我寧願做返個毒向左走向右走。
要我面對佢地既虛情假意，我寧願做返自己。
送康僑返去既時候，我有問佢。
「你同岩岩果班朋友好熟嫁?」
「唔熟嫁，只係某幾個，其他都同佢地唔岩傾。」
係地鐵度都要望下有無熟人，隔牆有耳呀嘛。
確定無人我就講，「今日我的確又再了解左你好多，我亦都想嘗試融入你以前既世界，但發現太難啦，我真係好唔鐘意你果班朋友，同佢地講野差太遠啦。」
「我以前既世界，我自己都唔想接觸咁多，但間唔中點都要聯絡下。」
佢內疚咁同我講，「對唔住呀，搞到你今日受委屈。」
佢輕輕摸一摸我塊面。
當堂成個心軟曬，仲點會唔開心，好彩佢夠體貼。
同康僑佢無心無風咁過到聖誕。
文西佢地有搵我，「喂華仔，今年聖誕你同唔同我地過呀?」
呢個問題我有諗過，想帶康僑同佢地出去玩既，但係又想享受下二人世界，感受下聖誕既氣氛。
聖誕呢個節日真係好奇妙，真係可以俾到人奇妙又溫馨既感覺。
經過我既考慮之後，「我同康僑佢會同你地食飯，跟住我地就走嫁啦。」
「得啦，知啦，你地拍拖緊要d，我地識做既，只想唔想聖誕節都咁毒留係屋企姐。」
真係隔住部電話都聞到佢陣Sad味。
「兄弟都要陪既，放心啦，你地好快都會搵到女女既。」